بعد مباراة الزمالك و مصر المقاصة !

[محمود الصاروخ]

اقتباس المشاركة الأصلية كتبت بواسطة აα∂ Ԑγεა مع العلم انه مش توبيكي , لكن شايف اني مختلف معاك لدرجة اني لازم ارد الحقيقة عن نفسي ومش لاني زمالكاوي ابدا بل لاني متابع للكورة شايف التوفيق حليف المقاصة النهاردة وجدا كمان ! زي ما ذكرت في ردي المقاصة موصلش باي هجمة منظمة في طول احداث المباراة من الاساس وسجل من تسديدتين من بعيد بتوفيق غير عادي علي الاطلاق حتي الكورة بتاعت الافريقي علي عكس سير المباراة تماما تتشاط وتلبس في العارضة لكن متخرجش برا الملعب , متردش للشناوي , متردش لواحد من الاتنين مدافعين اللي ف المنطقة , لا ترد لعمر النجدي وسطهم ويجيبها جون ! , لو مش دا التوفيق يبقي ايه ؟؟ اما عن الزمالك ممكن اسميلك 6 او 7 فرص مباشرة للزمالك , منهم 3 انفرادات صريحة او اكتر , شهدت سوء تعامل من اللاعبين او سوء توفيق عن نفسي كانت النتيجة 1 – 0 للمقاصة ومن الملعب كنت شايف الزمالك يقدر يحقق الفوز مستريح , لكن " سوء التوفيق " هو اللي كان له رأي تاني مش العكس .

ده اللي بحاول أوصله لكل مشجع اهلاوي ياحوده
وبخصوص ردك الاول هتفق معاك ان باكيتا لازم يكمل الفتره دي
ع الاقل وربنا يكرم ان شاء الله لانها مش غلط ولا عيب مدرب تماما
إحنا بنوصل للمرمي بسهوله ولكن عدم التوفيق او الاستهتار من اللاعبين

بالتوفيق في القادم

[محمود الصاروخ]

اقتباس المشاركة الأصلية كتبت بواسطة واد حبيب ايه الفرق لما تكون بتروح علي المرمي واللعيبه تفع وهيه بتشوط الكوره

طيب لما فريق يروح ب 7 هجمات محققه ويغيب التوفيق عنه
وفريق يروح ب كورتين عكس اتجاه الماتش عموما ومش خطر
ويسجل منهم ويكون التوفيق معاهم هما اللي يستاهلو ؟
اما الفريق اللي وصل وعمل ده مايستهلش ؟

تعرف تجبلي ملخص المباراه كده ونبص مع بعض ؟

[الفيلسـوف]

اقتباس المشاركة الأصلية كتبت بواسطة مـح ـ الصاروخ ـمود بشغل نفسي بيك عشان انت حبيبي ياحوده ودايما بحب اتناقش معاك سبحان الله ياحوده يعني لو راجعنا الماتش مع بعض كوره كوره وثانيه ب ثانيه هنلاقي ان الزمالك وصل ب 7 هجمات محققه وكلها اهداف مؤكده ولكن غاب التوفيق عن الفريق اما المقاصه راح ب كورتين ومش فرص حقيقيه اصلا ! وجات هدفين وفي الاخر تقولي الزمالك مايستحقش ؟ الزمالك كان زي الزفت النهارده متفق معاك ولكن صاحب أكبر عدد هجمات محققه وفيديوهات الماتش موجوده ! غاب التوفيق عن الزمالك فقط لاغير ! والنقاط اللي انا اتكلمت عنها فوق منور ياحودة

حبيبى ياحوده والله بص ياحوده مش حختلف معاك بس حنرجع ونقول ياكبير انى القصه مش ف هجمات الفريق ولا الاستحواذ كلامى النهارده كان ف روح الفريق وتعليقى الشخص زى ابو ايد كهرباء لازم يركن حبتين وبس كده وصدقنى صدقا انا بقولها ف غيبتك القسم الرياضى بدون اتنين المشرف السابق محمود والمشرف الحاضر حوده الصاروخ

[محمود الصاروخ]

اقتباس المشاركة الأصلية كتبت بواسطة ƧĀƉ_ĿŌ∀Ē حبيبى ياحوده والله بص ياحوده مش حختلف معاك بس حنرجع ونقول ياكبير انى القصه مش ف هجمات الفريق ولا الاستحواذ كلامى النهارده كان ف روح الفريق وتعليقى الشخص زى ابو ايد كهرباء لازم يركن حبتين وبس كده وصدقنى صدقا انا بقولها ف غيبتك القسم الرياضى بدون اتنين المشرف السابق محمود والمشرف الحاضر حوده الصاروخ

شوف ياغالي انا معاك تماما ان الروح كانت غايبه عن الفريق
متفق معاك في النقطه دي ولكن برضه بأي منطق تقولي الزمالك لا يستحق التعادل ؟
الزمالك ياغالي لو موصلش للمرمي اصلا ولا شافه ممكن اقولك لا يستحق
بس الدنيا واضحه قدامك الزمالك 7 هجمات محققه والمقاصه اتنين ومش خطر
بس غياب التوفيق عن الزمالك ... التوفيق مع المقاصه
دي القصه كلها

حبيب قلبي ياحوده

[شاعرة الرومانسيه]

اهو الحمد لله التعادل

والا كانت هتبقى عندنا أزمه بالبيت

تسلم ايديك محمود

[ندوشه 2011]

يابني أعصابك شويه طب اوعي كدا مبروك للزمالك وحظ موفق المره القادمه اهدي شويه قشطه يا كبير

[حازم34]

الزمالك لعب ولكن الهجمات فيها رعونه


ثانيا الزمالك يفتقد الي مهاجم هداف راس الحربه لايوجد


ولاذنب للمدرب الخطا علي الاداره

احمد حسن مكي لاعب عادي جدا ولايصلح الا ان يكون وراء المهاجمين


والزمالك نفد من هزيمه فعلا رغم السيطره السلبيه علي الكوره


مع خالص التحيه لك الكابتن والمحلل الرياضي الجميل محمود


وخلي بالك فيه فرق غير الاهلي والزمالك كتير

[a7med -3del]

ملخص المباراة
اولا حامد وصلاح استايل واحد كده انت خسرت واحد
ثانيا حمودي فتحي كهربا حفني وتطلع راس الحربة الوحيد
يبقي انت مدرب فاشل لان المهاجم هو الوحيد اللي يقدر يفقدك مدافع او اتنين في كل هجمة
ثالثا
لنا الله

[აα∂ Ԑγεა]

اقتباس المشاركة الأصلية كتبت بواسطة show me the meaning of lonely ملخص المباراة اولا حامد وصلاح استايل واحد كده انت خسرت واحد ثانيا حمودي فتحي كهربا حفني وتطلع راس الحربة الوحيد يبقي انت مدرب فاشل لان المهاجم هو الوحيد اللي يقدر يفقدك مدافع او اتنين في كل هجمة ثالثا لنا الله

ف البداية
حامد وابراهيم صلاح شكل بعض دا حقيقة الاختلافات قليلة بينهم والاتنين زي بعض
يمكن حامد افضل من ابراهيم صلاح حاليا في كل الجوانب وبدأ يطور من نفسه عن الاول كمان
لكن الدور في الملعب في خطة المدرب دا مختلف تماما
ابراهيم صلاح في اغلب الوقت بيسقط كمدافع تالت جمب الاتنين اللي ورا وبيدي حرية للباكات
بحيث يلعب الزمالك ف الحالة الهجومية ب 3 3 3 1 وف الحالة الدفاعية ب 4 2 3 1 العادية
هدف المقاصة الاول ربك كل الحسابات لانك بقيت بادئ المباراة مهزوم وكان لازم تغامر
الزمالك كان اغلب الوقت 2 4 3 1 وهنا ابراهيم صلاح بان سوءه اكتر لما اختلف واجبه عن الاول
ف وجود الاتنين الزمالك افتقد القدرة علي التمرير وبناء اللعب بسرعة تحت ضغط لاعبي المقاصة
فكان اغلب الوقت بيمرر بشكل بطئ وبشكل عرضي وسلبي

الملعب مش بيساع الاتنين في حالة تأخرك في النتيجة لكن ف الوضع العادي وفي الحالة العادية ينفع
لكن حاليا ابراهيم صلاح بيقدم اسوء اداء ليه علي الاطلاق في الموسم دا ومستنفز بشكل كبير
ودا من سوء حظ المدرب انه افراد كتيرة ف الفريق مستواها الفني والبدني منهار
الطبيعي انه يلعب احمد توفيق في المكان دا حاليا لانه وجوده مع عمر جابر هيحل كل المشاكل
في الحالة العادي عمر جابر في الباك اليمين و توفيق بيقوم بدور طارق وطارق بديل لدور ابراهيم
وفي حالة التاخر او عدم القدرة علي بناء الهجمات توفيق يروح باك يمين و عمر يبقي ف النص
فالحمد لله المفروض انه احمد توفيق خلاص رجع من الاصابة .


بخصوص سحب رأس الحربة , احمد حسن مكي كان ادائه مخزي مش مجرد سيئ !
اداءه كان عار علي راس الحربة في الزمالك من الاساس
وفي رأيي كان لازم يخرج فعلا , وكمان تواجد كهربا كمهاجم صريح من المطالب بتاعتنا من فترة
لانه كهربا عنده كل القدرات اللازمة للموضوع دا وبسرعته ومهارته يقدر يحل اي دفاع
كمان حمودي خرج بالفعل وكان واقع بدنيا ولازم يخرج لانه مش قادر يقدم اكتر من شوط حاليا
بينما ايمن حفني كان سبب استغراب كبير ليا خروجه الدائم في المباريات اللي فاتت
والراجل حاليا فهم قيمة حفني وانه صانع للفارق في اي وقت وخلاله كمل ف المباراة للاخر
يمكن اتوظف غلط ف اخر المباراة لوجود عناصر كتيرة ف المنطقة هيما و معروف ومصطفي وهو
فترحيله للجمب خلاه اقل من المطلوب كمان بسبب زحمة تراجع فريق المقاصة ف الاخر
بس برضوة حفني صنع الفارق وهو اللي عمل الهدف لمصطفي فتحي كذلك غير تسجيله في الاول


ثالثا بقي ..
الراجل منحسة معاه فعلا لكنه بيشتغل شغل واضح في الملعب وباين تأثيره ناقصة التوفيق
لو فكرت هتلاقي الزمالك لعب مباراة افضل بكتير من مجموع مبارياته مع فيريرا الموسم دا
ضد ( اسوان - المقاولون - دجلة )
ف ال 3 مباريات دول مجتمعين الزمالك عمل هجمات اقل من مباراة المقاصة لوحدها
وف ال 3 مباريات دول مجتمعين الزمالك اتعمل ضده هجمات اكتر من اخر 6 مباريات للفريق !
لكنه خرج من ال3 مباريات دول ب 7 نقط :d
الراجل بس مش موفق , واللي كان موجود كان عقيم , بس كانت مستورة معاه .

[აα∂ Ԑγεა]

اقتباس المشاركة الأصلية كتبت بواسطة აα∂ Ԑγεა اتمني التعادل النهاردة مياخدش الزمالك لمنحني سلبي اسمه الاقالة .

الزمالك يضغط زرار التدمير الذاتي