النني بقي مدفعجي !

[محمود الصاروخ]

السلام عليكم ورحمة الله وبركاته
--




مبدئيا كما يعلم الجميع وكما ذكرت في بعض مواضيعي من قبل بأنني مشجع

لفريق العاصمه الإيطاليه روما من سنين وأيضا عاشق للكره الايطاليه بشكل عام

سواء المنتخب الإيطالي أو الانديه الإيطاليه التي تشارك في دوري أبطال أوروبا

وبالفعل شعرت بالفخر من قبل عندما لعب الفرعون المصري محمد صلاح لروما

ولكن هكون صريح في كلامي انا من ضمن الناس اللي اتوقعت الفشل لصلاح

من البدايه نظرا لوجود نجوم في روما وتوقعت بانه لم ولن يستطيع ان يثبت نفسه

ولكن الحمدلله ان كلامي في النهايه كان غلط ونحن الأن نشاهد أبو صلاح

في أفضل مستوياته وشخصيا فرحان جدا لكل اللي وصله له نجمنا المصري

واتمني له المزيد من النجاح سواء في إيطاليا أو خارج إيطاليا ولكن انا شخصيا

أتمني أن اراه يلعب في أسبانيا ومن وجهة نظري المتواضعه بأنه سيتألق أكثر

وأكثر مع الأنديه الاسبانيه نظرا لقوة الانديه الاسبانيه الان داخل القاره الأوروبيه !

أتمني التوفيق لـ نجمنا المصري المحترف محمد صلاح

نأتي مجددا لـ هذا الخبر السعيد لنا جميعا ك مصريين عن لاعبنا المحترف أيضا

والمتألق محمد النني الذي انتقل من صفوف المقاولون العرب اللي بازل السويسري

حيث قضي محمد النني مع بازل 3 سنوات ولعب فيهم 90 مباراه وتألق مع بازل

وحصل مع النادي علي الدوري السويسري ثلاث مرات في ثلاث سنين متتاليه

ولعب هذا الموسم مع بازل 28 مباراه وسجل 6 أهداف في مختلف البطولات

وأخيرا وبعد طول انتظار قام أرسنـال بضم اللاعب محمد النني من بازل !

وبالفعل ياساده النني الان بقي مدفعجي من ضمن مدفعجيه الأرسنــال

ما يعجبني في لاعبنا المحترف محمد النني روحه القتاليه وصلابته داخل الملعب

توزيعاته السليمه وتسديداته القويه جدا وانا شخصيا أري إن اجتهد محمد النني

علي نفسه سيكون من اللاعبين أصحاب المهمات الخاصه داخل الفريق الانجليزي

ولكن يبقي السؤال هنا للجميع !

كما يعلم الجميع من محبي ومتابعي كرة القدم في كل مكان بأن فينجر لا يشتري

لمجرد الشراء فقط بل هو يعرف من سيخدم الفريق والتشكيله والقابل للتطور أيضا

ولكن هل سيهتم فينجر بـ موهبة النني بشكل مستمر ؟



تحيــاتي للجميــع
محمــود الصــاروخ

[توحد ارواح]

وعليكم السلام ورحم الله

المدرب اكيد هيهتم بيه
اما يلاقيه يثبت وجوده ف الملعب
وباذن الله النني يثبت كفاءه وتألق وسط الكبار
ويبقي اضافه قويه للفريق
وكله يبقي لصالح مصر
وفخر للكوره المصريه زى محمد صلاح
ربنا يوفقهم دايما
تسلم ع المتابعه والتغطيه المميزه لكل جديد

[حازم34]

ان شاء الله يكون تمام واعتقد ان فينجر يتابع جيدا وحينما يطلب لاعبا

يعرف كيف يطور امكانياته وطبعا الفرق شاسع بين بازل السويسري


وبين فريق كبير مثل ارسنال والنني المطلوب منه اكثر

واكثر حتي يكون باذن الله اساسي مع الفريق اللندني


تسلم والله الكابتن الكبير محمود


ونفخر بهؤلاء ابناء مصر في الخارج ونتمني لهم التوفيق

[Just Ahuman]

أولاً نبدأ بصلاح .. صلاح مستواه تراجع بعض الشئ بعد عودته من الإصابه وفى نفس الوقت أنا كنت ملتمسله العذر لأن رودي جارسيا كان بيلزمه بأدوار دفاعيه وبيرجع دايماً مع دي روسي ونيانجولان يغطي فى الهجمات المضاده وده طبعاً أثر على واجباته الهجوميه .. لكن صلاح إمبارح فى أول مباراه مع سباليتي بيلعب براحته فى الملعب وبأريحيه تامه وهدد المرمه أكتر من مره وكان بيشارك فى ألعاب الهواء وده أول مره أشوفه بصراحه .. وسدد على المرمي وصدها حارس هيلاس فيرونا وإرتطمت بالقائم بإختصار لم يحالفه الحظ بالأمس ولكنه كان من أفضل لاعبي اللقاء بشهاده الجميع

أما النني يستحق بصراحه وأنا توقعتله كده من فتره طويله جداً .. لأنه لاعب جيد وقابل للتطور بيقدر يعالج عيوبه بشكل مستمر .. أنا أراه من أفضل لاعبي خط الوسط فى أوروبا فى الوقت الحالي لأنه يمتلك جميع المميزات والمتطلبات الخاصه بالمركز والتي أهمها قوة الإلتحام والتسديد من خارج منطقة الجزاء .. وشايف إنه يمتلك فرصه ذهبيه فى الوقت الحالي فى ظل غياب كوكلين ومايكل أرتيتا للإصابه وتراجع ماثيو فلاميني الفني فى الفتره الأخيره وأعتقد إنه هيشارك فى المباراه القادمه وهيأدي بشكل جيد

تحياتي يا محمود

[محمود الصاروخ]

اقتباس المشاركة الأصلية كتبت بواسطة توحد ارواح وعليكم السلام ورحم الله المدرب اكيد هيهتم بيه اما يلاقيه يثبت وجوده ف الملعب وباذن الله النني يثبت كفاءه وتألق وسط الكبار ويبقي اضافه قويه للفريق وكله يبقي لصالح مصر وفخر للكوره المصريه زى محمد صلاح ربنا يوفقهم دايما تسلم ع المتابعه والتغطيه المميزه لكل جديد

اللي مطمنا فعلا ان فينجر لايشتري لمجرد الشراء فقط
وربنا يكرم ان شاء الله ونشوف النني في مراكز متقدمه مع المدفعجيه

منوره ندي

[محمود الصاروخ]

اقتباس المشاركة الأصلية كتبت بواسطة حازم34 ان شاء الله يكون تمام واعتقد ان فينجر يتابع جيدا وحينما يطلب لاعبا يعرف كيف يطور امكانياته وطبعا الفرق شاسع بين بازل السويسري وبين فريق كبير مثل ارسنال والنني المطلوب منه اكثر واكثر حتي يكون باذن الله اساسي مع الفريق اللندني تسلم والله الكابتن الكبير محمود ونفخر بهؤلاء ابناء مصر في الخارج ونتمني لهم التوفيق

الله ينور عليك حازم
اللي مطمنا ك مصريين ان فينجر يتابع جيدا كما ذكرت
قبل ان يطلب أي لاعب بالتوفيق ان شاء الله للاعبنا محمد النني

منور دايما ياغالي

[محمود الصاروخ]

اقتباس المشاركة الأصلية كتبت بواسطة just ahuman أولاً نبدأ بصلاح .. صلاح مستواه تراجع بعض الشئ بعد عودته من الإصابه وفى نفس الوقت أنا كنت ملتمسله العذر لأن رودي جارسيا كان بيلزمه بأدوار دفاعيه وبيرجع دايماً مع دي روسي ونيانجولان يغطي فى الهجمات المضاده وده طبعاً أثر على واجباته الهجوميه .. لكن صلاح إمبارح فى أول مباراه مع سباليتي بيلعب براحته فى الملعب وبأريحيه تامه وهدد المرمه أكتر من مره وكان بيشارك فى ألعاب الهواء وده أول مره أشوفه بصراحه .. وسدد على المرمي وصدها حارس هيلاس فيرونا وإرتطمت بالقائم بإختصار لم يحالفه الحظ بالأمس ولكنه كان من أفضل لاعبي اللقاء بشهاده الجميع أما النني يستحق بصراحه وأنا توقعتله كده من فتره طويله جداً .. لأنه لاعب جيد وقابل للتطور بيقدر يعالج عيوبه بشكل مستمر .. أنا أراه من أفضل لاعبي خط الوسط فى أوروبا فى الوقت الحالي لأنه يمتلك جميع المميزات والمتطلبات الخاصه بالمركز والتي أهمها قوة الإلتحام والتسديد من خارج منطقة الجزاء .. وشايف إنه يمتلك فرصه ذهبيه فى الوقت الحالي فى ظل غياب كوكلين ومايكل أرتيتا للإصابه وتراجع ماثيو فلاميني الفني فى الفتره الأخيره وأعتقد إنه هيشارك فى المباراه القادمه وهيأدي بشكل جيد تحياتي يا محمود

شوف ياغالي انا مش هعلق معاك علي موضوع صلاح لان لاحظت مستواه
المتراجع فعلا بس مش هعلق لسبب بسيط ان متابعتش أخر مباريات لروما
عشان أقدر احكم عليه نظرا لظروف حكيتهالك قبل كده بس كنت مستني ردك ده
عشان اعرف أخر اخبار صلاح وتسلم علي الافاده !

بخصوص النني بقي اللي هو موضوعنا النهارده
علي ما أعتقد ياغالي ان الأرسنال بيلعب ب خطة 4 - 2 - 3 - 1 ولو كانت
معلومتي غلط في الفتره الاخيره أرجو تصحيحها لان زي ماقولتلك متابعتش من فتره
بس بتكلم بناءا علي ما أعرفه عن الأرسنال والمهم ان النني مع الطريقه دي ممكن يعاني
وعشان كده طرحت السؤال اللي في الموضوع هل سيهتم فينجر بـ موهبة النني بشكل مستمر ؟ نتمني ذلك جميعا ابقي ابعتلي مواعيد ماتشات الارسنال بالتفصيل
الفتره القادمه عشان اتابع اخبار لاعبنا وربنا يكرم ان شاء الله
لحد ما الدنيا تظبط معانا ونرجع نتابع زي الاول

منور ياكبير