ذكريات moooona في 2015 ( الحلقه الاولى )

[Dr. AnOosHo]

كل سنه وانتم طيبين ... السنه اللي فاتت راحت وعدت بحلوها ومرها النهاردة حنتعرف اكتر مع بعض على عضوة شقيه .. بنوته صغيره بس لها صدى في المنتدى ووجودها مميز حنتعرف مع بعض على ذكريات MOOOOONA في 2015 ونظرتها في 2016 ان شاء الله اهلا بيكي منون معانا في برنامح ذكريات مع 2015 الاساله النهارده معانا متقسمه لاربع اجزاء مستعده ؟؟؟ اهلاً يا قمره الجزء الالول لحظات 2015 اكيد مر علينا كلنا لحظات حلوة ووحشه النهارده حابين تشاركينا بيها ونتعرف اكتر عليكي من قرب وعن لحظاتك في 2015 اجمل لحظه مرت عليكي في سنه 2015 الدراسيه الدراسيه .. لما خلصت الترم الاول وجيبت مجموع حلو فى مواد كانت صعبه بالنسبالى عشان الترم الاول كان فيه كيمياء اكتشفت بعد كدا ان الفيزياء اصعب هههههههه اسوء لحظه ماينفعش تنسيها مرت عليكي في 2015 امممم .. لا مفيش الحمد لله كلها حاجات تافهه يعنى اجمل لحظه مضحكه مع صحابك في 2015 ؟ كتييييير اوى ههههههههههه اللحظه اللي حسيتي فيها انك ندمانه على حاجه عملتيها في 2015 يعنى لما كنت بكون فكره عن الاشخاص بس بكتشف انى اتسرعت او ظلمت يعنى واكيد اللحظات الكتير اللى كنت مش بساعد ماما فيها ربنا يهدينا ههههههه الجزء التاني .. انجازات 2015 اخر يوم في سنه 2015 قولتي ايه اوف اخيرا خلصت ولا قولتي كانت سنه جميله ياريتها ماخلصتش ؟؟ كان فيها الجميل والوحش بس كل سنه كنت بحس فيها بالحماسه مش عارفه ليه كنت حاسه بالبرود فى السنه دى هى اولها كان احلى اساساً كل ماتيجى سنه اقول اللى قبلها كانت احلى هههههههه حاسه حققتي ايه في حياتك تقولي عليه انك عملتي انجاز مبسوطه وفخورة بيه في سنه 2015 ؟ لا مش انجاز .. عادى ماعملتش حاجه يعنى اخد عليها جايزة اوبل ههههههههه انا هقول انى عملت انجاز لما ادخل كليه حلوه من كليات القمه باذن الله دا اللى نفسى احققه فى 2017 بقى هههههههه حسيتي ان 2015 سنه حلوة على مصر حصل فيها انجازات ولا سنه كئيبه ؟؟ لا اكيد حصل انجازات كتييييير الجزء التالت ... على مستوى المنتدى اجمل لحظه فكراها في المنتدى في 2015 ؟ لحظات كتيره اوى لما بهزر مع صاحباتى اللى هنا ههههههههه اكتر موقف ضايقك في المنتدى في 2015 ؟ عادى يعنى كل حاجه بتعدى والتطنيش حلو بردو حتى لو حاجه ضايقتنى فيه حاجات كتير بسطتنى بس اهم حاجه الاحترام والرقى فى الكلام بس مافيش حاجه تستاهل انى اتضايق عشانها اكتر عضو قربتي منه في 2015 لا كلهم صاحباتى بس ندى ماكنتش اعرفها وقربت منها وانتى بردو وناس تانيه كتير الباقيين بقى قريبين منى من ساعة ما شاركت مين العضو اللي زعلتي منه في 2015 وحابه تصالحيه او تعاتبيه في 2016 ؟ انا عموماً لما بحس انى غلطانه بصالح مش بحس انى غلطانه اتفلقوا هههههههههههه بس الناس هنا فى المنتدى محترمين اوى و من زمان انا عارفاهم من ساعة ما شاركت و طبعاً انتى منورانا يا نوشه انتى و الاعضاء الجداد في 2015 اتعينتي مشرفه في منتدى بنات مصر حاسه المنصب ده قدرتي تفيدي بيه المنتدى ولا حاسه لسه المفروض حاجات كتير تتعمل وماتعملتش الى حد ما اساساً اول ما اتعينت مشرفه حسيت انى هقصر و طبعاً فيه حاجات كتير لسه ماتعملتش بس بحاول الى حد ما ايه الحاجه اللي في المنتدى من وجهه نظرك سيئه في 2015 وتتمني تتصلح في 2016 ؟ لا مفيش حاجه سيئه فى المنتدى الاعضاء محترمين جداً لاحظت دا من اول ماشاركت الجزء الرابع ... طموحك في 2016 كل سنه وانتي طيبه واهو بدانا سنه جديده و انتى طيبه يا قمره نفسك تحققي ايه في 2016 ماقدرتيش تعمليه في 2015 نفسى اساعد ماما اكتر من كدا واخفف عليها ونفسى ربنا يرضى عنى اكيد ونفسى اذاكر بنفس اكتر ههههههههه واحاول ابقى اجتماعيه مع الناس اكتر اصل انا هنا بكون اجتماعيه جداً لكن فى الواقع بكون خجووووله و نفسى اتخلص من دا بجد ايه المفاجئات اللي حتقدميها للمنتدى وانتي مشرفه فيه ومستمرة في اشرافك لعام 2016 ؟ لسه ماعرفش بس ان شاء الله هحاول ابذل مجهود اكتر و اعمل حاجات كتير كويسه نصيجه منك للاعضاء والمشرفين والمدريرين لعام 2016 عشان نفضل محافظين على الكيان ده ؟؟ اقول احلى حاجه ان تعاملاتنا مع بعض كويسه و ياريت نستمر على دا وياريت كل حد يكون نشيط ويتفاعل فى المنتدى كتيييير زيى كدا هههههههههه انا فى دراسه اه بس بدخل كتييييييير على قد ما اقدر اهو ونصيحه منى انا بقى بعيداًَ عن كل دا ياريت نحاول نختار الصور اللى بنحطها عشان فيه صور الواحد بيتكسف يشوفها ههههههه و شكراً شكرا جدا ليكي على الحوار الجميل ده .. انتي شخصيه جميله ومحبوبه وليكي بصمتك في المكان كل سنه وانتي بالف خير يارب ومحققه كل اللي بتتمنيه و انتى بخير يارب يا نوشه ربنا يخليكى يا حبيبتى ♥♥ وانتى بجد من الناس اللى وجودها بيفرق فى المنتدى جااااااامد وبكده خلصت حلقتنا النهاردة مع بنوته الممتدى MOOOOONA وكلنا بنتمنالك سنه سعيده عليكي ومحققه اللي بتتمنيه ومتوفقه في دراستك يارب انتظروني في الحلقه القادمه من ذكريات في 2015 مع العضو المتميز SAD-LOVE

[حـيـــــآة ❤]

منووره آيمي
ربي يسعد ايامك دايما
نوشه جميله الاسئله وفكره البرنامج
كل سنه وانتوا طيبين

[Śลяą..ღ]

منمونه شخصيه جميله
يارب السنه الجديدة تكون أحلى واحلى
تسلمى نوشه ع الاستضافة
وكل سنه وانتم طيبين

[PrinCesS Gege]

فكره البرنامج حلوه اووي
تسلم ايدك
والحلقه كانت لذيذه
كل سنه وانتو طيبين بقا ^^
وف انتظار باقي الحلقات

[رآقيہ بأخلاقـى]

كنتِ منورة اول حلقة فى البرنامج يا مونه حبيبتى
واجاباتك كلها جميله بس ربنا يهديكِ على ماما وتساعديها
ويارب تحققى كل اللى بتتمنيه فى السنه الجديدة
كل سنه وانتى طيبه واسرتك بخير
جميله الحلقة نوشه تسلمى يا قمر
كل سنه وانتى بخير

[ساحر الأحزان]

حلقة جميلة نوشة

مع ايمى

اسئلة جميلة

واجوبة

بانتظار حودة

موفقين

[Just Ahuman]

إستضافه جميله يا أنووش الله ينور يا دوكـ .. وإن شاء الله تبقي السنه دي سعيده علينا كلنا .. ومنوره MoOona

[.Lamar]

منورة يا مونة

ربى ينجحك و يخليكى لماما ويبارك لك فيها

اجاباتك حلوة و بسيطة

جميلة الحلقة

تسلمى هنون على الاسئلة

كل سنة و انتم بخير

[الفيلسـوف]

تسلم ايدك ياانوش وف انتظار الضيف الرخم الجاى اللى هو انا

[♥○ moOoOoOna ♥○]

انتى طريقتك جميله جدا ً يا نوشه فى صياغة الاسئله
والفكره جمييييله

كنت مبسوطه انتى كنت معاكى