ذكريات just ahuman في 2015 ( الحلقه الثالثه)

[Dr. AnOosHo]

ذكريات في 2015 مع عضو جديد في المنتدى الى حد ما ... بس اثبت نفسه بجدارة وسط صحابه في المنتدى وبقى عنده قاعده حلوة من الاصدقاء ده بخلاف اثباته لنفسه انه يكون مشرف وبجداره للاقسام الفنيه النهاردة معانا ومعاكم بصراحه انا ماعرفش اي حاجه عنك خالص ويمكن بالاستضافه دي اعرف اعرف زياده عنك وده يشرفني اكيد مستعد نفتكر سوا 2015 ؟؟ I'm Ready الجزء الاول من الاساله .. لحظاتك في 2015 اجمل لحظه في 2015 أجمل لحظه أما شوفت الفرحه في عيون أخواتي وعيلتي يوم خطوبة أختي ربنا يديمها علينا اصعب لحظه حسيت فيها بتحدي وبكل طاقتك في التحدي في 2015 واحد فى الشغل مش بيحبني وحاول يوقعني فى مشاكل كتير مع رؤسائي فى الشغل بس الحمد لله الأيام لفت وأثبت العكس وإنه ملهوش لازمه كل اللى يعمله اسوء لحظه مرت عليك في 2015 حصل معايا إصابه بسيطه فى أول السنه وإضطريت أقعد فى البيت حوالي 45 يوم للأسف صاحبي الوحيد اللى متبقيلي مفكرش يسأل عليا رغم إنه كان عارف .. وده كان سبب في إني أقطع علاقتي بيه اجمل لحظه تفتكرها مع صحابك في 2015 مفيش للأسف لأني مليش صُحاب الجزء التاني .. انجازات 2015 ححقت ايه في 2015 تكافيء نفسك عليها وتقول شاطر يمحمود إتقدمت خطوات كبيره فى شغلي الحمد لله بعد ما كُنت بدأت أجيب آخري وكنت بنوي ترك المكان والسفر للخارج .. بس فى اللحظات الأخيره تراجعت عن القرار وسعيد بكده كان نفسك تحقق ايه وماعرفتش تحققه وناوي ان شاء الله تسعى فيه في 2016 الحمد لله إلي حد ما بالنسبه لأهدافي الشخصيه السنه كانت مُرضيه ليا ماعدا حاجات بسيطه وأتمني أحققها السنه دي كلنا عندنا صحاب بنحسهم اخواتنا .. في موقف تفتكره قدرت تحقق فيه انجاز مع صاحبك بمساعدته وتحطه على الطريق الصح ؟؟ للأسف معنديش غير اللي إتوفي وكان فيه واحد تاني بس طلع قليل الأصل .. بس ممكن أقولك إني ساعدت واحد زميلي فى الشغل إنه يتجاوز موضوع كان ممكن يتسبب فى رفده من الشغل والشئ ده مخليني حاسس بالفخر الجزء التالت ... ذكرياتك مع المنتدى انت صحيح عضو جديد بس حققت شعبيه في وقت صغير جدا كله بفضل ربنا وبفضل تشجيعكم وتواجدكم جنبي من أول يوم سجلت فيه اجمل لحظه فاكرها في المنتدى في 2015 ببقي سعيد جداً أما بعمل موضوع ويحوذ إستحسان الجميع هنا وكنت سعيد جداً بفوزي فى مسابقة العوده للطفوله عضو قربت منه جدا في 2015 المنشاوي .. وحياه .. بوبا بقيت بعتبرهم عيلتي التانيه ربنا يديم المحبه بينا عضو زعلت منه في 2015 وعايز تصالحه او تعاتبه في 2016 لا الحمد لله مش زعلان مع حد الكل هنا أخواتي بس فيه عضوه مُعينه حابب أوجهلها رساله وأعتقد هي هتعرفها لما تشوفها "حاولي تكبري بدماغك وترتقي بمُستوي فكرك شويه عشان ميسببلكيش مشاكل فى الأيام الجايه" اكتر موضوع ضايقك في 2015 كتبته انت او كتبه حد تاني وسبب لك ضيق الموضوع اللي كتبته فى الفضفضه عن صديقي رحمة الله عليه والقصه اللى أنا كتبتها فى مسابقة لمحه من حياتنا نصيحه منك للمنتدى باعضائه ومشرفينه ومديرينه عشان نحافظ ديما على الكيان ده ياريت تفضلو دايماً مُتماسكين زي مانتو كده مع بعض ويارب الروح الحُب والموده اللى هنا تستمر لأن ده سر نجاحنا هنا الجزء الرابع ... طموحك في 2016 ايه طموحك في 2016 نفسك تحققه إني أكبر أكتر فى شُغلي وأحاول إني أفيد المُنتدي لأني بقيت بعتبره جزء من حياتي اليوميه مبروك عليك اشراف الاقسام الفنيه ... ناوي تفاجئنا بايه جديد في القسم بتاعك ان شاء الله في دماغي حاجات كتير بس هضطر أستني لحد أما أخواتنا يخلصو إمتحانات عشان التفاعُل يبقي كويس شكرا جدا ليك على قبول الاستضافه .. وكل سنه وانت طيب والف مبروك على الاشراف تستحقها بجدارة انا اللي متشكر يا أنووش وتسلمي يارب ومبروك الـ VIP عقبال ما تبقي إداريه إن شاء الله ..واتمني أعرفك أكتر أنتي كمان لأنك من الشخصيات الغامضه بالنسبه ليا هنا ان شاء الله الحلقه تعجبكم واستونا مع العاشق الذي لم يتب في الحلقه الرابعه من ذكريات في 2015

[شاعرة الرومانسيه]

تسلمى انوش

لقاء ثرى جدا مع عضو خلوق

نتمنى له فى 2016 كل السعاده

ولكى ولكل الاعضاء

[توحد ارواح]

حلقه جميله واستضافه مميزه
اكيد بتعرفنا اكتر ع الضيف
تسلمي ع المجهود ي قمر

[يحيى الفضلي السودان]

الشمعة اللتي تضئ الظلام
سعدنا معكم ونتمنى مزيدا من العطاء غالينا

[حـيـــــآة ❤]

دايما متميزه نوشه
محمود منور وربنا يرحم صاحبك ويغفرله وكلنا ليها
اتمنالك المزيد من التقدم ف حياتك
تسلمي هنو..ف انتظار أ.رفعت
دمتوا بخير 🌹

[العاشق الذى لم يتب]

ماشاء الله
جميل البرنامج
ومحمود منور البرنامج
كل سنة وانت طيبة انوشة
وانت طيب محمود
ربنايجعل اعوامكم سعادة

[ساحر الأحزان]

جميل اللقاء

هنا

مع محمود

شخصية جميلة

سعدت بية فى البرنامج

موفقين

[Doaa Hammam]

استمتعت بالحوار مع شخصية محترمة جدا وناجحة

أتمنى لك التوفيق في عملك

ويرزقك بالصاحب الوفي

تحياتي ليكي ولضيفك الكريم يا أنوش

[حازم34]

انسان ونعم خلوق

حقيقي ينال الاحترام والتقدير

واحنا هنا اصدقائك واخوانك اخي محمود

واسال الله ان يبارك في عملك واهلك


ومبارك خطوبه الاخت وربنا يسعدها واياكم


بس لي طلب صغير


الصديق ال ما حضر اليك في فتره مرضك والف سلامه

هل سالت لماذا لم ياتي اليك


العفو جميل


وربنا يرحم صديقك ال مات


والحوار جميل ومع معده للبرنامج قديره وفكرها راق واسئله مفيده

لكما مني خالص التحيه والتقدير

[.Lamar]

لقاء جميل هنا مع ضيف اثبت حضوره بسرعة

نشاط متواصل بجميع الاماكن

تعرفنا معك عليه اكتر اكيد

على فكرة حلو ان المواقف بتظهر معدن الانسان الحقيقى

يعنى نزعل اه ان صديق طلع ندل لكن نحمد رب العالمين انه اكتشفنا حقيقته


استضافة مميزةشكرا ليكى و لضيفك الكريم

و بانتظار ضيفك القادم