آه يا أيام

[شاعر الحب الحزين]

آه يا أيام لو نعيش فيكي بسلام

لو لسه فيكي مكان لأمنيات وأحلام

لو يرجع دم المسلم فيكي حراااااام

لو نشيل من عقولنا أي حقد وانتقام

آه لو النوايا سليمة وبالحق نقول كلام

كلنا غلابة حتى الديابة غلابة

كلنا بشر بس الدنيا دي قلابة

غرتنا خدتنا خلتنا نشوفها غابة

ضاعت الرحمة تاهت الطيبة وسط الزحام

حكم عقلك صحي ضميرك يا انسان

أخوك من لحمك ودمك ليه تحرمه الأمان

بتشمت فينا كل غريب حاقد على الإســلام

آه يا أيام بتجري طايرة فينا طير

الشر فيكي زايد وقل فيكي الخير

يمينك بقى شمال ماشية عكس السير

واحنا معاكي ماشيين ورانا سايبين أخلاق وحب واحترام

كل حاجة اتغيرت عقول وقلوب ونفوس

أحلامنا الجميلة فجأة بقت قدامنا كابوس

ولسه شايفين الدنيا إنها أجمل عروس

ترفض اللي يتقدملها ويتعلق فيها اكتر وهي ولا أي اهتمام

عرفنا إنها رخيصة شبكتها غرور ومهرها جنة

ومش هناخد غير نصيبنا منها مهما نتمنى

بتوعدنا إنها هتسعدنا وتبعدنا ونفضل نستنى

أتارينا بنستنى موت وبنعرف لما نموت إنها عيشة والسلام



شـــــــــــــــــــــــــــــ . حـــــــــــــــــــــــــــــــــــ

[Śลяą..ღ]

وبتفضل فِ الآخر ..آمنيات
صعب تتحقق فى الزمن دا
كل اللى اقدر اقوله . . يارب
تسلم خالد عَ خاطرتك الحلوة
موفق

[ايمان طلعت]

هي دي الدنيا
وما تزال امنيات لن تتحقق
لانها كما قلت ماشيه عكس السير
لنا الله
كلمات بسيطه في قرائتها
جميله في مضمونها
تحياتي

[حازم34]

واه واه واه وكثرت الاهات

كلمات مؤثره والله اخي فيما نراه هذه الايام

وقد صورت الواقع الاليم بتلك الكلمات

يسلموا ويسلموا نبض القلم والفكر

لك مني التحيه

[فداااااااااااء]

حال البشر اتغير للسوء

وبقى كل ما هو مرفوض ومنبوذ مستباح
حتى استباح الدم

دنيا كل يوم بيزداد لونها سواد وبضيق روحنا منها اكتر

الله يصلح الحال

سلمت اخى شاعر لرقى ما تنثره وجمال مضمونه الساكن بين الاحرف

لروحك السعادة ان شاء الله

[العاشق الذى لم يتب]

للاسف الدنيا ازدحمت بقلوب مريضة خبيثة
ومعظم القوم هالكون
ونواياهم ضريرة
ولكن مازال الخيرفى وامتى ليوم القيامة
جميل الهمس
مبدعناخالد
سلمت يمناك
دمت بخير

[.Lamar]

ناس بتغرها الدنيا و تظن انها مخلدة

مع انها لا تساوى جناح بعوضة

بالاخير لن يبقى غير عمل صالح

و دعوة الى رب العالمين

ان نكون ممن نالتهم مغفرته


جميلة الخاطرة اخى شاعر

دمت بخير

[جبل عالي]

وما أكثرها الآهات خالد

يبقى دائما قلم الكاتب هو المعبر
عما تكنه الصدور وتتشارك به
وأرى هذا بتعليقات الجميع دون إستثناء

أبدعت كعادة قلبك وقلمك الجميل
كن بكل الخير دائما
ولك كل الود والاحترام

[شاعر الحب الحزين]

اقتباس المشاركة الأصلية كتبت بواسطة Śลяą..ღ وبتفضل فِ الآخر ..آمنيات صعب تتحقق فى الزمن دا كل اللى اقدر اقوله . . يارب تسلم خالد عَ خاطرتك الحلوة موفق

ونعم بالله سبحانه وتعالى

تسلمي سارا لوجودك وتفاعلك الجميل

نورتيني واسعدني حضورك الرقيق ام سرسور

ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة ايمان طلعت هي دي الدنيا وما تزال امنيات لن تتحقق لانها كما قلت ماشيه عكس السير لنا الله كلمات بسيطه في قرائتها جميله في مضمونها تحياتي

سلمتي شمعة الحياة الاجمل رقي تواجدك

اسعدني حضورك القيم هنا إيمان ورقي تفاعلك

ربي يوفقك ويسعدك