100 مرة

[a7med -3del]

بلوم نفسي.. واقول نفسي
واهي غلطة متتكررش
واقول علي الحاجة 100 مرة
ومبتحصلش
تتغير كل حاجة في عيني
لكن انا مبتغيرش
انا اضعف.. انا مش قادر اتغير
اموت واعرف.. ليه الاحلام بتتمرر
وكل فكرة جميلة.. نحسبها سنين طويلة
وفي لحظة نكتشف.. عمر الاحلام دي قصير
سقف الطموح مربوط.. بالحالة والعيشة
وكل جديد.. قديم برضه
مشهد وعمال يتكرر
يوم يعدي.. ويوم يروح
ومفيش مجال تندم
علي حلم راح او فاتك
لو كل واحد.. وقفت حياته عشان علطة
هتتلخبط كل حساباتك
علشان مفيش بنا ملاك
او حد مبيغلطش
وارجع الوف نفسي.. واقول نفسي
واهي غلطة متتكررش،
واقول علي الحاجة 100 مرة
ومبتحصلش
Ahmed adel
5-1-2016

[فداااااااااااء]

احنا كدا نلوم نفسنا ونرجع تانى نكرر

كلمات يائسة ونبض حزين

تفائل بالخير

تسلم ايدك لما نثر هنا
اسعدك الرحمن

[السفيره عزيزه]

ولما يتعلق الامر بالقلب لا تصدق الوعود
القلب يقسم ويقسم ويقسم ثم بعدها يعود
ولا يهتم لاي رادع ولا يخاف منا شهود
والقلب يرجع فى كلامة 1000

[حـيـــــآة ❤]

الجميع يخطئ ولا مجال لمحاسبة الذات

والاحلام عمر ماتحقيقها كان سهل

راقتني كلماتك

دمت بخير أ.أحمد

[ايمان طلعت]

هي النفس البشريه كدة
تغلط وما تتعلم من الغلط وتغلط مرات ومرات
وفي كل مرة يكون الندم هو البطل
لكن نتناسى دوما تلك الاخطاء
و نعود الكرّه

[دمعه حائره]

الندم مش بيفيد فى حاجه ومش مهم نغلط
المهم نستفيد من الغلط ومنكرروش
بس اوقات احنا بنعشق اخطائنا وللاسف نكررها تانى
تسلم كلمات رائعه

[الأميرة رودي]

أغلبنا بيعيش نفس اﻻخطاء
نعرف انها خطأ..ندي وعود لنفسنا ونرجع نكررها.
أهم حاجه فعلا يكون اﻻنسان منا عنده عزيمة مايقعش فى الخطأ.

تعبير بسيط و رائع
تسلم أحمد