احتمال

[د/ عبد الله]

احتمال ياخدنى الفضول

أعرف بس انتى مين

أسيبك بعدها على طول

وألاقى قلبك يميل


وأنا بالفكر مش خالى

ولا ناقص شيل هموم

قلبى وعقلى وبالى

تاعبهم كل يوم


مش عايز تانى اتحير

ولا هقعد فيكى أفكر

أنا قلبى وعقلى مقرر

والقلب كمان مشغول


ولا تستنينى أقولها

والسكة دى مش هدخلها

أنا ببعد من أولها

أحسن ما الفكر يطول

[توحد ارواح]

تمام
طالما القلب مشغول
يكون البعد افضل
نص رائع
دام نبض قلمك

[السفيره عزيزه]

طيب والله عين العقل.
لسة هتتعب وتسال من هى اسم الله عليها.
مش ناقص وبلاش تتحير من تيار وخدك اليها.
اقفل بابك من بدري قبل ما تجر رجليها.
لا سهد ولا تسهر ولا تعد نجوم لياليها .
عين العقل وما اكتر تبص تانى عليها ...


تحياتى سيدى (الدين النصيحة)
السفيرة

[همس الحنين]

نعم عندما ينشغل القلب وقتها تتوقف كل الحواس

لكنها تستجيب لمن ملك القلب

ومن الامانه ان يكون القلب وصاحبه صادقين

لمن بالقلب سكن

نصيحه موجزه وراقيه

احترامى

[ابو نصير]

اقتباس المشاركة الأصلية كتبت بواسطة dr.abdullah احتمال ياخدنى الفضول أعرف بس انتى مين أسيبك بعدها على طول وألاقى قلبك يميل وأنا بالفكر مش خالى ولا ناقص شيل هموم قلبى وعقلى وبالى تاعبهم كل يوم مش عايز تانى اتحير ولا هقعد فيكى أفكر أنا قلبى وعقلى مقرر والقلب كمان مشغول ولا تستنينى أقولها والسكة دى مش هدخلها أنا ببعد من أولها أحسن ما الفكر يطول

صباح الجمال
عبودى
سكت ابو زيد كلها مسالك عبودى وادخل بقلب جامد ميهمكش واحسن النيه والاختيار
دام لنا حرفك الرائع السلسل ودام لنا نبض قلبك ونبض حروفك
ارق التحايا
اخوك ابو نصير

[د/ عبد الله]

اقتباس المشاركة الأصلية كتبت بواسطة توحد ارواح تمام طالما القلب مشغول يكون البعد افضل نص رائع دام نبض قلمك

أهلا بيكى توحد
شكرا ليكى . ده من ذوقك
أسعدكِ المولى

[حازم34]

اقتباس المشاركة الأصلية كتبت بواسطة dr.abdullah احتمال ياخدنى الفضول أعرف بس انتى مين أسيبك بعدها على طول وألاقى قلبك يميل وأنا بالفكر مش خالى ولا ناقص شيل هموم قلبى وعقلى وبالى تاعبهم كل يوم مش عايز تانى اتحير ولا هقعد فيكى أفكر أنا قلبى وعقلى مقرر والقلب كمان مشغول ولا تستنينى أقولها والسكة دى مش هدخلها أنا ببعد من أولها أحسن ما الفكر يطول

انا قلبي انا وعقلي مقرر

والقلب كمان مشغول

اعرف بس انتي مين والقلب يسيبك علي طول

لا تحيرني وتتعبيني انتي انتي مين


يا سلام يا دكتورنا يا سلام ايه الجمال دا

لك مني خالص التحيه

والله علي فكرك الجميل

[د/ عبد الله]

اقتباس المشاركة الأصلية كتبت بواسطة السفيره عزيزه طيب والله عين العقل. لسة هتتعب وتسال من هى اسم الله عليها. مش ناقص وبلاش تتحير من تيار وخدك اليها. اقفل بابك من بدري قبل ما تجر رجليها. لا سهد ولا تسهر ولا تعد نجوم لياليها . عين العقل وما اكتر تبص تانى عليها ... تحياتى سيدى (الدين النصيحة) السفيرة

أهلا بالسفيرة العزيزة
فعلا البعد أحسن
وهى نصيحة للكل
شكرا على إضافتك الجميلة
ربنا يسعدك

[د/ عبد الله]

اقتباس المشاركة الأصلية كتبت بواسطة ღهمس الحنينღ نعم عندما ينشغل القلب وقتها تتوقف كل الحواس لكنها تستجيب لمن ملك القلب ومن الامانه ان يكون القلب وصاحبه صادقين لمن بالقلب سكن نصيحه موجزه وراقيه احترامى

أهلاً بكِ سيدتى
شكراً على إضافتكِ القيّمة
شكراً لكِ سيدتى
دمتِ بخير حال

[د/ عبد الله]

اقتباس المشاركة الأصلية كتبت بواسطة ابو نصير صباح الجمال عبودى سكت ابو زيد كلها مسالك عبودى وادخل بقلب جامد ميهمكش واحسن النيه والاختيار دام لنا حرفك الرائع السلسل ودام لنا نبض قلبك ونبض حروفك ارق التحايا اخوك ابو نصير

أهلا بالغالى
هههههههههه أنت كده بتشجعنى ع الانحراف يا أبو نصير
هى نصيحة عامة لتفادى حاجات ممكن ميكونش ليها أى لزمه
دمت مبدعا وغاليا أبا نصير