هل هو سيناريو الموسم الماضي ؟ ولماذا في هذا التوقيت ؟

[محمود الصاروخ]

السلام عليكم ورحمة الله وبركاته
--



الموسم الماضي وبالتحديد وقت ماكان جاريدو مدرب للأهلي كان البعض أو المعظم

من محبي ومشجعي الاهلي في كل مكان عاوزين يمشيو جاريدو بأي طريقه نظرا

للنتائج السلبيه اللتي قدمها جاريدو وانا شخصيا كنت معجب ب فكر جاريدو في الملعب

ولكن الظروف كانت ضده تماما بما فيها من إصابات وعدم مساعده من المجلس وغيره

وتم إقالة جاريدو بعد أن خسر الاهلي معاه بطولة كاس مصر والخروج من دوري

أبطال أفريقيا بخساره رايح جاي من المغرب التطواني وجاء بعده المدرب الاهلاوي

السير فتحي مبروك وقال الاهلاويه وقتها فتحي مبروك جالكو خبو عيالكو وبالفعل قاد

فتحي مبروك الاهلي وفاز ب تقريبا 3 مباريات أو 4 وأعتقد الاهلاويه بان السير يقود

الاهلي نحو الفوز باللقب ولكن النتيجه كانت خسارة بطولة الدوري أولا ثم الكاس ثانيا

والخروج بشكل مهين في الكونفدراليه علي يد أورلاندو رايح جاي وبعدها تم إقالة

السير فتحي مبروك وجاء بعده الكابتن زيزو الذي فاز علي الزمالك في لقاء السوبر

وكانت البطوله الوحيده التي فاز بها الاهلي وهي بطوله من مباراه واحده ثم جاء

بعد الكابتن زيزو المدرب العقيم جوزيه بيسيرو وقاد الاهلي بداية من هذا الموسم

وخسر مع الاهلي مبارتين ولم يستطيع أن يفوز علي كل فرق المقدمه في جدول

الترتيب وأخيرا اليوم وفي هذه اللحظه تم إقالة جوزيه بيسيرو وجاء الكابتن زيزو

ليقود الاهلي في مباراة الاسماعيلي القادمه والاتحاد بعدها ومن بعده ياتي حسام

البدري ليقود الاهلي فيما تبقي من بطولات هذا الموسم وكان رد فعل الاهلاويه

اليوم بعد إقالة بيسيرو هو سيناريو الموسم الماضي بالتفصيل الممل !

الموسم الماضي كان رد الفعل فتحي مبروك جالكو خبو عيالكو

ولو كان فتحي مبروك ماسك الاهلي من البدايه كنا هناخد الدوري

واليوم بعد إقالة بيسيرو نفس رد الفعل الذي حدث الموسم الماضي !

زيزو جالكو خبو عيالكو ولكن يبقي السؤال هنا للجميع

- ما رأيك في قرار إقالة بيسيرو في هذا التوقيت بالتحديد ولم يتم إقالته
عقب التعادل في مباراة الداخليه الماضيه ؟ ولماذا جاء القرار في هذا التوقيت ؟

- من هو المدرب اللذي يصلح لقيادة الاهلي في الوقت الحالي ؟
سواء مصري أو اجنبي ؟



تحياتي للجميع
محمود الصاروخ

تحيــاتي للجميــع
محمــود الصــارو

[توحد ارواح]

وعليكم السلام ورحمة الله

الجماهير مش كانت عاوزاه من الاول
ولكن مفاجاه غير متوقعه ف التوقيت ده
لان الاهلي عامة مش بيحب يغير المدربين كتير
ولكن ممكن يكون بناء علي طلب بيسيرو
اكيد الاداره هتدور ع مدرب اجنبي
شكرا ع الخبر ومتابعة الاحداث اولا باول

[الأميرة رودي]

تقريبا حسام البدري اللى هيكمل الموسم .
وبعد كده ممكن يلجأو لمدرب اجنبي
كنت سمعت من حد انهم بيفكرو فى مدرب زامبيا
عموما الاهلى مكنش فى مستواه مع المدرب ده وكان المفروض يمشي فعلا.
بتمنى التوفيق لفريق اﻻهلي فى الفتره الجايه

[محمود الصاروخ]

اقتباس المشاركة الأصلية كتبت بواسطة توحد ارواح وعليكم السلام ورحمة الله الجماهير مش كانت عاوزاه من الاول ولكن مفاجاه غير متوقعه ف التوقيت ده لان الاهلي عامة مش بيحب يغير المدربين كتير ولكن ممكن يكون بناء علي طلب بيسيرو اكيد الاداره هتدور ع مدرب اجنبي شكرا ع الخبر ومتابعة الاحداث اولا باول

مجلس طاهر عاوز يرضي الجمهور بأي حاجه في الوقت ده
بس عموما مش موضوعنا ولكن تعرفي ان اللي الجماهير
مش عوزاه ده راح يدرب بورتو البرتغالي ؟

تسلمي علي مرورك الجميل ندي
منوراني دايما

[محمود الصاروخ]

اقتباس المشاركة الأصلية كتبت بواسطة الأميرة رودي تقريبا حسام البدري اللى هيكمل الموسم . وبعد كده ممكن يلجأو لمدرب اجنبي كنت سمعت من حد انهم بيفكرو فى مدرب زامبيا عموما الاهلى مكنش فى مستواه مع المدرب ده وكان المفروض يمشي فعلا. بتمنى التوفيق لفريق اﻻهلي فى الفتره الجايه

بالظبط في أنباء قويه ان حسام البدري هيمسك الفريق
بعد ماتش الاسماعيلي والاتحاد اللي هيقودهم زيزو
بس انتي تقصدي المدرب السابق لـ مازيمبي المدرب ده
الكلام كان علي وادي دجله وهو موجود النهارده في مصر
بيتابع دجله عشان هيدربهم مش الاهلي

تسلمي رودي علي مرورك