مش عارف ليه الحقيقه بتوجع !

[محمود الصاروخ]

مش عارف ليه الحقيقه بتوجع

طب ماتيجو للتاريخ نبص ونرجع

ونشوف السداسيه في حضور الملك

وقتها كان بيقول كفايه كل اللي فيا اتهلك


ومش ناسيين هدف حسن شحاته الفنان

لما الحكم قال أوفسايد وهو هدف سليم وتمام

نهاية القرن كنت أنا ملك افريقيا من غير تحوير

طب خليه يسأل مصطفي فهمي ويجي يندهلي

هيقوله أه وقتها الزمالك كان اعلي م الاهلي

مش هكتر عليه بس التاريخ فيه أكتر و أكتر

لو مش مصدق يبص معايا ويقلب ويدور

هو أخويا وصحبي وابن عمي

لكن في الكوره ناديا أعلي منه ومني

ناديا بطل مصر عن جداره

ولو مش مصدق اسأل إكرامي وباسم بيعدي منه الكوره

طب إستني هقولك عاوز تشيل طاهر عشان بتخسر كتير

والمحكمه قالت ان انتخاباتك كان فيها تزوير

جاي تقولي انك نادي مباديء ومينفعش معاك العناد

وانت ناديك أساسا هو أصل الفساد

إوعي كلامي يكون بيوجع

أصل دي الحقيقه ولو مش مصدق لف للتاريخ وارجع !


محمود الصاروخ
بتاريخ 17/1/2016

[حازم34]

عسل انت يا محمود واحب انتمائك دا للزمالك


بس هقولك بقي دا كلام كبير واسالك هاتي معاك دليل

ولا نسيت فريق الاحلام لما انسحب وخاف كمان


ولانسيت السداسيه في عصر الكره الذهبيه خالد بيبو


ولا نسيت بالجوهري ونزل الاشبال وفاز وكان فيه رضا عبد العال


ولا نسيت كم عد البطولات وحياتك سيبك من موضوع التحكيم


دا كلام مش سليم الاهلي فريق كبير وله من الاحبه ملايين ملاين


واسال وهات الف من الشعب وشوف نسبه الحب هتلاقي

بس 10 في المايه زمالكاويه والباقي اهلاويه محبين


وحياتك سيبك وخليك انت كمان من المنصفين


تسلم والله وتقبل مروري

[محمود الصاروخ]

اقتباس المشاركة الأصلية كتبت بواسطة حازم34 عسل انت يا محمود واحب انتمائك دا للزمالك بس هقولك بقي دا كلام كبير واسالك هاتي معاك دليل ولا نسيت فريق الاحلام لما انسحب وخاف كمان ولانسيت السداسيه في عصر الكره الذهبيه خالد بيبو ولا نسيت بالجوهري ونزل الاشبال وفاز وكان فيه رضا عبد العال ولا نسيت كم عد البطولات وحياتك سيبك من موضوع التحكيم دا كلام مش سليم الاهلي فريق كبير وله من الاحبه ملايين ملاين واسال وهات الف من الشعب وشوف نسبه الحب هتلاقي بس 10 في المايه زمالكاويه والباقي اهلاويه محبين وحياتك سيبك وخليك انت كمان من المنصفين تسلم والله وتقبل مروري

مبدأيا بكون سعيد بمرورك حازم وسعيد بمرور كل واحد بيدخل يتناقش
مش يبص علي الموضوع ويجري ويقول هو فيه ايه ؟

بتسألني علي دليل طيب اقولك انا الدليل ؟
تيجي نفتح اليتيوب وتبص انت وتقولي الهدف ده صحيح ولا سليم ؟



بتقولي برضه هاتلي دليل ؟
بأي منطق تقولي هاتلي دليل وانت راجل ك اهلاوي اكيد عارف
ان الاتحاد الافريقي لمجامله الاهلي خلاها بالنقاط والزمالك كان الاعلي ؟

بخصوص البطولات ياكبير
تحب ندور وبالفيديو ولا هتزهق ؟


واسال وهات الف من الشعب وشوف نسبه الحب هتلاقي
بس 10 في المايه زمالكاويه والباقي اهلاويه محبين

ايه اللي يثبت انك الاكتر شعبيه ؟ طيب ياتري الملايين دي متابعه كوره ؟
السؤال الاهم هل الستات كلهم اللى هما نسبه كبيره من العدد السكانى فاهمين كورة ؟
مع احترامى لبعض الستات والبنات اللى بيفهموا كورة

ولا ياترى نادى الزمالك مملاش ستاد القاهرة ب 60 او 100 الف مشجع قبل كدة ؟
المفروض ان لما يكون فى تعداد لمن هو أكتر شعبيه وقتها نتكلم
ماهو معلش مش كلام وخلاص

خصوصا ان فى اندية فى العالم ألالاف بيشجعوها
ما بالك بقى بملايين بتشجع الزمالك فى مصر و الوطن العربى ؟


ولا نسيت انت السداسيه كمان مرتين ؟
فاكر ولا هتنكر وتقولي هاتلي دليل ؟
وانا اقولك ارجع للتاريخ ولف ودور

منور اكيد صديقي الغالي

[.Lamar]

برضو كورة

كلمات حلوة مرتبة بعناية

تسلم ايديك

[Doaa Hammam]

انا فكرت انه موضوع نقاش ههه

أنا آخر عهد ليا بالكورة كانت ايام لما منتحبنا دخل بطولات كاس العالم ومكملش للأسف


وفاكرة وقتها اتشهرت أوي شعار ارقص يا حضري ههههه

بعد كده لم أتابع للأسف أي ماتشات

بس موضوعاتك عن الكورة هتخليني أتابع تاني

انا معجبة بنشاطك جدااا وباصرارك على قسم الرياضة

تحياتي وتقديري

[۩۩ elMagic ۩۩]

تقدر تقول كل ما لذ و طاب من الكلمات المشجعه
لكن عند الحديث عن التاريخ يجف القلم
وتسقط الاوراق من اعلى الشجره هههههه
الكبير كبير ي عواد وربنا بنقول حكم يا عماد

[محمود الصاروخ]

اقتباس المشاركة الأصلية كتبت بواسطة .lamar برضو كورة كلمات حلوة مرتبة بعناية تسلم ايديك

وزي ما قالو الوايت نايتس
للكوره حياتي لكن لبلادي أموت
وأفديها بعمري وراح زمن السكوت

منوراني لمار

[محمود الصاروخ]

اقتباس المشاركة الأصلية كتبت بواسطة doaa hammam انا فكرت انه موضوع نقاش ههه أنا آخر عهد ليا بالكورة كانت ايام لما منتحبنا دخل بطولات كاس العالم ومكملش للأسف وفاكرة وقتها اتشهرت أوي شعار ارقص يا حضري ههههه بعد كده لم أتابع للأسف أي ماتشات بس موضوعاتك عن الكورة هتخليني أتابع تاني انا معجبة بنشاطك جدااا وباصرارك على قسم الرياضة تحياتي وتقديري

ايه ده أ/دعاء هي مصر وصلت كاس العالم ؟ ههههه
يسمع من بوءك ربنا ياستي والله
انتي تقصدي كاس الامم الافريقيه
احنا مصريين لو وصلنا كاس العالم نتحرق

هههههههه

منوراني دايما والله

[محمود الصاروخ]

اقتباس المشاركة الأصلية كتبت بواسطة ۩۩ elmagic ۩۩ تقدر تقول كل ما لذ و طاب من الكلمات المشجعه لكن عند الحديث عن التاريخ يجف القلم وتسقط الاوراق من اعلى الشجره هههههه الكبير كبير ي عواد وربنا بنقول حكم يا عماد

عند الحديث عن التاريخ تجيب كلامي كلمه كلمه
وتكدب كلمه منهم واهو كله بالفيديوهات !

الزمالك نادي القرن الحقيقي من غير تحوير
اما الاهلي اخد لقب القرن ومعروفه بالتزوير
ولا ايه ؟

تقدر تقولي مين كان الاكتر بطولات ؟
طيب تقدر تفكرني بهدف حسن شحاته ؟
طيب تقدر تفكرني ب ماتش الصفاقسي
والهدفين الملغيين للصفاقسي ؟
أفكرك ب ايه ولا ب ايه ؟

الكبير ربنا ياعماد
هههههه

منور ياغالي