متصدر .. وكلمني برضه =d

[محمود الصاروخ]

السلام عليكم ورحمة الله وبركاته
--



" الحمدلله وقدر الله وماشاء فعل "

حبيت ابدأ موضوعي بيها نظرا للظروف اللي اتعرضت ليها من اول امبارح

الفجر لحد اللحظه دي ولسه راجع البيت من شويه وعشان كده مقدرتش انزل

موضوع لماتش الزمالك امبارح بس الحمدلله ان قدرت اتفرج علي الماتش في

وسط الظروف اللي كنت فيها وربنا هو اللي عالم الواحد كان ماله وكان فيه ايه

ندخل في موضوعنا الرياضي كالعاده بدون كلام كتير !

الزمالك امبارح كان بيلعب ماتش في غاية الأهميه أمام فريق ضعيف جدا ولكن

أهمية الماتش ان فوز الزمالك يجعله في صدارة الدوري ويعود لمكانه الطبيعي

بصفته حامل الدرع العظيم وحامل كاس مصر الموسم الماضي وليا بعض التعليقات

علي مباراة امبارح برغم فوز الزمالك وتصدره جدول الترتيب !

أولا - الحاله البدنيه لـ لاعيبه الزمالك مضروبه بالنار مش ضايعه بس وكان في

توهان غريب من بعض لاعبي الزمالك وده كان هيكلفنا كتير امبارح !

ثانيا - اتحاد الشرطه من أضعف فرق البطوله وفي المراكز الاخيره وكان سهل جدا

اننا نخلص الماتش بنتيجه اكبر من كده وبأداء أحلي من كده ولكن صعبنا الماتش

علي نفسنا بداية من الشوط الثاني وده كان هيكلفنا كتير امبارح !

ثالثا - كتير من الناس ضحك عليا ان يوم ماتش الاهلي فتحي مبروك غير الحارس

اللي كان واقف امبارح ودفع ب هريدي اللي كان واقف يوم الاهلي لضعف امكانياته

ولو شوفنا طريقه فتحي مبروك امبارح وطريقه فتحي مبروك يوم ماتش الاهلي

هنلاقي فرق كبير جدا بين الشرطه امبارح و الشرطه يوم الاهلي !

المهم أن يتحقق المهم



الزمالك يعود لوضعه الطبيعي وهو صدارة الجدول بعد الفوز في هذه المباراه

الزمالك بصفته بطل مصر وحامل الدرع العظيم مكانه الطبيعي من البدايه هو الصداره

ولكن اتمني ميدو يبص للفرقه بشكل تاني المباراه القادمه لان المباراه القادمه لها

عنوان واحد بس وهو كسر العظام والبقاء للأقوي لانها هتكون ضد منافس قوي

وعامل نتائج مميزه وهو المصري مع التوأم حسام وابراهيم حسن

فوز الزمالك في المباراه القادمه يؤكد صدارته وان شاء الله الصداره لينا ونحافظ عليها

وفي نهاية الموضوع مش هقول متصدر لا تكلمني ولكن هقول

متصدر وكلمني برضه


تحياتي للجميع محمود الصاروخ

[حـيـــــآة ❤]

حمدلله ع سلامتك ومقدرين ظروفك
وان شاء الله منورنا علي طول وماتغيب
...
مبروك صدارة الزمالك بينما الاهلي ف المؤخره ماشاء الله

[توحد ارواح]

بالفعل ماتش امبارح كان غريب من الفريقين
الزمالك كان لعبه مش حلو ولازم ميدو يشوف حل
اتحاد الشرط مش هو فعلا يوم الاهلي حتي المعلق اعترف بكدا
المهم الماتش الجاي مع المصري
حسام حسن حافظ الزمالك
تسلم ع مجهودك لمميز

[محمود الصاروخ]

اقتباس المشاركة الأصلية كتبت بواسطة حيــــــاة ❤ حمدلله ع سلامتك ومقدرين ظروفك وان شاء الله منورنا علي طول وماتغيب ... مبروك صدارة الزمالك بينما الاهلي ف المؤخره ماشاء الله

الفرق بين الزمالك والاهلي نقطه واحده وهي دي حلاوة الدوري الموسم ده
المنافسه قويه بين أول 5 فرق ونضيف معاهم المصري الدوري الموسم ده
قوي جدا والصداره دايره بين الكل ومش دايمه لحد ولكن ان شاء الله
خطوه مميزه للزمالك للحفاظ علي اللقب الموسم ده

منوراني

[محمود الصاروخ]

اقتباس المشاركة الأصلية كتبت بواسطة توحد ارواح بالفعل ماتش امبارح كان غريب من الفريقين الزمالك كان لعبه مش حلو ولازم ميدو يشوف حل اتحاد الشرط مش هو فعلا يوم الاهلي حتي المعلق اعترف بكدا المهم الماتش الجاي مع المصري حسام حسن حافظ الزمالك تسلم ع مجهودك لمميز

انا سألتك سؤال قبل الماتش ياندي في موضوع التقديم
هل فتحي مبروك هيلعب امام الزمالك بنفس طريقه لعبه امام الاهلي ؟
والاجابه كانت لا والدنيا وضحت للجميع بعد ماتش امبارح !
انا مش بتهمه بالتفويت للاهلي ولكن الفرق بين هنا وهنا
هما اللي هيحكمو عليه ..

منوراني دايما ندي

[۩۩ elMagic ۩۩]

بطلت اشوف مباريات الاهلى والله المشغوليات بتزيد
الحسنه الوحيده ف الدورى داا ولان مش اهلاوي متعصب ولله الحمد
هو ان التنافس ما بين الفرق قوى ومستواهم متقارب
ودايما لمقتنص الفرص واللى بيستغلها صح
هو اللى بيقدر يخطف النقاط بقى
والعبره بالخواتيم في آخر المطاف

[شاعر الحب الحزين]

مع اني ما شفتش الزمالك الحقيقي ف ماتش امبارح

بس اكيد كل مباراة وليها حسابات والمهم ال 3 نقاط

ع فكرة ميدو فنان وحازم فهمان هما امبارح كسبوا الماتش بأقل مجهود

عشان ماتش المصري يوم الاربعاء ان شاء الله سبحانه وتعالى

هنكسب المصري 2 صفر

الف مبروك يا حودة

[الأميرة رودي]

يعنى الزمالك متصدر الوقتى الحمد لله
المهم يستمر على الصداره دى
الدوري زملكاوى أن شاءالله

[حـ,ـكـ,ـآيـ,ـهـ,ـ ۅطـ,ـنـ,ـ]

حمد لله على سلامتك

مع اني مليش بالمتش والكرة

بس السلامه للجميع انتا واهلك وحبايبي بالمنتدى

[محمود الصاروخ]

اقتباس المشاركة الأصلية كتبت بواسطة ۩۩ elmagic ۩۩ بطلت اشوف مباريات الاهلى والله المشغوليات بتزيد الحسنه الوحيده ف الدورى داا ولان مش اهلاوي متعصب ولله الحمد هو ان التنافس ما بين الفرق قوى ومستواهم متقارب ودايما لمقتنص الفرص واللى بيستغلها صح هو اللى بيقدر يخطف النقاط بقى والعبره بالخواتيم في آخر المطاف

والله ياغالي المشغوليات بتزيد علينا كلنا وبنتابع برضه
علي رأيك العبره بالخواتيم
منور ياغالي