خودلك فجله واركب سوبر جيت وانسي اللي حصلك من دجله وبتروجيت !

[محمود الصاروخ]

السلام عليكم ورحمة الله وبركاته
--



جمهور الزمالك امبارح بعد تعادل الاهلي مع وادي دجله قال ايه ؟
تعالي وخودلك فجله وانسي اللي حصلك من دجله !

جمهور الاهلي بعد تعادل الزمالك منذ قليل مع بتروجيت هيقول ايه ؟
إركب سوبر جيت وانسي اللي حصل من بتروجيت !

مازلنا في الاسبوع العاشر من الدوري لهذا الموسم والتحفيل شغال
ماشاء الله علي الفيس بوك والمواقع والمنتديات بشكل عام

قبل بدايه الموسم الاهلي قال الدوري لينا الموسم ده ولو بصينا هنلاقي
ان بدايه الاهلي الموسم ده بدايه سيئه جدا لانه خسر ماتشين واتعادل ماتشين

قبل بداية الموسم جماهير الزمالك قالت الدوري لينا الموسم ده كمان ولو بصينا
هنلاقي ان بداية الزمالك الموسم ده بدايه سيئه جدا لانه خسر ماتش واتعادل ماتشين

شعب وجمهور طيب بطبعه والتحفيل مستمر سواء من هنا أو من هنا
ولكن وقت الازمه أو وقت الظروف بنكون كلنا إيد واحده

كلنا سواء أهلاويه أو زملكاويه فضلنا نمدح في نفسنا من البدايه
ونسينا حاجه مهمه جدا نسينا ان الدوري الموسم ده ضرب نار

مباراة الزمالك منذ قليل مع بتروجيت شايف ان الزمالك ضيع المكسب
من ايده بالرغم من ان الكل شاهد من قبل المباراه انها صعبه جدا ومش سهله
ولكن افتكاسات المدرب في التشكيل هي اللي ضيعت مننا نقطتين النهارده
معروف يوسف الشوط الاول وبالرغم من انه كان افضل الشوط التاني
مش قادر أفهم ولا اعرف كان بيعمل ايه ؟ كل ما يستلم كوره لاعيبة بتروجيت
تضغط عليه وترجع هجمه مرتده علينا كل اللي بيفهم كوره هيقول حاجه واحده
طريقة لعب بتروجيت النهارده سهلت الماتش علي الزمالك جدا وكان سهل
الزمالك يكسب الماتش بس التشكيل من البدايه مكنش عاجبني شخصيا
وشايف ان ده سبب التعادل النهارده واللي فاهم كوره برضه هيتفق معايا
ان بتروجيت بتضغط كتير وبتسيب مساحات وراها وأكتر من كوره لاعب
الزمالك بيعدي في المساحات دي وبيخترق مشكلتنا حاليا ف الزمالك
ان الجهاز الفني بيوظف كل لاعب بطريقه غلط وبالفعل معروف يوسف
توظيفه غلط بس هنرجع تاني ونقول مشو الجهاز كله وهاتو جهاز جديد ؟
علي ما أظن جمهور الاهلي والزمالك علي نفس النغمه من بدايه الموسم
واحنا داخلين علي مدعكة افريقيا ؟!

حاليا هتكلم في نقطه مهمه جدا علي الاهلي و الزمالك اللي شايفهم الموسم ده
وحشين جدا جدا وبيضيعوا نقط أكتر وفي النهايه بنطالب اننا ناخد الدوري ؟
بس اللي احنا مش قادرين نفهمه احنا ك اهلاويه وزملكاويه وقبل بدايه بطولات افريقيا
يعني مثلا عندك الاهلي " بيسيرو " لاغي نص الملعب تماما من الفريق سواء
مدافعين أو مهاجمين عندك مثلا مدافعين الاهلي وشريف اكرامي بيرموا الكوره
لمدافعين الانديه المنافسه عشان يجيبو اهداف سهله جدا ومتحصلش من
نادي زي الاهلي ولو بصينا ع الزمالك بصه بسيطه هنلاقي ان الزمالك مختلفش
كتير عن الاهلي لان الزمالك بيدافع كويس جدا من نص الملعب بوجود ديفندرات
زيادة عن الحد المعقول وهما اصلا مش مهاريين ولكن بعدم وجود مهاجمين
اهداف الزمالك يتم تسجيلها بمهارات فرديه لصناع اللعب في الزمالك مثل كهربا
ومصطفي فتحي وايمن حفني وحمودي والبشريه دي كلها

الفرق بين الاهلي والزمالك في الوقت الحالي من وجهة نظري
ان الزمالك يمتلك فروق فرديه كبيره جدا بين صناع اللعب والمهاراه
انما المشكله واضحه جدا في خط الوسط هنا و هنا

الزمالك عاجز تماما انه يخلي لاعيبه الوسط يلعبو لعب جماعي
ولو فكروا انهم يلعبو جماهي ويسيبهم من المهاراه ده بيودي ان الفريق كله بيقع
وأكتر من مره شوفناها ان لو محصلش ده الزمالك يخسر أو يتعادل

الاهلي مش قادر أفهم نص ملعبه ماشي ازاي من بدايه الموسم لان
مش متابع كل ماتشات الاهلي ولكن شوفته في بعض الماتشات بس لازم
بيسيرو يوظف لاعيبته صح بمعني ان في حالة الهجوم يكون هجوم
وفي حالة الدفاع يكون دفاع

وفي نهايه الموضوع وقبل ما أطرح عليكم اسئله للنقاش أحب اقولكو كلمتين
سواء للأهلاويه أو للزملكاويه واهو نحفل علي بعض شويه

( خودلك فجله وانسي اللي حصل من دجله )
( إركب سوبر جيت وانسي اللي حصل من بتروجيت )
( بيسيرو مدرب الاهلي و باكيتا مدرب الزمالك وجهان لعمله واحده )

بعد الأسبوع العاشر من الدوري تأكدو تماما ان الاهلي والزمالك لسه
هيخسرو ويتعادلو كتير جدا لان كل الفرق عندها طموح وبتلعب وبتضغط
ع الاهلي و الزمالك وده اللي شوفناه كتير وربنا يكرم ان شاء الله

( اسئله للنقاش )

- ما رأيك في اداء الزمالك اليوم بعد التعادل مع بتروجيت ؟
- برأيك ما الفرق بين تيم الاهلي و تيم الزمالك الموسم ده ؟

[واد حبيب]

اداء الزمالك النهارده كان معقول في الشوط الاول في الشوط التاني كان كويس لكن احنا لسه في اول الدوري والفرق دلوقتي قريبه من بعضها
ووضح كده ان جماهير الاهلي والزمالك هيحتفلو علي بعض علطول ههههه

[Doaa Hammam]

بعتذر انا مش بتابع الكوره للأسف

انا مع المنتخب المصري وبسسسس

[حازم34]

حقيقي والله اخي الكريم محمود اني استعجب اشد العجب وكما رايت


في مباراه اليوم هناك لاعبين امام مرمي الخصم وكانهم لايرون اي يقع المرمي


الكره بمصر سيئه

والمسؤل الاداره واللاعبين


شئ مؤلم افضل ناديين بمصر غير قادرين علي تحقيق الاهداف


تسلم ناقدنا الرياضي الجميل

[مــريــم]

هو كان كويس شوفت من الماتش تخاطيف بس ربنا يارب ينصر كل الى بيتمرن بجد وعايز يوصل

[morshooo]

انتا نسيت افتح قناه التت وانسى الى حصل من بتروجيت ^_^

كلامك انا معاه ان الفرقتين هيخسرو ويتعادلو كتير

بس الدورى مش هيخرج عن الاهلى او الاهلى برضو :d

ان شاء الله .

احب اقولك حاجا برضو عن بيسيرو او باكيتا

لسه لسه لسه لسه .

وهفضل اقولك لسه دى لكمان ماتشين تلاته للاهلى

وكمان 7 ماتشات للزمالك توقعاتى الزمالك هيقع تانى لسه

لانه ماستغلش الـ 40 يوم الى اتوقف فيهم الدورى وقولتلك قبل كدا

لسه الزمالك هيعانى من عدم استغلاله للـ 40 يوم وقولتلك البدايه هتكون

من بتروجيت وفعلا كانت البدايه .

- ما رأيك في اداء الزمالك اليوم بعد التعادل مع بتروجيت ؟

الشوط الاول تروجيت يستحق الفوز
الشوط الثانى الزمالك يستحق الفوز
يعنى التعادل نتيجه عادله .

- برأيك ما الفرق بين تيم الاهلي و تيم الزمالك الموسم ده ؟

مفيش اى فرق الاهلى والزمالك يمتلكو احسن حارسين مرمى فى مصر
الاهلى والزمالك خط دفاعهم بيتراجع الفتره الاخيرة
( نجيب وسعد ) ( كوفى و جبر )
الاهلى والزمالك خط الوسط الدفاعى معندهمش بدائل لــ
( عاشور ) و ( ابراهيم صلاح )
الاهلى والزمالك انشط ما فيهم لاعبى الوسط الهجومى وهم
( السعيد وصبحى وسليمان ) ( كهرباء وفتحى و حمودى )
الاهلى والزمالك الخط الهجومى هيتفوق الاهلى الفتره الجايه
( ايفونا )

[ندوشه 2011]

خد لك ايه هههههههههه ضحكتني يا واد هههههههه

[محمود الصاروخ]

اقتباس المشاركة الأصلية كتبت بواسطة واد حبيب اداء الزمالك النهارده كان معقول في الشوط الاول في الشوط التاني كان كويس لكن احنا لسه في اول الدوري والفرق دلوقتي قريبه من بعضها ووضح كده ان جماهير الاهلي والزمالك هيحتفلو علي بعض علطول ههههه

من الطبيعي ان الاهلي و الزمالك يسيطروا علي اكتر أوقات الماتش
ولكن احنا دايما نبص للنتيجه اللي من خلالها تحسم نقاط الماتش

وبالفعل التحفيل هيكون مستمر طول الموسم
ان شاء الله

منور ياغالي

[محمود الصاروخ]

اقتباس المشاركة الأصلية كتبت بواسطة doaa hammam بعتذر انا مش بتابع الكوره للأسف انا مع المنتخب المصري وبسسسس

اهلاوي زملكاوي علي جميع الجوانب كلنا مصريين
والانتماء الأكبر لمنتخب مصر فقط لاغير

بالتوفيق لمنتخب مصر فيما هو قادم
منوراني دعاء

[محمود الصاروخ]

اقتباس المشاركة الأصلية كتبت بواسطة حازم34 حقيقي والله اخي الكريم محمود اني استعجب اشد العجب وكما رايت في مباراه اليوم هناك لاعبين امام مرمي الخصم وكانهم لايرون اي يقع المرمي الكره بمصر سيئه والمسؤل الاداره واللاعبين شئ مؤلم افضل ناديين بمصر غير قادرين علي تحقيق الاهداف تسلم ناقدنا الرياضي الجميل

فضلنا نعاير بعض من بداية الموسم واحنا الافضل لا احنا الافضل
ولحد اللحظه دي مفيش حد أفضل من التاني والاهلي به مشاكل
والزمالك به مشاكل والكره المصريه دايما ف النازل
ربنا يكرم ف اللي جاي

منورني دايما حازم باشا