مصر تقدر .. هو فين

[a7med -3del]

لما بقعد لوحدي افكر
مصر تقدر ؟
ايوة تقدر
بس مين ؟
اللي هيلم الغلابة
ويحضن طموح الشقاينين
اللي هيكون ليهم سند
ابن ابوه.. ويكون ولد
ويخاف رب العالمين
يكون معايا يكون في صفي
يحترم فيا ضعفي
مش يدوس علي كل حاجة
ووراه مفتي بيقول امين
يحس بكل الغلابة
والناس المطحونين
مايخدش صف الفنانين
راجل بجد.. نخوة وكرامة
عنده عدل.. وعنده دين
يبقي فاهم اننا شعب واحد
مسلمين مش مسلمين
ويبطل نغمة ارهابي
عشان احنا مش متقسمين
متوحدين وموجودين
بس السؤال دلوقت
احنا هنا
وهو فين ؟

[د/ عبد الله]

هو بينا لسه مش موجود
مكانه واحد بيكتر فى الوعود
وأما تسأل فين وعودك
يقول مصر تقدر.. واحنا الوقود

مصر تقدر ايوة.. بس مش بيك
مصر عايزه رجاله...مش صعاليك
خيرها وحورها ومنتهاها
كله رايح ليك وليك

عشان مصر تقدر ..لازم تغور
فى كل ربع فيها.. لازم نثور
هنفنى عرشك البالى
والحق لازم يشوف النور

[حازم34]

نسال الله سبحانه ان يهيئ لمصر امر رشد يعز فيه اهل طاعته


ويهدي فيه لاهل معصيته


اللهم ولي خيلنا خيارنا واكفنا شر شرارنا


يارب مصر يارب مصر وشعبها


انزل برد عفوك ورضاك


كلمات مؤلمه صورتها لنا


يسلموا الفكر والقلم لك مني التحيه ولمصر الحب كله

[a7med -3del]

اقتباس المشاركة الأصلية كتبت بواسطة dr.abdullah هو بينا لسه مش موجود مكانه واحد بيكتر فى الوعود وأما تسأل فين وعودك يقول مصر تقدر.. واحنا الوقود مصر تقدر ايوة.. بس مش بيك مصر عايزه رجاله...مش صعاليك خيرها وحورها ومنتهاها كله رايح ليك وليك عشان مصر تقدر ..لازم تغور فى كل ربع فيها.. لازم نثور هنفنى عرشك البالى والحق لازم يشوف النور

الله عليك
غلبتني يامان
ايه الجمال ده
علمني بقي
تسلم

[ابو نصير]

اقتباس المشاركة الأصلية كتبت بواسطة show me the meaning of lonely لما بقعد لوحدي افكر مصر تقدر ؟ ايوة تقدر بس مين ؟ اللي هيلم الغلابة ويحضن طموح الشقاينين اللي هيكون ليهم سند ابن ابوه.. ويكون ولد ويخاف رب العالمين يكون معايا يكون في صفي يحترم فيا ضعفي مش يدوس علي كل حاجة ووراه مفتي بيقول امين يحس بكل الغلابة والناس المطحونين مايخدش صف الفنانين راجل بجد.. نخوة وكرامة عنده عدل.. وعنده دين يبقي فاهم اننا شعب واحد مسلمين مش مسلمين ويبطل نغمة ارهابي عشان احنا مش متقسمين متوحدين وموجودين بس السؤال دلوقت احنا هنا وهو فين ؟

مصر تقدر لما تشوف
الظلم يبقى عدل
ارق التحايا
دومت بخفظ الرحمن ودام لنا فكرك وقلمك النابض بالحريه
ابو نصير

[د/ عبد الله]

اقتباس المشاركة الأصلية كتبت بواسطة show me the meaning of lonely الله عليك غلبتني يامان ايه الجمال ده علمني بقي تسلم

العفو يا كبير
انت الاجمل
تسلم يا غالى

[شاعرة الرومانسيه]

لا تعليــــــــــــــــــــــــــــــق

[طارق الجميل]

مصر مش هتقدر بالموجود احنا مشكلتنا باختصار مش في واحد
احنا مشكلتنا في أجيال متراكمه معظمها اتربى على قلة الضمير
وربنا قال ‘‘ لايغير الله مابقوم حتى يغيروا ما بأنفسهم ) دا المطلوب