"رول الفراخ بالسبانخ والجبنة"

[انجي_1]

لو عايزين طبق سريع وسهل وشكله حلو للعزومات.. تعالو نجرب "رول الفراخ بالسبانخ والجبنة" و طريقته بالتفصيل أهيه:


المكونات:

- ٤ صدور فراخ مقسومة نصين (متصلة) ومفرودة
- ٢٠٠ جرام سبانخ مفرومة
- ٦٠ جرام جبنة كريمة
- معلقة سمنة جنة
- ٣ معالق ثوم مفروم
- ملح، فلفل

مكونات صوص الطماطم:

- معلقة زيت زيتون
- ٢ طماطم مضروبين في الخلاط مع معلقة صلصة
- معلقة ثوم مفروم كبيرة
- معلقة ريحان صغيرة مفرومة
- معلقة زعتر صغيرة
- معلقة بقدونس مفرومة صغيرة
- ملح، فلفل

طريقة التحضير:

أول حاجة هنتبل الفراخ بالملح والفلفل
في حلة هنحط معلقة سمنة جنة ولما تسيح هنحط السبانخ ونسيبها لمدة خمس دقايق وبعد كده هنحط الثوم والملح والفلفل ونقلبهم ونشيل الخليط من عالنار ونسيبه يبرد. بعد كده هنحط الجبنة ونقلبهم مع بعض كويس
هنجيب صدور الفراخ ونحط في كل واحد حبة من الخليط ونلفهم ونقفل كل واحد بورق الومينيوم عشان نتأكد إنهم محكومين وهنحطهم في الفرن على ٢٠٠ درجة لمدة ١٥دقيقة
في نفس الوقت هنحضر صوص الطماطم... في حلة صغيرة هنحط زيت الزيتون والثوم ونقلبهم ونحط الطماطم وبعد ما تغلي هنحط الريحان والزعتر والبقدونس ونسيب الصوص لمدة ١٠ دقايق
هنطلع الفراخ من الفرن ونشيل الألومينيوم ونشوح الفراخ في طاسة بنقطة زيت عشان تتحمر
في التقديم هنقطع الفراخ طرنشات ونزود عليها صوص الطماطم
.
.
.

[El_Magic]

يسلموووووووو انجى على الوصفه

[انجي_1]

شكرا لمروركم ..