Sad Love مدير عام لمنتديات بنات مصر ؟!

[۩۩ elMagic ۩۩]

السلام عليكم ورحمة الله وبركاته



سيبت فرصه بقى للناس تستوعب الاجراء

مبدأيا بعد ما خلصت الجيش من شهر وشويه
وانا بالفعل بأبدأ في أمور عده عشان مستقبلي
كلنا نعرف كويس وانا اولكم ان لكل شخص نهايه
وقد يكون ذلك الموضوع هو النهايه مع الماجيك

" منتديات بنات مصر "
هو كيان إتعلمت منه حاجات كتير
وخليتنى اطور من تفكيري وكتاباتي واسلوبي
ودا شئ بأعتز به جداً
وباعتز اكتر بكل شخص قدير اتعاملت معاه
وبأخص بالذكر اسماء كتيره من الاعضاء المسجله مؤخراً
فعلا ناس شرف لاى مكان تتواجد فيه
وللواقع ظروفه وأموره اللى منقدرش نتجاهلها
وعشان كده كان لازم أفكر بشكل جدي
في شاب يمسك إداره الموقع
وانا بتعمد ذكر إسم شاب
لان البنات ماشاء الله محتكرين الرقابه والاداره
دورت ع شخص صاحب رأي وفكر
ويقدر يتصرف ويتعامل ويتحكم في زمام الامور
والى حد كبير حيادي
وميأثرش معاه اى انتماءات ولا تحزبات ولا شلليه
وموجود فترات طويله اونلاين بالموقع
زائد معاه مجموعته اللى بتحب تتعامل معاه ويكون له مؤيدينه
زي الرؤساء كده وانت بتدور على شخص عنده شعبيه كبيره
دا انا لمسته فعلا في
مشرف عالم الرجل والاقسام الرياضيه السابق
محمود

ƧĀƉ_ĿŌ∀Ē






هو خلاص بقى ماسك كل المنتدى مش بس القسمين دول
واتمنى يكون اختياري سليم
وربنا يوفق محمود في مهمته الجديده ان شاء الله
وهو مش هينجح إلا بتعاونكوا معاه طبعا
وياريت يبقى فيه جديه ف التعامل الراجل جاى عشان يشتغل
ولمن لم يعرفه هو شخصيه لها كتابات
في الاقسام الادبيه والاقلام
وحصريات في الاقسام الحصريه الاخرى
مواضيعه بتتكلم عنه بقى زائد انه راجل علم نفس
وهينفعكوا بإذن الله ومع الوقت هتقدروا تستفادوا منه
اما عن الماجيك
فا هتكون له طلات معدوده لغاية بس
ما محمود يتعلم شغل اللوحه ويقدر يتعامل
ووقت ما اشوف دا هاسحب نفسي من الطاقم
وبعد اذن الادارييات البنوتات
معلش ماخدتش رأيكوا في الموضوع
انا كان لازم افكر فيه واتخذ القرار دا بمفردي
عشان عارف رد الفعل وان مينفعش اسيب المكان
وكلام كتير هيتقال احنا في غنى عنه بقى
وقولت اخدها من قاصرها وأعلن دا الشئ دلوقت
الظروف اوقات بتحكم ودا امر واقع
مبحبش لحظات الوداع
بس افتكرونا دايما بالخير

تمت بحمد الله ..
22_1_2016م
.

[جبل عالي]

ايه هتهددنا ولا ايه اماجيكو ؟؟؟

هههههههااااااااي

ياعم مبروووك وعلى بركة الله وكله خير الخير كمان

واحنا ماقلناش حاجة غير اننا فرحانييين ومبسوطييييييين
اها وربناااا مبسووووو طيييييييييييييييين


انا مش مزعلني ولا قاهرني ولا غايظني ف موضوعك ده

الا

اقتباس وميأثرش معاه اى انتماءات ولا تحزبلات ولا شلليه

امووووووت واعرف جبتها منيييييييييييييييييين ؟؟؟؟

[جبل عالي]

هارسووووووووود 23 شافوا الموضوع
ومفيش الا انا اللي رديت

يامراااااااااااااااااااااااااري

ايييييييييييه !!!

[رآقيہ بأخلاقـى]

والله مفيش فى إيدينا حاجة نقولها غير ربنا يوفقك
ويعين محمود ع المسؤوليه الجديدة ويكون قدها
يعنى حتى لو فى اى اعتراض من حد ع اللى حصل
اعتقد انه خلاص السهم نفد واللى كان كان
ربنا يوفقك يا احمد فى كل مخططاتك المستقبليه
وياريت بلاش تنسحب من الادارة يعنى لو ساعه فى اليوم هتدخلها
هتكون كافيه مع مراعاة ظروفك لحد ما تكون متواجد بشكل اكبر

[Words Whisper]

المنطق ان كل واحد له حياته
واللي طبيعي في وقت هيبآ صعب يدخل هنا ..


بالنسبة لي
سعدت بالعمل معاك أ.أحمد
واهو في الآخر اتناقشنا ..


أ.محمود
اتمنى تقوم بالأفضل ..

[۩۩ elMagic ۩۩]

هههههههههه
مالك يا ميس امل ؟
ضحكتيني والله
يجازيكي كل خير بقى
عدلتها التحزبلات دي

[جبل عالي]

اقتباس المشاركة الأصلية كتبت بواسطة ۩۩ elmagic ۩۩ هههههههههه مالك يا ميس امل ؟ ضحكتيني والله يجازيكي كل خير بقى عدلتها التحزبلات دي

مالي ياماجيكووو زي الفل اهوووون

عدلتها بعد ايه بقاااا

ويجازيك انت كمان ياباشاااا

[.Lamar]

ما عندنا اى شك انك بتفكر فى صالح المكان اخى
و احنا كلنا نحب البيت دة يفضل ناجح و مفتوح لينا كلنا
وربى يوفق اخى ساد لاف فى مهمته

الظروف بتيجى علينا كلنا و تأثر علينا
لا بننسحب و لا بنودع المكان
حلو هيكون فيه حدا يساعد معك اخى
لكن ليه الوداع ؟؟؟؟
لمكان حبيته و اعطيته كتير من وقتك وجهدك

[محمود الصاروخ]

في البدايه ربنا معاك يا أحمد في جيشك والدنيا تكون ماشيه تمام

خلينا متفقين بشكل عام ومع احترامي للكل هنا ان فيه أشخاص عموما

لونهم احمر وهما لا يستحقوا هذا اللون نظرا ان مفيش حاجه يقدموها للموقع !

حتي لما بيكون فيه مشكله بتفضل المشكله موجوده لحد ما حضرتك تفتح

وزي ماقولت مع احترامي للكل وهي في النهايه وجهات نظر

أما بخصوص محمود اللي انا واثق ومتاكد منه من خلال معرفتي بيه

انه قادر يثبت نفسه ويطور المكان وكل حاجه تمشي معاه تمام

وربنا معاه في المهمه الجديده واللون الجديد

وتحيا مصر

[حافظة القرآن]

الف مبروك لـ محمود
بالتوفيق ان شاء الله
وربنا يعينه ع المسئولية الجديدة

بس هى الناس كلها بتمشى ليه كدة
الناس القديمة اللى اثرت فى المنتدى وجيت لاقيتهم
يعنى ربنا يوفقك فى حياتك
وكل واحد بيبقى ليه ظروفه اكيد
بس حاول تدخل بردو من وقت للتانى
وجودك اكيد بيفرق فى المنتدى
وبلاش الوداع والحاجات دى

بالتوفيق ان شاء الله