غلبان في البرلمان

[a7med -3del]

مصر قالت كلمتها
خلاص شافت سكتها
والبداية كوميدي خالص
ومحدش عارف اخرتها

واهي جابت نواب
عواجيز بس شباب
يلا نحارب الارهاب
وبعدين نبكي علي خيبتها

ياللي روحت اللجنة تفتي
كان وراك مخبر ومفتي
قالو الجنة هتبقي معانا
مش هتلاقيها في اي مكان

اول طريق النصر واضح
مفيش خلاف مفيش مصالح
مرتضي بقي راجل صالح
وعكاشة لابس طرزان

هما دول خيرة شبابنا
واللي هيذلو اللي جابنا
طيب كنا عملنا حسابنا
وفصلنا كام فستان

والرئيس بكل فخر
تعالو يلا وشوفو مصر
ياحزن الحزن يابلدي
يامفضوحة في كل مكان

والضحك خلاص بقي حصري
في البرلمان المصري
دي الخلاصة في الكوميديا
روق بقي ياغلبان

[د/ عبد الله]

إذا كان ربُّ البيت بالدُفِّ ضارباً
فشيمةُ أهلِ البيتِ كُلِّهمِ الرقصُ

وبس كده

[ابو نصير]

انا اخر روقان يا استاذ وعلى الاخر
مرتضى منصور رئيس لجنة حقوق الانسان
ابو نصير
ارق التحايا

[حازم34]

حلووووووووووووو الكلام واهو كله برلمان


احلي ما في البرلمان قسم نسائي حنان


هههههههههههههههههههههههه


شر البليه ما يضحك


والله

ان مصر فيها افضل شعوب العالم


ولكن صبرا ال ياسر فان موعدكم الجنه

[شاعرة الرومانسيه]

[الأميرة رودي]

هم يضحك وهم يبكي.
كلمات بسيطه عبرت بها عن واقع
نتمناه أفضل اﻻيام الجايه
تسلم أحمد يدوم ابداعك

[همس الحنين]

والله لخصت الامر فى كلماتك

برلمان مهزله وسخريه لو قولنا هما دول نوابنا

دول نوائبنا

احترامى لفكرك وقلمك

[جبل عالي]

ولسه ياما الغلبان هيشوف ويسمع
صحيح والله هم يبكي وهم تاني يبكي برضووو

الله المستعان
وربنا يكشف عنا عن قريب يارب
تسلم ايدك يااحمد لروعة الكلمات
رغم الالم ورغم الاسى ... ربنا كبير

[.Lamar]

لا عجبتنى كنا فصلنا كام فستان دى

كلمات تحمل كوميديا سوداء

اجدت صياغتها اخى

تحياتى

[a7med -3del]

ياحزن الحزن دي اكتر جملة كتبتها وضحكتني
هو الانسان ايه غير انه فلاح وعامل مش فلاح
هههههههههههههه