تقديم مباراة || الزمالك Vs اتحاد الشرطة || الأسبوع الـ ( 14 ) من الدوري

[محمود الصاروخ]

السلام عليكم ورحمة الله وبركاته
زوار منتديات بنات مصر بشكل عام وأقسام الرياضة بشكل خاص
أهلا بكم معانا في الاستديو التقديمي الخاص بـ مباريات الدوري المصري لهذا العام




ينتظر عشاق ومتابعي كرة القدم المصريه بشكل عام يوم السبت القادم مباراة
الزمالك واتحاد الشرطه ضمن مباريات الاسبوع الرابع عشر من الدوري المصري
ويسعي الزمالك للفوز في هذه المباراه للصعود لقمة الدوري





( مناسبة اللقاء )
الاسبوع الـ ( 14 ) من الدوري المصري الممتاز

( تاريخ وموعد اللقاء )
السبت 16 يناير المقبل

( توقيت المباراة )
السادسه مساءا بتوقيت القاهرة

( القنوات الناقلة للمباراة )
النيل الرياضيه - أون تي في - الحيـاة 2






نادي الزمالك لـ الالعاب الرياضية
وهو نادي رياضي وإجتماعي أحد أقدم الأندية المصرية والعربية
تأسس عام 1911 ومؤسسه هو جورج مرزباخ

حيث يمتلك نادي الزمالك مجموعه من أبرز اللاعبين المصريين ويعتبر جمهور
الزمالك بأن هؤلاء الكوكبه من اللاعبين نادريين ومن أقوي اللاعيبه في مصر
وأبرز نجوم الزمالك هم

حارس المرمي
أحمد الشناوي

المدافعين
علي جبر - محمد كوفي - أحمد دويدار

خط الوسط بشكل عام
طارق حامد - ابراهيم صلاح - احمد توفيق - عمر جابر - أحمد حمودي
أيمن حفني - مصطفي فتحي - محمد ابراهيم - محمود كهربا - معروف يوسف

خط الهجوم بشكل عام
باسم مرسي - أحمد حسن مكي - محمد سالم

( مدرب نادي الزمالك )
المدرب المصري احمد حسام ميدو



( رئيس نادي الزمالك )
المستشار مرتضي منصور








نادي إتحاد الشرطة الرياضي
نادي كرة قدم مصر لعب لأول مرة في الدوري المصري الممتاز
بموسم 2008-2009 وهو تابع لوزارة الداخلية بمصر

حيث يمتلك نادي اتحاد الشرطه مجموعه من اللاعبين المميزين ولهم بصمه
في الدوري العام وأبرز نجوم الفريق هم

حارس المرمي
حسام أسامه - عصام سعد

المدافعين
أحمد جمال - عماد حلمي - خالد سطوحي - احمد كمال

خط الوسط بشكل عام
فؤاد سلامه - صلاح ريكو - محمود سمير - احمد شمامه - محمد فوزي
خالد الغندور - احمد كشري - محمد بسيوني - يحي توريه - علي رابو
عمرو فيرون - محمد حجاج

خط الهجوم بشكل عام
أسامه عثمان - محمود ابراهيم - محمد حسن
نانا بوكو - أحمد أنيس

( مدرب نادي اتحاد الشرطة )
المدرب المصري فتحي مبروك



( رئيس نادي اتحاد الشرطة )
اللواء محمود شرف






( نادي الزمالك )

يقع الزمالك بالمركز الثالث في ترتيب الدوري المصري برصيد أربعه وعشرون
نقطه من إحدي عشر مباراه لعبهم حتي الأن حيث حقق الفوز في سبع مباريات
وتعادل في ثلاثه وخسر مباراة ويحاول الفوز للوصول اللي القمه علي أمل سقوط
أحد منافسيه وهم الاهلي و المصري اللذين يتقاسموا الصداره برصيد خمسه
وعشرون نقطه حتي الان وبالاضافه ان الزمالك له مبارتان مؤجلتان ضد
الإسماعيلي والمصري الذي سيلعب منهم مباراة ضد المصري
عقب مباراة الشرطة القادمه

( نادي اتحاد الشرطة )

لم يحقق فريق الشرطه أي فوز في أي مباراة حتي الان حيث أنه لعب أثني عشر
مباراة وحقق التعادل في ثماني مباراة والخسارة في اربع مباريات ويحتل الان
المركز الخامس عشر في ترتيب الدوري وهي منطقه حرجه بالنسبه لهم ويحاول
الفوز علي نادي الزمالك من أجل كسر الصيام حتي الان وبالاضافه اللي تحسيين
موقعه في جدول ترتيب البطوله لانهم لم يتعودو علي ذلك من أن تأهلو للدوري



تقام المباراه على أرضية ستاد بترو سبورت بالقاهره الجديده



هو ستاد متعدد الاستخدامات يقع في مدينة القاهرة الجديدة
من شارع التسعين بالتجمع الخامس في مصر

وهو يستخدم في مباريات كرة القدم حيث يستضيف
مباريات العودة لنادي إنبي وأندية البترول الأخرى

ويتسع الأستاد لأكثر من 25,000 متفرج واستضاف الدورات الودية
للمنتخب مصر للشباب وهو الملعب الذي يلعب عليه
منتخب مصر للشباب منتخب تحت 20 سنه



سيكون ملعب بترو سبورت بالقاهره
مسرحا لـ لقاء الزمالك واتحاد الشرطة

ضمن مبارايات الاسبوع الرابع عشر من الدوري المصري لهذا العام
الزمالك صاحب المركز الثالث في جدول الترتيب واتحاد الشرطه صاحب
المركز الخامس عشر في جدول الترتيب وكل منهما يحاول الفوز في هذه
المباراه التي ستشهد أحداث في غاية الأهمية

فلمن ستكون الغلبه !




1- كيف ترى اللقاء من الناحية الفنية ؟

---

2- مباراة صعبة يشهدها ملعب بترو سبورت بالقاهره
كيف ترى مستوى الزمالك فى اللقاء وما هي حظوظه بكسب الثلاث نقاط ؟

---

3 - توقعك لسيناريو المباراة ولنتيجة اللقاء ؟

---

4 - كلمــه حــره



بالتوفيق للنادي الملكي
كل التوفيق للزمالك بإذن الله

خالص حبي محمود الصاروخ

[توحد ارواح]

كل مباراه بتبقي لها ظروفها
الواقع يقول فوز الزمالك
ولكن معظم الفرق
بتيجي قدام الاهلي والزمالك ويجتهدوا شويه
عموما نتمني نشوف مباراه جيده من جميع النواحي
تسلم ع مجهودك المميز

[عذب المعانى]

ههههههههههه

منك لله يا محمد دة انا ما صدقت نسيت الكورة لية تفكرنى


بى التوفيق الزمالك

لكن اعتقد المبارة هيكون فيها مفجادة بس هيفوز الزمالك بصعوبة

تسلم اخوى

[فداااااااااااء]

عاجبنى تواضعك وانت بتصف لاعيبة الزمالك انها أفضل لاعيبة فى مصر

انا بعتقد ان الزمالك هيلعب بشكل أقوى علشان 3نقط علشان صدارة الدورى ولكن اتحاد برضوا ما يضمنش لأن الفرق الصغيرة بتلاقى فرصتها أما الأندية الكبيرة
نتمنى الفوز للشرطة اقصد نتمنى مباراة حلوة

[محمود الصاروخ]

اقتباس المشاركة الأصلية كتبت بواسطة توحد ارواح كل مباراه بتبقي لها ظروفها الواقع يقول فوز الزمالك ولكن معظم الفرق بتيجي قدام الاهلي والزمالك ويجتهدوا شويه عموما نتمني نشوف مباراه جيده من جميع النواحي تسلم ع مجهودك المميز

الواقع بيقول كده بالفعل ياندي ولكن علي أرضية الملعب غير
بس هنا سؤال بسيط السير فتحي مبروك متعود دايما يلعب جيم مقفول
وبيقفل خطوطه بس ماتش الاهلي فتح خطوطه تماما تفتكري هيلعب بنفس
طريقته ماتش الاهلي قصادنا ؟

منوراني بقن

[محمود الصاروخ]

اقتباس المشاركة الأصلية كتبت بواسطة عذب المعانى ههههههههههه منك لله يا محمد دة انا ما صدقت نسيت الكورة لية تفكرنى بى التوفيق الزمالك لكن اعتقد المبارة هيكون فيها مفجادة بس هيفوز الزمالك بصعوبة تسلم اخوى

ومين فينا مايحبش الكوره ؟ الكوره بها متعه خاصه
اتمني رجوعك لمتابعة كرة القدم سريعا وتنورنا دايما

كل التوفيق للزمالك
منورني

[محمود الصاروخ]

اقتباس المشاركة الأصلية كتبت بواسطة فداااااااااااء عاجبنى تواضعك وانت بتصف لاعيبة الزمالك انها أفضل لاعيبة فى مصر انا بعتقد ان الزمالك هيلعب بشكل أقوى علشان 3نقط علشان صدارة الدورى ولكن اتحاد برضوا ما يضمنش لأن الفرق الصغيرة بتلاقى فرصتها أما الأندية الكبيرة نتمنى الفوز للشرطة اقصد نتمنى مباراة حلوة

مش انا اللي بصفهم بكده يا فداء الواقع هو اللي بيقول كده
لو راجعتي اخبار الكوره الفتره الماضيه هتلاقي ان لاعيبة الزمالك
اللي انا كاتبهم دول واخدين أحسن هجوم واحسن دفاع عام 2015
بعد التتويج بالدوري والكاس والخروج المشرف في الكونفدراليه

الزمالك بطل مصر عن جداره وحين انتهاء الموسم الحالي
هنعرف من سيكون بطل مصر لعام 2016 ان شاء الله

بخصوص المباراه سيبك انتي من ان الزمالك هيلعب عشان النقاط وكدة
السؤال يبقي هنا - فتحي مبروك بما اني متابعه من يوم ما مسك الشرطه
بيلعب ب 4 مدافعين وجيم مقفول تماما بس يوم ماتش الاهلي لعب ب 3 مدافعين
وخطوطه كانت مفتوحه تماما .. تفتكري ايه خطته لماتش الزمالك ؟

لو الشرطه لعبت واستحقت الفوز هقولها مبروك
ولو الزمالك لعب واستحق الفوز هقول مبروك
الفوز للأفضل ان شاء الله

نورتيني فداء

[سيد حسن ؟]

شئ جميل انك تتكلم علي الرياضه معايه وانا معرفشي الفاول من الافصايت ولا حتى ضربه ركنيه
والله من ايام الخطيب وفوزى سكوتى وشطه
واكرامى مشوفتش مطش المهم جزاك الله في ضربت جزاء تحياتى

[აα∂ Ԑγεა]

في البداية تشكيلة الشرطة المذكورة دي تشكيلة السنة اللي فات مش الحالية
الفريق رحل عنه مجموعة من اهم العناصر اللي فيه لفرق مختلفة
مثلا علي رابو ف المقاولون , نانا بوكو في المقاصة , فؤاد سلامة في أسوان
كذلك خد بالك من صورة حلمي طولان :d


بخصوص المباراة اظن انه اسلوب اللعب اللي تابعناه في مباراة الاهلي مش هيتكرر اكيد
مظنش انه فتحي مبروك هيفتح اللعب وهيهاجم ويحاول يرد هجمة بهجمة
من الاساس مع العناصر الفقيرة جدا اللي في الشرطة " معادا بسيوني وريكو " دا لا يصلح
الفريق في نص الملعب يعتبر اشباح لا ضغط ولا استخلاص ولا تمركز ولا تمرير صحيح
اظن المرة دي هيقفل ورا ويلعب حتي من غير المرتدة ,
مش عارف بقي حارس المرمي الاسطوري دا هيلعب قصادنا ولا هيريح :d


الشرطة عموما من افقر فرق الدوري فنيا بجوار الحرس والمحلة هم المفضليين للهبوط ,
فالمباراة المفروض تكون في متناول الزمالك بنسبة كبيرة ,
لكن نقول كل ماتش وله ظروفه الخاصة , ومفيش ضمانات في الكورة علي الاطلاق .

اتمني ميدو يستغل المباراة اللي علي الورق زي ما قلت في متناول الفريق واسهل مباراة الفترة دي
في انه يجهز بعض العناصر اللي محتاجة تتجهز وتاخد ثقة في نفسها وتنزل ملعب
اتمني محمد ابراهيم يكون متواجد من البداية وباسم ينزل من اول الماتش ونحاول نرجعه للتهديف
كذلك مفيش فرصة افضل لللحكم علي براني اكتر من مباراة زي دي فياريت بلاش طلبة
واتمني خليل حجي كذلك لو في تفكير حقيقي فيه انه يكون مع الفريق انه يكون في 18 الماتش دا


وسط المباريات القوية اللي الزمالك بيخوضها الشهر دا , دي المباراة الساهلة والفرضة للتجهيز
فياريت نستغلها بشكل امثل ونطلع منها بمكاسب تتجاوز فكرة ال 3 نقط ,
مباراة انبي والداخلية كانت ال3 نقط مطلوبة فقط لا غير لكن هنا مطلوب اكتر من كدة .


اتوقع فوز الزمالك بنتيجة مريحة , لكن بتعب وبجهد مش بسهولة .
تسلم للطرح والمجهود