ذكريات sad-love مع 2015 (الحلقه التانيه)

[Dr. AnOosHo]

النهاردة معانا في الحلقه التانيه من ذكريات مع 2015 عضو متميز جدا محترم جدا حاولت اقلل الاساله معاه عشان هو لوحده بيرغي بس برضه مانفعش وبعتلي اطول اجابه في التاريخ معانا شخصيه محترمه جدا اخ للجميع متميز جدا في قسمه اللي هو مشرف فيه ... متميز في علمه وارائه معانا sad-love اهلا بيك محمود معانا في حوار مع ذكريات 2015 النهاردة عايزين نتعرف على محمود ووجهه نظره في 2015 وامله في 2016 واول اساله حابين نعرفها لحظات في 2015 ايه اجمل لحظه عشتها في حياتك الاسريه في 2015 ؟؟ والله اجمل لحظه شفتها لحظه لما شفت بنت اختى كانت ف حاله تدهور سيئه صحيه وعادت الى كامل صحتها لانى غالبا ببقى بعيدعن البيت نظرا لانشغالى بالرساله واالابحاث ف غالبا انا الشخص اللى بتقول ليه مامته حتدفع الايجار امتى بما انك مستاجر ونزيل في ذكرى اكيد حصلت ضايقتك في السنه دي .. ايه اسوء لحظه عشتها في 2015 ههههههههه والله يابتى السى اللى حصل ف السنه ديه كتير ومنها حاجات مست القلب والعقل وكلمت جرحت القلب دى كفيله تحكى من غير مااوضح وعلشان تبقى سنه كيوت بقى مش نكديه ع الكل اجمل لحظه مع اصحابك في 2015 ؟؟ لحظات جنون لما قررنا نطلع اسكندريه بعد ما لكنا بناكل ف مطعم كولمبوس ف المهندسين هههه وطبعا انا كنت معزوم مش عازم ولفينا حبه لحد الساعه 2 بعد شغلى بالمستشفى اثناء تواجدى بالقاهره ولما وصلنى اسر ورامى قولتلهم نفسى اروح البحر فبيقولى ايه رايك نروح دلوقتى قولت ما تهرجش قلى الشقه موجوده بس انته شغلك قولتله اعتبر انى عندى دور حمى وف ربع ساعه كنت مجهز شنطتى وطلعنا ف نصف ساعه من القاهره اجمل لحظه في شغلك في 2015؟؟ لحظه الترقى من منصب لمنصب ولحظه حصولى ع الزماله الشرفيه من هارفارد وتتويجى من د صلاح الراشد ود طارق اثناء تواجدهم ف القاهره الاتنين مع بعض كانوا صدمه ليه وقتها لما سمعت ف الفون لبست ف السريع واكتشفت لما وصلت عند المترو انى نازل فعلا بشبشب الحمام هههه ايون واللى قال ده بنت ما اعرفه اتلقته بتضحك قولتلها ممكن اعرف سبب ضحكك قلتلى انتوا برنامج الكاميرا الخفيه قولتله ايوه وانا ابراهيم نصر بس عامل دايت قلتلى انا بتكلم جد بص كده ع رجلك وشى جاب لون واد لون اجمل لحظه تاريخيه لمصر في سنه 2015 من وجهه نظرك ؟؟ الاسف الشديد مصر بتتدهور من اسوء الى اسوء ولكن نامل بكل ماهو جديد وجميل ولو انتى فاكره انى ف لحظه تاريخيه حصلت يبقى محتاجه تنزلى وتشوى بنفسك يافندم اسوء لحظه مرت فيها مصر في 2015 وكنت تتمنى انها متمرش بيها ؟ لحظه عواقب ثوره 25 يناير ولحظات التدهور الحالى اللى كل سنه بيطلع لينا جديد و عواقب نيجي على الجزء التاني من الاساله وهي انجازات 2015 سنه 2015 فيها 12 شهر ... ايه الانجازات اللي قدرت تحققها في حياتك الاسريه والاجتماعيه والعمليه والعلميه العلميه حصولى ع الزماله من جامعه هارفارد حصولى ع افضل محلل نفسى اتكرمت كااحسن كاتب من جامعه القاهره حصولى واجتيازى ف دوره PMP اجتيازى الحالات المعالجه من 150 الى 270 اجتياز شوط كبير ف ابحاث الباركسيكولجى اجتياز المراحل الحسيه والمراكز العصبيه والربط بينهما ف العلاج الاجتماعيه انا اصلا حد اجتماعى جدا بحب الناس وبحب اللعب والتنطيط لعب الكوره ف الشارع مساعده الناس ف نقل عفشه فرش حنه ف الشارع مش بحب اتقيد انا شغال ايه بحب اقول انا سعدت مين ورسمت الضحكه ع وش مين العائليه والاسريه انا الحمد لله كويس والامن مستبب المهنيه فاضلى ابقى محافظ اهو نطمح ف المزيد يادكتور كان نفسك تعمل ايه قي 2015 وماحالفكش الحظ انه يتحقق السنه اللي فاتت ؟؟ انى مشروع يتنفذ فعلا لكن بقى كل واحد بقى وطمعه اللى عايز يشترى لدرجه انى متهيلى لو قولت لبيتى المبالغ اللى اتعرض عليه ممكن يعملوا انقلاب واروح ورا الشمس من عيلتى هههه لدرجه انى واحد قلى وقتها صاحبى المقرب يعم بيع بيع قبل الفرصه دى ماتضيع الجزء التالت على مستوى المنتدى اكتر لحظه حلوة في المنتدى ليك في 2015 لحظه حلوه ابتدت بتعارفى ع ابوعصام ومن بعدها ام عبد الله جبل عالى ومن بعدها ايمان طلعت الراقيه واللى فعلا ساعدتنى كتير وطفشته من طلباتى وبعدها ايلانا وبعدها قيثاره الصمت منه وبعده دمعه حائره واحمد وامجد وناس كتير ولكن ذكرت دول لانى دول فعلا اللى بيحصل نقاش ما بينهم واحتكاك دايما ثقافى واخوى واجتماعى واخيرا الراقيه فداء مروه والسفيره عزيزه كلهم ناس انا اللى فرحان انى كسبت ناس زيهم وانا اللى ليه الشرف انى اقول انهم اخواتى ويعلم الله مدى غلاوتهم واحترامهم جوا قلبى اكتر موضوع ضايقك سواء انت كتبته او حد كتبه في 2015 الموضوع اللى ضايقنى انا كتبته لما فضفضت بعضوه ضايقنى زعلت من نفسى حته لو يستاهل المفروض انا مااعمل زيه السيئه بالسيئه اكتر صديق قربت منه في 2015 ههههه حبيب قلبى ابوعصام مافيش غيره هو وجبل عالى بجد بحس انهم عيلتى جوا المنتدى ساعدونى كتير ف تطوير مرحله الكتابه الادبيه ونصايح وشاركونى حاجات حلوه ووحشه مش حقدر اقول ليهم غير ربنا يساعدهم ويديهم ع قد ما عملوه معايا وصدقا انا فخور انى عرفتهم واتعاملت معاهم عضو حصل بينكم زعل قي 2015 وتحب تعاتبه او تصالحه في 2016 والله هى عضوه وفعلا انا تفاجئت باخراج ماهو سى عليه وانى شخص مستغل بتعامل مع الناس بااستغلال كبير وبستغل مشاعر الناس وده الواجه الصادم كان ليه والله نصيحتى ليها ربنا يرزقها الهدايه وتعرف انى الجميل انى مااطعن حد ف ظهره اما عن نفسى انا مسامح ف حقى ومش بتمنى ليها غير كل خير ومافيش ف قلبى اى سوء ولا كراهيه لحد لانى شخص بنسى بسرعه ومش بحب انام وانا شايل من اى حد الجزء الرابع كل سنه وانت طيب انتهت 2015 وبدانا اول يوم من 2016 يارب تكون سنه حلوة وسعيده عليك يارب قضيت راس السنه ازاي ؟؟ مع مامى اى ماما اى MY MOTHER بنسمع مسلسل دهشه لانها كانت نفسها تسمعه فنزلت حلقات ليها وسمعنا ست حلقات مره واحده وبعدها قعدت اذكر الله كالعاده لانى دى حاجه جميله علمتها اذكر الله قبل ماانام بتسبيحه ووقتها بنام مطمن انا ملك بيبقى جنب طول اليل حارس ليه من اى معصيه او شر او خوف اكتر امنيه نفسك تحققها في 2016 ان شاء الله انى مشروعى يدخل ف قيد التنفيذ لانى مش عايز انفذ المشروع ف اى دوله عربيه قبل مصر مع انى عارف انى الربح بره حيبقى اكبر بكتير والله بس اهو نامل ف الله خيرا وف البشريه اللى عقله حطب اول قرار قررته امبارح وقولت ان شاء الله حبدا فيه في 2016 ان شاء الله بكل عزم واصرار انى ابدا بقى ف تفسير القران لانى بصراحه شخص كسول جدا وانشغلت السنه دى والاولى من كل الىل بعمله القران لانه اول حاجه حيحسابنى عليه هو علمى ماذا علمت به وهذا مايجهله الاخرين انى الدكتور ربنا يحاسبه ع تخصصه هو فعلا حيحاسبك ع علمك بس قبل علمك العلم الدينى عملت بيه ايه عرفته ولالا والخجل كل الخجل ان اقف اما الله عز وجل واكون غير عارف لاى كلمه كتبه ف كتابه الكريم فقولت لنفسى وحياتك حتبدى وحتاخد فوق دماغك لو ما ابتديت اصلى انا عارف بجى بالسك اه والنحمه يا بتى تتمنى ايه يحصل جديد في المنتدى في سنه 2016 بصى انا مش حتمنى حاجه فعلا ههه لانى لو حاجه اتمنيته بتحصل فعلا لاننا بنعمل حساب لزعل الناس ومش ماشين ع استراتجيه معينه مع احترامى الشديد والكامل الى الاداره لانى مش داخل علشان اعدل ع حد ولا ازعل حد انا فعلا اخدت من بنات مصر احلى ناس واجمل شخصيات وخلص الكلام ايه خططك الجديدة للمنتدى من موقعك فيه تقدر تقدمها لنا وتكون جديده ومختلفه في 2016 لما نفتح باب الافكار فعليا ابقى اقول يا دوك مااتعودت اقول حاجه مش حتحصل مانا يامام قولت وما اتنفذ شى وبعد كده اللى بيقول قول يقعدله هههه وصدقنى والله انا اخدت اللى احسن من الخطط وهما الناس الجميله اللى اتعرفت عليهم نصيحه منك لاعضاء ومشرفي ومديري المنتدى عشان نقدر نحافظ على الكيان ده ونطوره باستمرار ؟ ننظر نظره عقل وليس فيه اى حسابابت لزعل ناس معينه نحاول نقيس بناء ع الشغل مش ع حسب الاقدميه نحاول نعمل قانون جديد مش نمشى ع سياسه ممكن تهدم روح حماس ممكن تطور وتدى حاجه اكبر شكرا جدا ليك على الحوار المميز والشيق ده وان شاء الله تكون سنه جميله وجديده ومختلفه في كل حاجه عليك يارب وسنه عليكى حلوه يا ب يانوشه ونفرح بيكى قريبا انتى وحماده يارب لانك فعلا حد جميل يانوشه قدرتى ف فتره صغيره تعلمى شغل جميل وتكسبى حب الناس واحترامنا الشخصى ربنا يديكى كل خير وتبقى سنه حلوه عليكى ان شاء الله الحلقه تعجبكم وانتظروني مع just ahuman في الحلقه التالته من ذكريات مع 2015

[حـيـــــآة ❤]

منور بروف محمود طبعا
ومبروك ع انجازات وف تقدم باذن الله
والف حمدالله ع سلامة ابنة الاخت
جميل مجهود نشنوشتي
بانتظار محمود بئا

[فداااااااااااء]

ايه كمية الكلمات دى

الاختصار حلو

كل دا طرح اقعد اقرأ كل دا معندش خلق انا

ههههه بس بجد حلقة حلوة منك نوشتى سلمتى يا قمر

واخى محمود شخصية مهذبة وصاحب فكر قيم وقلم مميز

تسلم روحكم

[ايمان طلعت]

عندك حق هنون اطول اجابات فالتاريخ
بقالي ساعه عماله اقرأ
انا هنا محمود اهو لسه مطفشتش بس قربت يعني
بجد انت اخ غالي واحترمك جدا
ربنا يديم المحبه والود
الف مبروك على الانجازات والنجاحات
ويارب دايما موفق
حلقه جميله هنون وفي انتظار القادمه
تحياتي

[ساحر الأحزان]

محمود شخصية محترمة

واهم شىء

انة الساعة 2 باليل

قرر هو واصحابة انهم يروحو اسكندرية

وهما فى المهندسين

شباب روش صحيح

نورت يا حودة مع هنا

فى الحلقة الجميلة

موفقين

[حازم34]

ما شاء الله

حلقه جميله خالص دكتوره يسلموا علي ها الاستضافه

للدكتور محمود

واسعدني المرور


لكما خالص تحياتي وتقديري


وان شاء الله نشوف مشروعك يارب ويعم به النفع للدنيا والاخره


بالتوفيق دايما دكتوره يارب في كل حلقاتك الجميله


واسعدتنا يا دكتور

[دمعه حائره]

ماشاء الله ربنا يحميك ويوفقك وتحقق كل ماتتمنى يارب
محمود انسان خلوق ومحترم ووجوده مهم واضافه كبيره للمنتدى
بفكره ومقالاته المميزة
نورت الحلقه اخى وشكرا نوشه على الاستضافه

[Just Ahuman]

حلقه جميله ..وإستضافه أكثر من رائعه .. وفعلاً محمود من الشخصيات المحترمه جداً وذات الفكر الراقي المتواجده داخل المنتدي .. أتمني من الله تعالي أن يوفقه بإذن الله

وتسلمي يا دوكـ على الإستضافه

[طبيب الهوى]

شوفت يا بروف هما عرفوا لوحدهم أنك رغاي

مش أنا اللي قولتلهم

الله يكون في عونك يا نوشه

استحملتي البروف ازاي

وعشان البروف مش بيجي غير بالفضيحة

هقول على موقف حصل بيني وبينه

كُنا اتفقنا في الموبايل على أننا نتقابل في رمسيس

وطبعا كان هو منتظرني في الميدان

وكنت عرفت منه هو لابس ايه

فاتجهت ناحيته بكل رقة وطيبة وسألته

لو سمحت ده ميدان رمسيس

رد وقال ايوة

سالته تاني طيب كم بيروح فين

رد وقال افندم

قلت عاوز اعرف اتوبيس كم بيروح فين

رد وقال افندم بس المرة دي كانت عينيه بتطلع شرار

الحقيقة خوفت يضربني

قولت مش انت محمود ومن سوهاج

قال ايوة انا محمود اي خدمة

قولت لا بسأل بس

أنا ابو عصام

ويا عيني خليته يمشي معايا من ميدان رمسيس

لمنتصف شارع طلعت حرب

وقولت انا جعان تاكل معايا

قال لاء

قولت وفرت واشتريت ساندويتش لنفسي

وجلسنا في كافي شوب داخل مول طلعت حرب

كان يوم هزيمة منتخب مصر من منتخب تشاد

وكفاية كده عشان البروف مش يزعل

فكرة برنامجك جميلة وقيمة يا بتي

وسعدت جداً بإدارتك الحوار مع البروف حودا

ميرسي يا بروف ثناءك لشخصي البسيط

كلك ذوق يا حودا

الله يوفقك ويسعدك في حياتك

تحياتي وودي وورودي

أبو عصام

[العاشق الذى لم يتب]

محمود انسان راقى بعقله وتفكيره
وماشاء الله عرفت ليه
لماشوفت الشهادات
ربنايزيدك كمان وكمان
واتمنالك كل التوفيق
ذكرت كل الاحبة
طمعت لو كنت انابينهم
لكن مش مهم
المهم انى اعتز بيك واودك
وربى شهيد
كل الشكرانوشة
والبرنامج الجميل