كالعادة بالطريقه العالميه يفرح كل الزملكاويه

[محمود الصاروخ]

السلام عليكم ورحمة الله وبركاته
--



بعد أن عاد النجم الموهوب شيكابالا من رحلة إحتراف غير موفقه بدأ مشواره

في مصر في الاسماعيلي أولا وتألق وقدم مستوي أكثر من رائع مع الدراويش

لعب الولد الموهوب مع الاسماعيلي وأمتعنا جميعا وبالفعل حينما لعب شيكا مع

الاسماعيلي الفتره الماضيه إستمعت و إستمتع غيري من كل الفاهمين والمتابعين

والمحبين لكرة القدم بشكل عام حيث لعب شيكا مع الاسماعيلي في أكثر من مباراه

وتألق بشكل ملحوظ وصال وجال في كل مباراه لعبها مع الدراويش وكان في كل

مباراه له بصمه كبيره إما بصناعة أهداف أو بتسجيل هدف باستثناء مباراه أو اتنين

واخرها كانت مباراة الاسماعيلي أمام انبي التي صنع فيها شيكا هدف التعادل للدراويش

بعد ان كانت النتيجه هدف لصالح انبي ولكن شيكا رحل عن الاسماعيلي بعد هذه

المباراه وعاد مجددا اللي بيته الزمالك ليلعب في صفوفه ولكن خرج علينا البعض

من الحاقدين والشامتين والمتربصين والمنتظرين لسقوط شيكابالا وتوقعوا بأن

لا يقدم شيكابالا مستوي طيب في صفوف القلعه البيضاء ولكن شيكابالا رد عليهم جميعا

في لقاء انبي الاخير بهدف عالمي ومجهود فردي ومهاراه أكثر من رائعه وانا شخصيا

أصف هذا الهدف بانه هدف عالمي ويستحق المتابعه والمشاهده أكثر من مره ولكن

خرج علينـا هؤلاء الحاقدين علي الزمالك وقالوا بأن فرحة ميدو كانت مبالغه جدا

بعد إحراز شيكابالا الهدف الأسطوري ولا اعلم لماذا كل هذا الحقد علي الزمالك

وجهازه الفني بشكل عام فنحن نعلم جميعا بأن كل نادي أو كل فريق في العالم أجمع

بعد أن يحقق فوز أو يحقق نتيجه إيجابيه لصالحه ف من الطبيعي ان تكون النتيجه

هي الاحتفال بشكل عام ولا يحق لأحد الدخول في هذا بالظبط كما سجل عماد متعب

لاعب الاهلي هدف قاتل في الانتاج الحربي واحتفل الاهلاويه بهذا الهدف وهللوا له

وقالوا بأن متعب رجل المواقف الصعبه بمعني أصح ومنطقهم بأن من حقهم الاحتفال

وليس من حق الانديه الاخري الاحتفال سواء بالفوز أو بأهداف أبناء ناديهم

بعيد عن زملكاويتي الا اني أري ان هدف شيكابالا بالامس هو أفضل هدف في البطوله

حتي الأن لأن لو لاحظنا جميعا بأن شيكا لم ينظر تماما ناحية المرمي ولكن إحساسه

التهديفي في هذه الكره كان له دور كبير في الهدف الجميل ومن مكان صعب ومؤثر

جدا ولم يستطيع الحارس أن يفعل لها شيء لانها ملعوبه في الزاويه البعيده

كما قلت من قبل وتحدثت مع الكثير والكثير من المتابعين لكرة القدم المصريه بشكل

عام بأن شيكابالا ولد في هذا المكان وتربي في نفس المكان وترعرع في نفس المكان

وصال وجال في نفس المكان وها هو الأن يعود لبيته من جديد الزمالك ويقدم أداء

ومستوي أكثر من رائع للرد علي كل المشككين في قدرات الولد الشقي

محمود عبد الرازق شيكابالا ..

إليكم هدف شيكابالا العالمي في مرمي حارس انبي علي لطفي والحكم لكم





أما بخصوص مزايدات بعض مشجعي الانديه الاخري بسبب إحتفال ميدو مدرب

الزمالك بهدف شيكابالا بالرغم من وفاة أسطورة الزمالك حماده امام ماهي إلا حقد

ونحن جميعا ك زملكاويه ومحبين لشيكابالا وللزمالك احتفلنا لحظة تسجيل الهدف

سواء من كان داخل الملعب أو خارجه وحتي إن كنا أمام الشاشات في البيوت إحتفال

ميدو كان طبيعي جدا في حالة رهانه علي شيكابالا في الفتره الاخيره لانه تحدي الكل

وقال بأن شيكابالا قادم لا محاله ف من الطبيعي أن يفرح ميدو بعودة شيكابالا

وأخيرا ميدو بريء من مزايدات بعض مشجعي الانديه الاخري


( تصريح هاني رمزي مدرب انبي بعد الخساره من الزمالك )

قلتها من قبل ان من يترك شيكابالا دون مراقبه يستحق العقاب

وقد عاقبنا شيكابالا مرتين في أقل من أسبوعين


[ اسئله للنقاش ]

- ما رأيك في اداء شيكابالا بعد العوده بيته الزمالك من جديد ؟
- برأيك ماهو أجمل هدف في الدوري المصري لحد الان ونحن في الاسبوع الثالث عشر؟



تحياتي للجميع محمود الصاروخ

[حـيـــــآة ❤]

شيكابالا مين
ههههههه
طول عمره طبعا محترف
ومبروك عودته للزمالك
مجهود شيكابالي محمود
تسلم👍

[ندوشه 2011]

أعزائي المشاهدين ونقل لكم الحدث أخوكم محمود من استاد المنتدي الدولي واللقاء في احداث مباراه قادمه

[فداااااااااااء]

شوف رغم اعتراضى فى السابق على بعض تصرفات شيكا لكن اتضح ان كتير من اللاعيبة مش هو بس محتاجين ضبط فى كل الاندية بلا استثناء

احسن خطوة حصلت لشيكا هو ابتعاده لفترة عن الزمالك وعن الضغوط الكتيرة اللى كانت عليه
علشان يقدر يضبط اداءه افضل

عيب شيكابلا فى السابق اهتمامه بما يقال عليه ومايثار ضده لو ترك الامور دى هيبدع اكثر خاصة وانه موهوب

طبعا هتستغرب ازاى بتكلم كدا عن شيكو وانا اهلاوية بس دا الامر اللى انا شيفاه وبجد هو لاعيب حلو اوى خسارة الزمالك ما يستفد منه بشكل افضل ويقومه

اما عن الاهداف شوف احلى الاهداف دايما بنظرى هى اللى بتيجى فى الوقت الصعب

احب دايما ارى اكثر من نادى به لاعيبة مميزة ومبدعة علشان الدورى يكون افضل والمنافسة تكون اعلى
سلمت اخى محمود

[۩۩ elMagic ۩۩]

احترت مع موضوعك دا يا محمود ؟
اصلك متكلم عن المباراه ف موضوع سابق
فا السؤال اللى بيطرح نفسه بقى
ليه نسيب نسختين لموضوعين بيتكلموا بنفس المضمون ؟
وعن اسئلة النقاش فا هي مكرره
اداء شيكا مع الزمالك هو نفس سؤال الموضوع السابق
وطبعا انت مش عايز ف السؤال التانى غير هدف شيكا ^^
ظبط المواضيع ياحج
وشوف الاهلى هيلعب كمان شويه يا مشرف الرياضه المحايد

[محمود الصاروخ]

اقتباس المشاركة الأصلية كتبت بواسطة حيــــــاة ❤ شيكابالا مين ههههههه طول عمره طبعا محترف ومبروك عودته للزمالك مجهود شيكابالي محمود تسلم👍

شيكا موهوب وده أمر مفيش فيه اختلاف
ويتفق فيه سواء أهلاوي او زملكاوي
بالتوفيق لإبن النادي

منوره حيـــاة

[محمود الصاروخ]

اقتباس المشاركة الأصلية كتبت بواسطة ندي2011 أعزائي المشاهدين ونقل لكم الحدث أخوكم محمود من استاد المنتدي الدولي واللقاء في احداث مباراه قادمه

وكانت معكم أيضا ندي 2011 واعتزلت عن الملاعب في 2011
ههههههههه
منورني دايما ندي

[محمود الصاروخ]

اقتباس المشاركة الأصلية كتبت بواسطة فداااااااااااء شوف رغم اعتراضى فى السابق على بعض تصرفات شيكا لكن اتضح ان كتير من اللاعيبة مش هو بس محتاجين ضبط فى كل الاندية بلا استثناء احسن خطوة حصلت لشيكا هو ابتعاده لفترة عن الزمالك وعن الضغوط الكتيرة اللى كانت عليه علشان يقدر يضبط اداءه افضل عيب شيكابلا فى السابق اهتمامه بما يقال عليه ومايثار ضده لو ترك الامور دى هيبدع اكثر خاصة وانه موهوب طبعا هتستغرب ازاى بتكلم كدا عن شيكو وانا اهلاوية بس دا الامر اللى انا شيفاه وبجد هو لاعيب حلو اوى خسارة الزمالك ما يستفد منه بشكل افضل ويقومه اما عن الاهداف شوف احلى الاهداف دايما بنظرى هى اللى بتيجى فى الوقت الصعب احب دايما ارى اكثر من نادى به لاعيبة مميزة ومبدعة علشان الدورى يكون افضل والمنافسة تكون اعلى سلمت اخى محمود

إحنا متفقين مع بعض فداء ومهارة شيكابالا أمر لا يختلف عليه إثنان
سواء اهلاويه او زملكاويه ولكن اللي مش قادر أفهمه في مصر بشكل عام
ان الناس مش عاجبها حال شيكا ؟ صدقيني انا هتكلم معاكي بعيد عن زملكاويتي
ولكن هعمل معاكي مقارنه بسيطه جدا ...

شيكابالا الولد الموهوب ناس كتير مكانتش بتحبه عشان اخلاقه بشكل عام
بس كان لاعب بيتشتم بأمه وأبوه من ناس كتير وكان بيترمي عليه حاجات
من المدرجات وبيشبوه بالقرد مش عارف ليه بالرغم من انه لاعب من خير
ما أنجبت مصر من مهاراه واحتراف وغيره و وصفه الاعلام المصري
بانه عديم الاخلاق

ولكن نحن الأن في الفتره الحاليه في لاعب أحترمه جدا ك لاعب دوللي
وهو حسام غالي لاعب الاهلي وعمره الان 35 سنه وخبره كبيره جدا
شتم زمايله الموسم الماضي وسب مؤمن زكريا وفتحي مبروك باعتراف مدير
الكوره السابق وائل جمعه وكان سبب في اقاله مدير الكوره بالفريق ده غير
ان حسام غالي شتم حسام باولو يوم ماتش سموحه وقاله كلمه متتقالش
من لاعب خبره زي غالي وغير كده يوم ماتش الانتاج كان علي الدكه
ونزل يضرب لاعيبة الانتاج ... والناس قالت عليه كابيتانو وبيغير
علي النادي طيب ده بيخاف علي النادي ؟ طيب ما حازم مثلا
بيخاف علي النادي وميحبش حد يقلل منه وشيكا نفس الأمر !

ده بره ردك عموما بس مقارنه بسيطه بين لاعب ف الزمالك ولاعب ف الاهلي
بس صدقيني مقصدش ان اقلل من حد من الاهلي بس ده الوضع الحالي
اللي شايفنه ومستغرب له جدا

بخصوص هدف شيكابالا ف هو هدف عالمي والفيديو في الموضوع
وبخصوص الاهداف اللي بتعجبك ف هناك هدفين ل عماد متعب الموسم ده
في الثواني الاخيره ولكن لم يكن عماد متعب هو الوحيد المتألق لان هناك أيضا
لاعب الزمالك المعار للاتحاد يوسف أوباما سجل لفريقه 3 أهداف أو 4 أهداف
في الثواني الاخيره من المباراه ويستحق لقب القاتل أيضا بالاشتراك مع متعب

الدوري حاليا مشتعل فداء لان الزمالك والمقاصه والداخليه والاهلي
في المقدمه وفي تنافس كبير جدا بينهم وربنا يكرم ان شاء الله

منوراني بقن

[محمود الصاروخ]

اقتباس المشاركة الأصلية كتبت بواسطة ۩۩ elmagic ۩۩ احترت مع موضوعك دا يا محمود ؟ اصلك متكلم عن المباراه ف موضوع سابق فا السؤال اللى بيطرح نفسه بقى ليه نسيب نسختين لموضوعين بيتكلموا بنفس المضمون ؟ وعن اسئلة النقاش فا هي مكرره اداء شيكا مع الزمالك هو نفس سؤال الموضوع السابق وطبعا انت مش عايز ف السؤال التانى غير هدف شيكا ^^ ظبط المواضيع ياحج وشوف الاهلى هيلعب كمان شويه يا مشرف الرياضه المحايد

نفسي مره تدخل ترد علي موضوع ومتكونش ظالم محمود بشكل عام


الموضوع مختلف تماما لان موضوع بعد الماتش عن الماتش بشكل عام
وللنقاش حول فنيات المباراه ووقتها مكانش لسه المزايدات اشتغلت
ف حبيت أطرح الهدف ونختار مع بعض أجمل هدف في الدوري
لحد الان وانا بختار الهدف ده اجمل هدف

مستني ماتش الاهلي من غير ما تفكرني

[فداااااااااااء]

اقتباس المشاركة الأصلية كتبت بواسطة مـح ـ الصاروخ ـمود إحنا متفقين مع بعض فداء ومهارة شيكابالا أمر لا يختلف عليه إثنان سواء اهلاويه او زملكاويه ولكن اللي مش قادر أفهمه في مصر بشكل عام ان الناس مش عاجبها حال شيكا ؟ صدقيني انا هتكلم معاكي بعيد عن زملكاويتي ولكن هعمل معاكي مقارنه بسيطه جدا ... شيكابالا الولد الموهوب ناس كتير مكانتش بتحبه عشان اخلاقه بشكل عام بس كان لاعب بيتشتم بأمه وأبوه من ناس كتير وكان بيترمي عليه حاجات من المدرجات وبيشبوه بالقرد مش عارف ليه بالرغم من انه لاعب من خير ما أنجبت مصر من مهاراه واحتراف وغيره و وصفه الاعلام المصري بانه عديم الاخلاق ولكن نحن الأن في الفتره الحاليه في لاعب أحترمه جدا ك لاعب دوللي وهو حسام غالي لاعب الاهلي وعمره الان 35 سنه وخبره كبيره جدا شتم زمايله الموسم الماضي وسب مؤمن زكريا وفتحي مبروك باعتراف مدير الكوره السابق وائل جمعه وكان سبب في اقاله مدير الكوره بالفريق ده غير ان حسام غالي شتم حسام باولو يوم ماتش سموحه وقاله كلمه متتقالش من لاعب خبره زي غالي وغير كده يوم ماتش الانتاج كان علي الدكه ونزل يضرب لاعيبة الانتاج ... والناس قالت عليه كابيتانو وبيغير علي النادي طيب ده بيخاف علي النادي ؟ طيب ما حازم مثلا بيخاف علي النادي وميحبش حد يقلل منه وشيكا نفس الأمر ! ده بره ردك عموما بس مقارنه بسيطه بين لاعب ف الزمالك ولاعب ف الاهلي بس صدقيني مقصدش ان اقلل من حد من الاهلي بس ده الوضع الحالي اللي شايفنه ومستغرب له جدا بخصوص هدف شيكابالا ف هو هدف عالمي والفيديو في الموضوع وبخصوص الاهداف اللي بتعجبك ف هناك هدفين ل عماد متعب الموسم ده في الثواني الاخيره ولكن لم يكن عماد متعب هو الوحيد المتألق لان هناك أيضا لاعب الزمالك المعار للاتحاد يوسف أوباما سجل لفريقه 3 أهداف أو 4 أهداف في الثواني الاخيره من المباراه ويستحق لقب القاتل أيضا بالاشتراك مع متعب الدوري حاليا مشتعل فداء لان الزمالك والمقاصه والداخليه والاهلي في المقدمه وفي تنافس كبير جدا بينهم وربنا يكرم ان شاء الله منوراني بقن

انا معاك علشان كدا قولتلك انه مش اظاهر هو بس اللى محتاج ضبط لا لاعيبة تانية كمان وكان من ضمن اللى اقصدهم هو حسام غالى صحيح احب لعبه جدا لكن الاخلاق واجبة كمان

وانا عارفة ان الدورى اقوى هذه السنة من السنوات الباقية علشان كدا الواحد بيحس بمتعة وهو بيشاهد المباراة بتبقى مش ضامن حتى الفرق الصغيرة تلعب معاك ازاى

اما عن التبرير لشيكا انه يخرج بتصرفات بها سوء بسبب ان فلان ولا جمهور نادى كذا سبه يبقى كل لاعيب يتشم او يسب يرد هو الاخر بنفس السلوك وتبقى هيصة

هو طالما رضى انه يكون لاعيب وفى نادى كبير له تاريخه يبقى لازم يكون قدوة حتى لو اساء اليه ماهو اللى بيسيء دا لما بيلاقيه بيطنشه هيزهق وكفاية انه هينال الاعجاب والاحترام

دا للكل على فكرة بس علشان شيكا راجع تانى فلازم يتدارك الاخطاء السابقة

معلش بقى رجعت برط كبير وانا مش بحب الرط ههههههههه كفاية انت

ما تزعل مداعبة

سلمت اخى