الترامدول وغيره ...

[محمود الصاروخ]

اقتباس المشاركة الأصلية كتبت بواسطة توحد ارواح طالما مفيش دليل ادانه عليهم يبقي حرام عليه يقذف الناس بالباطل اما لو اثبت التعاطي يبقي فيه كلام تاني بس ممكن يكون نشاطهم طبيعي نتيجة حاجات كتيره بالنسبه لماتش الاهلي الاتنين لعبوا كويس ولكن ضاعت من الاهلي فرص كتيره لكن لم يحالفهم التوفيق تسلم ع المجهود المميز

انا بقول الكلام بناءا علي أخبار كريم حسن شحاته وهو مقالش دليل !
وعشان كده من ضمن كلامي طالبت ان لازم يكون في معمل تحاليل في مصر
وكل اللاعيبه تروح بعد كل ماتش وده هيكون ممتاز جدا !

بخصوص ماتش الداخليه والاهلي ف الداخليه عملت ماتش مميز
الفرق دي ماشيه ب مبدأ اللي تكسب به العب به والطريقه دي بتكسبهم
من بدايه الدوري و التوفيق بيكون معاهم اما الاهلي ضيع حوالي 4 فرص
يعني مش اننا نقول الاهلي يستاهل الماتش !

تسلمي علي مرورك ندي
منوراني دايما

[محمود الصاروخ]

اقتباس المشاركة الأصلية كتبت بواسطة just ahuman بُص يا حوده أنا مبيعجبنيش نوعية الإعلاميين أمثال خالد الغندور وكريم حسن شحاته لأن كل شغلهم الشاغل إثارة مشاكل وبلبله فى الوسط الرياضي لا أكثر ولا أقل .. أما بالنسبه للداخليه أنا شايف إن ده طبيعي لأنهم إستعدو للموسم بشكل جيد .. أما عن أدائهم فى مباراة إمبارح لا يستحقو النقطه من وجهة نظري أداء دفاعي بحت طوال المباراه لم يقومو بتهديد مرمي أحمد عادل عبد المنعم ولا مره سوي فى كرة الهدف وهي كانت الوحيده ودخلت المرمي ..ولكن فى نفس الوقت لم يتسطيع لاعبي الأهلي من إستغلال السيطره التامه على الكره تسلم يا محمود على الموضوع

انا تقريبا متفق معاك تماما علي موضوع الاعلام ومن ضمنهم ايضا
شلبي وشوبير والنوعيه دي واعتقد ان معظم الاهلاويه مابيحبوش شوبير أيضا !

وبخصوص استعداد الداخليه متفق معاك وانا ذكرت ده في موضوعي
وبخصوص الماتش انا قولتلك الفرق دي ماشيه بمبدأ اللي تكسب بيه العب بيه
وهي دي طريقتهم وقانونيه محدش يقدر يكلمهم عليها هسألك سؤال ياغالي
لو الداخليه ماتستهلش التعادل عشان بتلعب دفاع بحت الطليان في عز
قوتهم يتقال عليهم اية ؟

منور ياغالي

[محمود الصاروخ]

اقتباس المشاركة الأصلية كتبت بواسطة ۩۩ elmagic ۩۩ من عادة الاعلام انه بيحب يعمل شو وبروباجندا ع الفاضي والمفروض لو ثبت خطأ كلام الاعلامي يبقى واجب معاقبته عشان مينفعش نتطلع ف اى مكان ونهرتل باى كلام والسلام لازم يكون تحت ايدك دليل بيؤكد كلامك وعن الماتش فا مشوفتهاش والله ومعرفتش النتيجه الا منكوا

متفق معاك تماما أحمد ولكن تفتكر بيكون في عقاب هنا في مصر ؟

منور ياغالي

[محمود الصاروخ]

اقتباس المشاركة الأصلية كتبت بواسطة العاشق الذى لم يتب هو ده اعلامنا المصرى وكل واحدعاوز يبقى البريمو شكراحوده

بالظبط رفعت هو ده الاعلام والمشكله ان مفيش دليل علي الكلام !

منور ياغالي

[محمود الصاروخ]

اقتباس المشاركة الأصلية كتبت بواسطة حيــــــاة ❤ بهو احنا كشعب واعلام وتلفزيون بنحب نعمل دوشه وحورات ملهاش داعي ربنا يهدي ويوفق

الله ينور عليكي حياة جبتي خلاصة الكلام !
منوراني

[محمود الصاروخ]

اقتباس المشاركة الأصلية كتبت بواسطة واد حبيب خالي اللي يتكلم يتكلم لصراحه احلي فرقين في الدوري حالا من وجهه نظري المصري والدخليه

خلي اللي يتكلم يتكلم واللي يقول يقول !
وضيف علي كلامك المقاصه عامله موسم مميز

منور ياغالي

[محمود الصاروخ]

اقتباس المشاركة الأصلية كتبت بواسطة حازم34 اولا لايوجد هناك ما يسمي تدريب او مران ثلاث مرات باليوم لان زياده الاحمال بالتدريب تاتي بصوره عكسيه اذا رايت اللاعب دائم النشاط وكثره المشاكسه والزهق فاعلم انه ربما تعاطي فعلا الترامادول والترمادول دواء مسكن للالم من الالم المتوسط الي الشديد نسبيا وهو مسكن ينتمي الي عائله تسمي الاوبيد واستخدامه لفتره طويله يؤدي الي الاعتماد النفسي او الجسدي وطالما انه لايوجد لجنه منشطات في الدوري فممكن لاعبين كثر يستخدمونه والداخليه فريق جيد ولكني لم اراه بالمجهود الجبار كما يحكي خلال مباراه الاهلي وجدت فريق اغلبه يلعب خلف خط المنتصف تبعه ويعتمد علي هجمات مرتده فلم يستح الملعب لهم بالجهد طوال المباراه لان الفريق الذي يبادل بالهجمات طوال المباراه هنا اقيم اللياقه البدنيه ولكن حكايه الترامادول دي فممكن لاي فريق وليست للداخليه فقط يسلموا والله محللنا الرياضي الجميل لك مني خالص التحيه

راجع معلوماتي ياغالي واتاكد منها وهتعرف ان الداخليه كانت بتتمرن كده
زي ما بقولك بالظبط ولكن اللي بتكلم فيه هل هناك دليل علي كلام
كريم حسن شحاته ؟ وليه مايكونش في معمل تحاليل في مصر للاعيبه ؟

منور ياصديقي الغالي

[محمود الصاروخ]

اقتباس المشاركة الأصلية كتبت بواسطة الأميرة رودي أكيد لو ثبت على لعيبه الداخليه حاجه زى كده المفروض يتعاقبو ويتحرمو من المشاركه فى الدورى وان كانت بلبله وآثاره اعلاميه فالمفروض برده يكون فيه عقاب رادع بحيث يكون عبره لغيره من اﻻعلاميين ﻻن الفتن والشغب فى الكره المصريه أساسها اﻻخبار اللى زي دي متابعه ممتازه محمود شكرا ليك

متفق معاكي تماما يارودي ولكن ردي عليكي قولته في ردودي السابقه
ليه مايكونش فيه معامل تحاليل خاصه باللاعيبه كلها ؟
وهل لو ثبت انه كلام في الفاضي من الاعلام تفتكري هيكون في عقاب عندنا في مصر ؟

منوراني دايما والله

[Dr. AnOosHo]

عادي جدا ممكن فعلا يكونوا بياخدوا ترامادول ... يمكن صح ويمكن غلط وعشان ماحدش يقدر ينفي او يثبت يمكن شو وهلاص ويمكن كلام فعلي

شكرا محمود