ايه السبب ؟

[War ROFL]

السلام عليكم ورحمه الله وبركاته


كتير في حياتنا اليوميه بيعدي علينا اخبار و حاجات مسلم بيها
امثال و عبارات اتعودنا نسمعها
وللاسف مع زحمه الحياه ومشاكلها
بيعدي علينا حاجات كتير من غير ما نتدبر او نفكر فيها

افتكرت دلوقتي خبر كان الفيس كله بيشيره و يتندر عليه عن شراء المصرييين كذا بسعر كذا العام المنصرم
المبلغ كبير و الناس كلها بتتريق و تقول كل دا وتستنكر

بس لو حد فيهم فكر الرقم دا لو قسمناه علي عدد المستهلكين ثم علي عدد شهور السنه
هيطلع رقم بسيييط جدا لا يذكر وهينم علي تقصير المواطن في حق نفسه و انه اصلا معدم تقريبا

لكن السياق العام و العقل الجمعي ضحك علينا
و كمان المراد من خبر زي دا انه يوصلنا ان المجتمع فاضي بيضيع موارده علي الترفيه
فتستنكر بدورك دا و ترحب باي قرار عقابي او اقصائي ظالم


الموضوع دا فكرته هي

اشمعني ؟؟

يعني مثل او كلمه بتتقال او جمله او خبر
هنسأل نفسنا اشمعني ؟؟ طيب ليه طيب ايه السبب
د
دا هيساعد الناس انها تتعود علي التفكير و التحليل
وهيمدنا كمان بمعلومات كتير

ان شاء الله الموضوع متجدد ومفتوح للجميع للمشاركه

[War ROFL]

العاب

ياتري ايه السبب ان اغلب السلع بقت كدا ؟؟
في معلومه لا اعلم مدي صحتها
ان دا عشان الضرائب و شرايحها ؟؟

لا ادري عن هذا الامر ومدي صحته
لكن الاكيد
ان ورا كدا سبب علمي
وهو نفسيه المشتري
حاجه تحت بند ال Psychological pricing

وهي حاجة اسمها left digit effect ، بأختصار شديد ال effect دا بيقول أن دماغك بيهتم أكتر بالرقم اللي علي الشمال لأنه الجنيهات بس الرقم علي اليمين مش مهم لأنه القروش ( ملوش لازمة يعني ) فأنت لما تشوف 5.99 دماغك هيحفزك أنك تشتريها أكتر من لو كانت 6 ، الموضوع مجرد خدعة من بتوع المبيعات (الي انا منهم ) بيستغلوا ثغرة في نظام دماغك علشان يخلوك تشتري

[توحد ارواح]

هي حاجة اسمها left digit effect ، بأختصار شديد ال effect دا بيقول أن دماغك بيهتم أكتر بالرقم اللي علي الشمال لأنه الجنيهات بس الرقم علي اليمين مش مهم لأنه القروش ( ملوش لازمة يعني ) فأنت لما تشوف 5.99 دماغك هيحفزك أنك تشتريها أكتر من لو كانت 6 ، الموضوع مجرد خدعة من بتوع المبيعات (الي انا منهم ) بيستغلوا ثغرة في نظام دماغك علشان يخلوك تشتري



فعلا ده بيحصل وبشوفها كتير
واسال نفسى ليه يعني اشمعني رقم وجنبه 99

السؤال
ازاى نسد الثغره دى من دماغنا


التوبيك رائع مميز
بانتظار المزيد
تحيتي

[War ROFL]

اقتباس المشاركة الأصلية كتبت بواسطة توحد ارواح فعلا ده بيحصل وبشوفها كتير واسال نفسى ليه يعني اشمعني رقم وجنبه 99 السؤال ازاى نسد الثغره دى من دماغنا التوبيك رائع مميز بانتظار المزيد تحيتي

متشكر جدا لمرورك وتشريفك
ادراك اي امر يقي الخديعه منه
كما ان ادراك سر الحيلة يلغي الانبهار بها
^_^

[War ROFL]

من واحنا صغييرين واحنا بنسمع وبنقرأ عن الموناليزا او الجيوكاندا

بس ياتري ايه سبب شهرتها وايه هي الموناليزا او الجيوكاندا

لوحة الموناليزا رسمها ليوناردو دافنشي، **استخدم فيها أسلوب فريد من نوعه وهو تصوير المرأة المرسومة من الجانب والأمام معاً، ما أعطى اللوحة طابع ثلاثي الأبعاد قليلاً، وساهم في إظهار تفاصيلها بشكل أوضح، لذلك اعتُبرت من أجمل اللوحات على مر العصور حتى اليوم.
ويعتبر الاسلوب دا جديد تمام في الوقت دا
لانه كل الرسامين كانوا بيرسموا اللوح من جانب واحد يعني مسطحه
اما دي فتعتبر ثلاثيه الابعاد

وتخيلوا معايا انها مرسومه سنه 1510 واخذ فتره 7 سنوات لرسمها

[الفيلسـوف]

مجهود مميز تسلم ايدك

[۩۩ elMagic ۩۩]

اهو ما انت متعرفش المستقبل فيه ايه
والانسان بطبيعته مش بيقتنع بالشئ وعلطول بيسأل وبيفسر الامور
تسلم لموضوعك الطيب

[War ROFL]

شكرا جزيلا لمروركم وتشريفكم
دمتم بخير

[War ROFL]

ليه الطماطم لونها احمر
وليه كما هو متعارف عليه كل ما كان لونها اقوي كل ما كانت افضل ؟؟؟

عارفين زمان كانوا يقولوا حمراء يا طماطم او يا قوطه

مبدئيا الطماطم تعد من الفواكه وليس من الخضراوات !
و اللون الاحمر هوا من ماده الليكوبين ودا صبغ مهم جدا هو السبب ف حمره الطماطم
وكل ما كانت الطماطم حمراء اكثر كلما دل ذلك علي زياده تركيز الليكوبين

الليكوبين دا بقه فوائده كتير
للقلب و تقليل لنسب الاصابه بالسرطان و تعزيز المناعه

والماده دي موجوده بنسب اقل في البطيخ الجوافة جريب فروت الشمام

وللاستفاده القصوي من الطماطم تناولها باي وضع ولكن ليس وهو معصوره فالطماطم المعصوره نسبه امتصاص الليكوبين بها تقل

اما المطبوخه (المعجون وغيره فلا)
ايضا زيت الذره يساعد علي امتصاص الليكوبين


دمتم بود

[توحد ارواح]

سبحان الله
معلومات جميله
تسلم ع الافاده القيمه