انا مش الجاريه الفلبنيه

[big bốss]

مش عارف بضحك ليه

المهم دلوقتى اى ام بعد ما ربت و تعبت و طلع عينها فى تربية ابنها و بعد ما يكبر

بدوره على عروسه يتجوزها و عايزه تفرح بيه و بيتم الموضوع .

طبعاً فيه الاب و الام بيكونوا كبار فى السن و محتاجين الى يهتم بيهم

و يخدمهم و بتكون زوجة الابن هى المسئوله عن ذالك

- و تبدا المشاكل الهانم تقول لزوجها انا مش الجاريه الى اشترتها لباباك و مامتك

انا كفايا عليا انت و بس

و الزوج بيضغط على زوجته علشان اهله و بين بين نارين رضا الاهل او رضا الزوجه

و اوقات بيحصل طلاق علشان كدا و اوقات بيتم الاشتراط على الزوج

ان يعيش هو وزوجته فى شقه منفرده بعيدا عن اهله

فالسؤال هنا

هل خدمة اهل الزوج واجب على الزوجه ام فضل منها

و هل هى ملزمه و لا مش ملزمه بالاهتمام بيهم ؟

و انت كشاب لو مراتك رفضت تخدم اهلك هتعمل ايه ؟

و انتى كبنت لو طلب منك زوجك تهتم بوالده و والدته هترفضى و لا توافقى ؟

انا عن نفسي امى ثم امى ثم امى

[حـيـــــآة ❤]

هرفض ليه بئا وانا كزوجه وافقت ع حياتي كده
واكيد ام زوجي مثل امي ف الاهتمام
اصلا الناس الكبيره دي محتاجه عنايه من الجميع
لكن لو هي متسلطه وحمي تيت تووت مليش،دعوه طبعاا

[حازم34]

موضوع مهم جدا وخطير


اولا من ناحيه الشرع

هي ليست ملزمه بخدمه واد الزوج ووالدته


الا اذا فعلتها حبا وحنانا فهذا امر تحمد عليه


انا لا استطيع ان اجبرها علي ان تخدمهم ابدا

فهي الحره في شانها


اما ابي وامي فارعاهما بنفسي او لو كان بمقدوري ان اتي لهم بمديره للبيت تهتم بشؤنهم


هذا والله الوفق والهادي الي السبيل


يسلموا علي موضوعاتك المفيده

[توحد ارواح]

حكاية خدمة اهل الزوج هى معتقدات وتختلف حسب المكان
يعني ف الريف عموما ده شىء عادى جدا وفرض وواجب
اما ف المدينة الوضع يختلف تماما لان مفيش كدا وغير متداول
حتي اما تكون الام عاوزه ابنها ووجته يعيشوا معاها
تقوم تجيب عروسه ريفية لأنها بتكون متعوده علي كدا

دى نقطة

النقطة التانيه كل شىء بيكون بالاتفاق
يعني لو حصل ظروف وام الزوج محتاجة الخدمة
والزوج رجل يقدر المسئولية ويحسن عشرة زوجته
ودائما يعاملها وامه بما يرضي الله
طبعا مفيش مانع بل بالعكس تحتسب الاجر عند الله

تسلم ع الطرح الراقي
بالفعل حاليا ف مشكلة اعرفها بهذا الخصوص
والله المستعان

[ندوشه 2011]

والله يابني انا كنت عايشه مع اللي تنشل حماتي والله كنت بخدمها هي وحوزها وسليفي وانا كنت بعمل كدا عشان انول رضاء المضروب علي قلبه وبعدين كل دا هيقعد لي اكبر وكنت بعملهم زي اهلي بس طلع خساره فيهم يا رب يتشلو اللهم امين

[Fatma eissa]

بص
سعات الزوج يقيس حب زوجته
لما سعات أمه
وتكون عون لها
لأنها هنا تكون بمثابة امها التانيه

أو حتي اي في من العائله
بس العائله حاجه
ولام حاجه تنيه
وهنا هيكون دلاله علي حبها له

[big bốss]

اقتباس المشاركة الأصلية كتبت بواسطة حيــــــاة ❤ هرفض ليه بئا وانا كزوجه وافقت ع حياتي كده واكيد ام زوجي مثل امي ف الاهتمام اصلا الناس الكبيره دي محتاجه عنايه من الجميع لكن لو هي متسلطه وحمي تيت تووت مليش،دعوه طبعاا

حتى لو تيت لازم تتعاملى معاها بكل ود و حب

دا واجبك يا هانم

نورتى يا هاجر

[big bốss]

اقتباس المشاركة الأصلية كتبت بواسطة حازم34 موضوع مهم جدا وخطير اولا من ناحيه الشرع هي ليست ملزمه بخدمه واد الزوج ووالدته الا اذا فعلتها حبا وحنانا فهذا امر تحمد عليه انا لا استطيع ان اجبرها علي ان تخدمهم ابدا فهي الحره في شانها اما ابي وامي فارعاهما بنفسي او لو كان بمقدوري ان اتي لهم بمديره للبيت تهتم بشؤنهم هذا والله الوفق والهادي الي السبيل يسلموا علي موضوعاتك المفيده

تمام رايك

الابن هو الملتزم بالاهتمام و الزوجه غير مكرها على ذالك بمطلق حريتها

سعيد برايك

[big bốss]

اقتباس المشاركة الأصلية كتبت بواسطة توحد ارواح حكاية خدمة اهل الزوج هى معتقدات وتختلف حسب المكان يعني ف الريف عموما ده شىء عادى جدا وفرض وواجب اما ف المدينة الوضع يختلف تماما لان مفيش كدا وغير متداول حتي اما تكون الام عاوزه ابنها ووجته يعيشوا معاها تقوم تجيب عروسه ريفية لأنها بتكون متعوده علي كدا دى نقطة النقطة التانيه كل شىء بيكون بالاتفاق يعني لو حصل ظروف وام الزوج محتاجة الخدمة والزوج رجل يقدر المسئولية ويحسن عشرة زوجته ودائما يعاملها وامه بما يرضي الله طبعا مفيش مانع بل بالعكس تحتسب الاجر عند الله تسلم ع الطرح الراقي بالفعل حاليا ف مشكلة اعرفها بهذا الخصوص والله المستعان

اكيد بتختلف من مكان لمكان و فى الريف عادات بتجبر الزوجه على كدا

اما فى الحضر بيكون الوضع مختلف

و لكن فى كل الاحوال اتقى الله فى اهل الزوج افضل و اعلى

يارب المشكله تنحل بقا

منوره يا ندى

[big bốss]

اقتباس المشاركة الأصلية كتبت بواسطة توحد ارواح حكاية خدمة اهل الزوج هى معتقدات وتختلف حسب المكان يعني ف الريف عموما ده شىء عادى جدا وفرض وواجب اما ف المدينة الوضع يختلف تماما لان مفيش كدا وغير متداول حتي اما تكون الام عاوزه ابنها ووجته يعيشوا معاها تقوم تجيب عروسه ريفية لأنها بتكون متعوده علي كدا دى نقطة النقطة التانيه كل شىء بيكون بالاتفاق يعني لو حصل ظروف وام الزوج محتاجة الخدمة والزوج رجل يقدر المسئولية ويحسن عشرة زوجته ودائما يعاملها وامه بما يرضي الله طبعا مفيش مانع بل بالعكس تحتسب الاجر عند الله تسلم ع الطرح الراقي بالفعل حاليا ف مشكلة اعرفها بهذا الخصوص والله المستعان

اكيد بتختلف من مكان لمكان و فى الريف عادات بتجبر الزوجه على كدا

اما فى الحضر بيكون الوضع مختلف

و لكن فى كل الاحوال اتقى الله فى اهل الزوج افضل و اعلى

يارب المشكله تنحل بقا

منوره يا ندى