الزمالك كسب بالتفويت Vs الاهلي كسب بالتفويت !

[محمود الصاروخ]

السلام عليكم ورحمة الله وبركاته
--




مبدئيا هذا الموضوع للنقاش فقط وبعيد عن التعصب تماما وكما يعلم الجميع هنا

بأنني من محبي النقاش المحترم في الرياضه بشكل عام سواء في كرة القدم أو غيرها

- الموسم الماضي حينما فاز الزمالك علي الاسماعيلي بثلاثيه نظيفه وكانت الاهدف كلها

صواريخ ولا يتصدي لها أي حارس مهما كان تألقه باستثناء هدف معروف يوسف الثالث

وبالرغم من أن الزمالك كان الاقوي في البطوله بلا منازع وكان من الطبيعي ان يخسر

الاسماعيلي من الزمالك لفارق القدرات وعوامل كتير بين الفريقين ومستوي الاسماعيلي

المتراجع تماما قبل هذا اللقاء خرج علينا بعض الاهلاويه واتهموا طارق يحي مدرب

الاسماعيلي بتفويت المباراه للزمالك بلعبه المفتوح وفتح المباراه بشكل عام للزمالك

وبالرغم من اننا نعرف جميعا بان الاسماعيلي يلعب مباريات مفتوحه وليست مقفوله

ظل الاهلاويه يتهموا طارق يحي بالتفويت ونعلم جميعا بان طارق يحي هو من حرم

الزمالك من بطولة دوري 2010 حينما فاز علي الزمالك وفاز مؤخرا في دوري هذا

العام علي الزمالك في مباراة طلائع الجيش الماضيه !

- نفس السيناريو يتكرر الان حينما فاز الاهلي بالامس علي اتحاد الشرطه بنتيجه

كبيره جدا وهي ( 7/3 ) وانا شخصيا بعيد عن ان انا قولت فتحي مبروك مفوت الماتش

والكلام ده مجرد كلام بيتقال في الاهداءات ودردشه بيني وبين مورشو كما يكون

بيني وبين اي اهلاوي المهم لمجرد أن فتحي مبروك ابن الاهلي هو مدرب اتحاد الشرطه

خرج بعض الزملكاويه بالامس واتهموا فتحي مبروك ابن الاهلي بتفويت المباراه للاهلي

بلعبه المفتوح وبالرغم من اننا نعلم جميعا بان نتيجه الامس هي نتيجه طبيعيه بين

الاهلي واتحاد الشرطه نظرا لفارق القدرات والعوامل النفسيه و اللاعبين بين الفريقين

وفوز الاهلي بالامس علي اتحاد الشرطه فوز طبيعي جدا ولكن كان من الممكن بعد

هدف التعادل للشرطه ان يقفل فتحي مبروك ملعبه كما يلعب في باقي المباريات بمعني

أصح يأمن نفسه ويلعب علي المرتده أحسن مايشيل النتيجه دي كلها ! المهم ان

هذه النتيجه طبيعيه بين الاهلي واتحاد الشرطه ولكن خرج بعض الزملكاويه اتهموا

فتحي مبروك بالتفويت بعد المباراه " وانا من ضمنهم " ولكن في الحقيقه انا لست

من هواة اتهام احد بالتفويت بشكل مباشر او ممكن اكون غلط لما اتهمت احد بالتفويت

بعد التفكير اليوم في هذا الامر حبيت أطرح علي حضراتكم وجهة نظري التي لا قيمة

لها في هذا الأمر وقد تكون صحيحه وقد تكون خاطئه والحكم لحضراتكم !

( خلاصة الموضوع )

التفويت اتهم بيه طارق يحي ابن الزمالك
التفويت اتهم بيه فتحي مبروك ابن الاهلي

ولكن لو فكرنا صح وبصينا صح سواء أهلاويه أو زملكاويه هنلاقي ان التفويت

مش موجود في مصر عموما لان كل مدرب يلعب من أجل الفوز أو ع الاقل التعادل

لان من المستحيل ان يقبل ان يفقد وظيفته بسبب هذا الأمر !


( حارس اتحاد الشرطه بالامس هريدي )



اسمه الحقيقي عصام سعد وكان يحرس مرمي المنصوره بلدنا لمدة 7 سنوات

تقريبا علي ماأتذكر وهو حارس جيد وله العديد من المواقف الرجوليه ولكن غاب

عنه التوفيق في مباراة الامس وهذا ما جعله يستقبل كل هذه الاهداف في مرماه

وبهذه الطريقه المهينه مما جعل البعض يتهمه بتفويت المباراه لصالح الاهلي

ولكن انا هنا لكي ادافع علي هذا الحارس لانه كان خارج التركيز بالامس نظرا

لضعف المدافعين قليلي الخبره و الحيله وابتعاد احسن مدافع فيهم وهو عماد حلمي

عن مستواه الذي نعرفه به جميعا ونشهد عليه اتمني ان يدفع فتحي مبروك بهذا

الحارس في المباراه القادمه للشرطه فقط من أجل إعطائه جرعه من الثقه لكي

يعود اللي مستواه الطبيعي الذي أعرفه به منذ فتره


( اسئله للنقاش )

- ما رأيك في اتهام الاهلاويه الموسم الماضي بان الزمالك كسب الاسماعيلي
بسبب تفويت طارق يحي المباراه للزمالك ؟

- ما رأيك في اتهام الزملكاويه الامس بان الاهلي كسب اتحاد الشرطه
بسبب تفويت فتحي مبروك المباراه للأهلي ؟



تحياتي للجميع محمود الصاروخ

[توحد ارواح]

صرف النظر عن التفويت والحاجات دى
الله اعلم بالخبايا
اكيد كل واحد وضميره
شكرا ع التغطيه والمتابعه

[حازم34]

اهلين محللنا والناقد الرياضي الجميل

انا لايمكن اتهم مدرب فريق يتقاضي راتب من فريق ان يقوم بعمل ها الامر المخزي له حتي امام


ناديه الذي ينتمي له لانها ستكون خطا له علي كل حال


فالامر مستبعد تماما من المدربين سواء فتحي مبروك وطارق



ولا اقول به ابدا

بها الامر لك مني خالص التحيه

[ساحر الأحزان]

لو فية اتهام بالتفويت

للاهلى ولا الزمالك

يبقى دة عار على الكرة المصرية

لان دة من مصلحتة

انتشار وتفشى الفساد

فى الرياضة المصرية

على وجة العموم

وفية شىء مهم

انى اتفرج على مباراة فى التلفاز

غير انى اشاهدها من جوة الملعب الحى للمباراة

المشكلة ان احنا عمال بنتخانق مع بعضنا

وهما زى السمن على العسل

والنتايج خلاص اتسجلت واتحسبت

والكلام فيها ما حيرجعها

جميل الموضوع محمود

[War ROFL]

بصراحه متابعتش الماتش
الواحد اصلا يادوب بيخلص الشغل يرجع يخلص شغله المتبقي وينام ههههههههههه

[العاشق الذى لم يتب]

بماانك قلت نقاش محترم
وبعيد عن التعصب
يبقى نقفل الباب
علشان ماساش لقطبى الكورة المصرية

[شاعرة الرومانسيه]

تسلم ايديك محمود

تغطيه رائعه

[شاعر الحب الحزين]

لا مكنش فيه تفويت ابدا ف الماتش امبارح

بالعكس كل الفرق بتبقى ف احسن حالاتها لما بتلعب قدام الزمالك والأهلي

السبب في النتيجة الكبيرة للأهلي ان المدرب لعب تشكيل صح

وصالح جمعة عمل الفارق ف الماتش وكان افضل لاعب جوه الملعب

وطبعا فارق الخبرة وترتيب المراكز لعب دور في فوز الاهلي الشرطة 7 نقاط

كان عندهم طموح كبير لمجاراة الأهلي بس استسلموا مبكرا وانهاروا دفاعيا

قدام فريق الاهلي اللي قدم افضل ماتش ليه من بداية الدوري لحد دلوقت

الاهلي استحق الفوز للأمانة وكان الافضل من بعد 30 دقيقة من الشوط الاول

لحد اخر الماتش وهو بيمارس الهجوم الضاغط على فريق الشرطة

ومكنش في تفويت ف ماتش الزمالك والاسماعيلي

كرة القدم وارد فيها أي نتيجة بغض النظر عن المنافس


بحييك يا صاروخ ع التحليل الجميل منك

منور الدنيا يا حوده

[۩۩ elMagic ۩۩]

ولون مبنفضلش نفتح حوارات قديمه
يعني تفويت زمالك دي موسم ماضى !
وعمتا الاجابه اللى بتخص الزمالك انت مجاوبها بس
بان الزمالك كان ف احسن حالاته ووو الخ !
عموما اى حد بيتهم مدرب بالتفويت
دا اكيد شخص جاهل وميتكلمش ف الكوره تانى افضل
لان دا بيزنس عمل وسمعة مدرب
كل شخص بيشتغل ولائه بيتغير حسب الفريق اللى بينتمى إليه
زي اللاعيبه اللى كانو مع بعض ف نفس الفريق
وتلاقيهم بيخبطوا بعض ف الملعب لما بيتفرقوا
وكل واحد بيروح فريق غير التانى
بالمثل المدربين
فتحي مبروك إبن الاهلى إبن الزمالك إبن اى بتنجان هو ف الاول والاخر مدرب
له نجاحات كتيره مع الاهلى بس بردوا مش دايما كان ناجح ودا طبيعي
تقدر تقول ان المباراه خرجت عن سيطرته
ودا لتفوق الاهلى زي ما وضح خالد ف الرد السابق
وفي ظل تركيز صالح جمعه وايفونا وربيعه وكل اللى اتألقوا ف الماتش
طبيعي جدا النتيجه توصل للى وصلت إليه
ودا برغم وجود ثغرات لسه ماتحلتش ف دفاعات الاهلى
وهى اللى اتسببت ف الاهداف المرتده
بس لو قدروا يسيطروا ع الثغرات دي
المارد الاحمر هيبقى فريق لا يقهر بسهوله
كعاداته دايماً دول اسياد العالم وللتاريخ الورقه والقلم والتدوين ،، تسلم للموضوع ي معلم

[a7med -3del]

طبيعي الاهلي يكسب. بس مش سبعة
واللي مش طبيعي هو فرحة وضحك فتحي مبزوك بعد الماتش وكانه كسبان
دي مش انفعالات واحد مغلوب سكور ابدا
وبعدين بيقول انا عترف اني هاتغلب بس مش سبعة
لما انت تكون قائد لفريق انت بتنقل احساس الهزيمة قبل ماتلعب للاعيبين
وتقولي قدرات النادي الاهلي وجمهوره العظيم واللاعيبة والفنيات والتكتيك العالي والمستوي الرائع اللي ادي بيه الاهلي والروح العالية والحماس
ده مش كلام مدرب لفريق منافس.. ده كلام ابلة فاهيتا
عيب يافتحي عيب