هكرهك من حبى فيك

[د/ عبد الله]

وطنى معاك.....أنا بدور
متنسانيش...... بين السطور
اكتبنى ولو.....حرف فى كلمة
خلّى ليا أى دور

فى حبى ليك..... أنا مُتّهم
وكأنّى فيك.......ناكر نِعَم
حالى معاك.......طول عمرى راضى
بس فاض بيا الألم

وبشوف وشوش بتجمّلك
بتخدعك وتدارى عليك
لو كرهى ليك هيعدلك
أنا هكرهك من حبّى فيك

أنا اللى رافض فيك الذل
أنا اللى نفسى تكون للكل
ياللى شايف إنّى عدوك
بُكرة علينا النور هيطُلّ

[توحد ارواح]

بُكرة علينا النور هيطُلّ

ناخد السطر الاخير
ونعتبرها دعوة جميله للامل والتفاؤل
في غد افضل ونور يضىء العتمة
نص رائع
دام ابداعك

[العاشق الذى لم يتب]

صحيح بنشوف وشوش بخدعه
لكن مش هيقلل من حبنالوطننا
تسلم ايدك\مبدعنا ودكتورنا
تحياتى

[السفيره عزيزه]

الله بجد ..قلم رائع ما شاء الله .

ولو جربت اكرهك ياوطن دا لا يمكن يكون
عمري ما اعرف اعملها ابدا ولا يمكن تهون
اصل حبك من يوم ولدتى فى قلبي الحنون
قالوا دي ارهابية وقالوا دي خارجة عن القانون
قالوا دي ضد البلد وما بتهتم ازاي يكون
قالوا خونة وبيتعونوا مع صهيونى ملعون
قالوا بيخربوا وبيقتلوا وحاولوا يقصونا بكل لون
قتل وحرق وسجن وحدث ولا حرج عن السجون
اتحجرت قلوبهم ولهم فى طرق العذاب فنون
ومكملين يا وطن وهنجيب فجر جديد بس قولوا
يااارب كون فى العون.

وبكرة تفرج مهما ضاقت علينا

دمت بخير حال
السفيرة

[همس الحنين]

قلمك راقى ومعبر

اه من قسوة الوطن

لما دم ولاده فيه يندفن

نبكى ونوح على البلد

ولا على دم ولادك يا بلد

احترامى لكماتك الراقيه

[ابو نصير]

اقتباس المشاركة الأصلية كتبت بواسطة dr.abdullah وطنى معاك.....أنا بدور متنسانيش...... بين السطور اكتبنى ولو.....حرف فى كلمة خلّى ليا أى دور فى حبى ليك..... أنا مُتّهم وكأنّى فيك.......ناكر نِعَم حالى معاك.......طول عمرى راضى بس فاض بيا الألم وبشوف وشوش بتجمّلك بتخدعك وتدارى عليك لو كرهى ليك هيعدلك أنا هكرهك من حبّى فيك أنا اللى رافض فيك الذل أنا اللى نفسى تكون للكل ياللى شايف إنّى عدوك بُكرة علينا النور هيطُلّ

منوار عبودى
ياصاحب القلم المميز هنا
دام لنا نبض قلمك ونبض صرختك فى وطن تريد منه التغير وما أجمل هذا الكره سيدى الفاضل
ابو نصير
تموت البشريه ولا يدفن الوطن ولا يقبر صاحب الضمير الحر والحى مهما دفن فى وطن
لا يحترم البشريه
اخوك بو نصير

[د/ عبد الله]

شكراً لكم جميعا
أنرتم متصفحى
دمتم بخير حال