حاجة تضايق ..~

[Lamees]

الحياة صعبة اوي زي ما انتوا عارفين
امبارح شفت مظاهرة كده خفيفة
يعني شوية بنات وستات ماشيين يهتفوا وكده
وبيوزعوا منشورات المهم عطوني ورقة
مشيت اقرأ فيها شوية سلبيات في بلدنا اتعودنا عليهم
بس اللي لفت نظري في السلبيات دي
ان المواطن ممكن يتهان ويتبهدل من اقل عسكري
او أمين شرطة وانه ممكن ياخذ بالقلم على قفاه وكده
الكلام مش بفهموا بحروفه زي ما قرأته
يعني بقول يمكن الناس دي تكون مزوداها شوي وكده
المهم عملت الورقة مركبة صغيرة كعادتي
ورميتها .......
وفي طريقي للعودة للمنزل
وبالتحديد عن موقف الميكروباصات وكده
ماشيين بالعربية لقينا واحد بعربية ربع نقل
داخل مخالف
شارورناله انا وزوجي ان كده مخالف
تقريباً مش من المحافظة ومش عارف الطريق ماشي ازاي
واحد تاني قاله ان كده عكس ومخالف
هو مقدرش يرجع لآن الطريق زحمة جداً
وهو كان معطلنا احنا كمان نكمل طريقنا
المهم كمل في نفس الدخلة الغلط اللي دخلها
وبقى على يميني ووقفه واحد لابس جاكيت جلد
ولقيته بيضربه على وجهه وهو بيتحايل عليه طبعاً
وهو عايز الرخص كنت في الأول مش واخدة بالي انه أمين شرطة
وبعدها عرفت لما خلاه ركن العربية بعد ما سواه ضرب
واخد الرخصة كمان
حاجة آخر أهانة وآخر بهدلة
كنت متغاظة وكنت عايزة انزل من العربية اعرف أمين الشرطة مقامه
طب ليه الأهانة كده كده واخد الرخصة وهيعمل مخالفة
وطبعاً عكس السير بيتكتب في محضرها قتل عمد
يعني دافع دافع مفيهاش كلام
ليه بقى الأهانة والضرب
كل اللي كان صعبان عليا ان شاب يضرب على وجهه
اكتر من انه هيدفع اكتر من 1000 جنيه غرامة
حاجة تضايق مش كده ؟

[۩۩ elMagic ۩۩]

المعامله داخل الميدان العسكري اصعب بكتير واكثر اهانه
ما احنا كنا ف كشف اسيوط
والاسايطه عموما محدش بيطيق يتعامل معاهم هما معروفين بـ دا
وواحد زي مثلا ممكن عياري يفلت واخد في اى حد يزودها تأبيده
وزمايلي كانوا بيقولولى كل ما يحصل موقف جواا
كبر دماغك وخليك رايق خالص
وفعلا كنت بأحاول أمشى أموري وزي ما دخلنا زي ما خرجنا ولله الحمد
المدينه دي مروحتهاش الا عشان كده ومش هتتكرر تانى ان شاء الله
المهم المعامله الميري مش حلوه اصلا في وجه بحري وقبلي
مع ان هما مهمتهم حماية الشعب ولازم يقدروا الناس اللى بيحموها دي
ميبقاش شعارات وكلام واهي مكتوب ع ورق والسلام
وانتى مش تفكري تدخلي ف اى امور محدش هيخسر غيرك وزوجك
ربنا يهدي الاحوال وييسر بقى

[Lamees]

اقتباس المشاركة الأصلية كتبت بواسطة ۩۩ elmagic ۩۩ المعامله داخل الميدان العسكري اصعب بكتير واكثر اهانه ما احنا كنا ف كشف اسيوط والاسايطه عموما محدش بيطيق يتعامل معاهم هما معروفين بـ دا وواحد زي مثلا ممكن عياري يفلت واخد في اى حد يزودها تأبيده وزمايلي كانوا بيقولولى كل ما يحصل موقف جواا كبر دماغك وخليك رايق خالص وفعلا كنت بأحاول أمشى أموري وزي ما دخلنا زي ما خرجنا ولله الحمد المدينه دي مروحتهاش الا عشان كده ومش هتتكرر تانى ان شاء الله المهم المعامله الميري مش حلوه اصلا في وجه بحري وقبلي مع ان هما مهمتهم حماية الشعب ولازم يقدروا الناس اللى بيحموها دي ميبقاش شعارات وكلام واهي مكتوب ع ورق والسلام وانتى مش تفكري تدخلي ف اى امور محدش هيخسر غيرك وزوجك ربنا يهدي الاحوال وييسر بقى

نكدوا علينا ربنا ينكد عليهم
كنت راجعة البيت مبسوطة
خلوني اتضايقت

منور ماجيك

[حازم34]

طبعا اختي الكريمه حاجه تضايق جدا جدا ولو انا ماشي ممكن اركتب جريمه من اجل مواطن بيتهان


ليه كدا


للاسف يا اطياف الاصول الشرطه في خدمه الشعب


اي انها شرطه خدميه

اي انها تعمل كل شئ لصالح المواطن


اما ان مواطن يضرب فو الله ثم والله اجرام بمعني الكلمه


وليه ما يعطيه ورقه فيها المخالفه ويذهب بها الي المرور


للاسف للاسف رجال الشرطه حتي الساعي في قسم الشرطه له كلمه

وكله يا باشا


احنا فعلا مهانين من انفسنا اي من الناس ال عامله نفسها فوق الشعب


انا الان تضايقت جدا

والله

وربنا يحفظك انتي وزوجك وكل شعب مصر من هؤلاء الذين بطريقتهم هذه يؤدوا الي تقويض الحكم


لكي مني التحيه

[الفيلسـوف]

حاجه تحزن فعلا يارونى
المنطق الايام ديه بيقول اننا لازم نعمل حاجه
والحاجه تقتضى المسئوليه وفعلا الظاهر انى
الدنيا بقيت ملخبطه صدقا مش عارف ارد اقول
ايه يارونى لانى اكتر من موقف يحصل كده
ونقول ف النهايه ربنا يحرمنا برحمته

[Lamees]

اقتباس المشاركة الأصلية كتبت بواسطة حازم34 طبعا اختي الكريمه حاجه تضايق جدا جدا ولو انا ماشي ممكن اركتب جريمه من اجل مواطن بيتهان ليه كدا للاسف يا اطياف الاصول الشرطه في خدمه الشعب اي انها شرطه خدميه اي انها تعمل كل شئ لصالح المواطن اما ان مواطن يضرب فو الله ثم والله اجرام بمعني الكلمه وليه ما يعطيه ورقه فيها المخالفه ويذهب بها الي المرور للاسف للاسف رجال الشرطه حتي الساعي في قسم الشرطه له كلمه وكله يا باشا احنا فعلا مهانين من انفسنا اي من الناس ال عامله نفسها فوق الشعب انا الان تضايقت جدا والله وربنا يحفظك انتي وزوجك وكل شعب مصر من هؤلاء الذين بطريقتهم هذه يؤدوا الي تقويض الحكم لكي مني التحيه

بتخيل لو انا كنت مكان الراجل ده وعملت مخالفة
يقدر يعمل معايا كده او حتى يهني بكلمة
معلش كنت وقتها هنزل اوريله مقامه
بكل بساطة الرخصة اهي
والمخالفة اللي انت عايزها اعملها
بكل أدب من أخطأ عليه تحمل العواقب
حصلت معانا من كان شهر في الموجة الحارة في شهر 8
الزجاج الأمامي للعربية اتشرخ لوحده
واحنا ماشيين الرخصة اتسحبت منا
عملنا الزجاج في يومها وتاني يوم عملنا مصالحة
ودفعنا الغرامة
جوزي اصلاً اتنرفز على الظابط لأنه بيتكلم في التليفون ومعطلنا
اخدنا الوصل ومشينا
تقريباً هما بيعملوا حساب وبيصنفوا الناس حسب سيارتهم
ربنا يصلح حالنا

نورت حازم

[Lamees]

اقتباس المشاركة الأصلية كتبت بواسطة ƧĀƉ_ĿŌ∀Ē حاجه تحزن فعلا يارونى المنطق الايام ديه بيقول اننا لازم نعمل حاجه والحاجه تقتضى المسئوليه وفعلا الظاهر انى الدنيا بقيت ملخبطه صدقا مش عارف ارد اقول ايه يارونى لانى اكتر من موقف يحصل كده ونقول ف النهايه ربنا يحرمنا برحمته

فعلاً ربنا يرحمنا برحمته
نورت محمود

[د/ عبد الله]

الشرطة فى مصر بيتعاملو مع الناس ع اساس ان هما الاسياد واحنا العبيد.
وكانت اهانات الشرطة للمواطن من اهم أسباب قيام ثورة يناير
ولحد دلوقتى لسه الاهانات شغاله.
يبقى احنا عملنا ايه بالثورة؟
الثورة حتى الان محققتش مطالبها وكل اللى حصل راح من غير نتيجة.

موقف زى اللى حكيتيه ده لو كان مكان السواق الغلبان ده واحد راكب عربية نضيفه ولابس بدله كان قاله اتفضل يا باشا ولا يهمك.
هقول ايه بس. الكلام كتير بس مفيش منه فايدة.
يبقى الفعل ورفض الذل والظلم هو اللى الحل.

[αЛαstoOorα]

محدش بيقول مفيش سلبيات ف الداخليه ومفيش آهانات
بنسبة قليلة فيه آهانات وحاجات تانيه ..بس دا ملهوش
علاقة بالنظام برضه؟ فساد آمين شرطة آو ظابط آو فرد آمن
ميخليش النظام كله فاسد؟ في سلبيات آكيد ..وفيه حاجات
رجعت زي عصر مبارك آة فيه ..بس صدقيني مش زي زمان برضه
وعامة ..اللي آنا شوفته ف السنة بتاعة مرسي من فوضي وقلة قيمة
وانحراف علني والسير بالسلاح الآبيض ف الشوارع علني
والظابط يكلم سواق ينزل السواق يمسك فيه ويضربه وحاجات غريبة
يخليني آقول محتاجيين للحديه حبه الفترة دي بس آكيد مش بالآهانه
وبقلة القيمة ..ف النظام اكيد فيه آخطاء بس مميزاته مغطيه علي آخطائه
وآخطائه بآذن الله تتعدل

[دمعه حائره]

لسه فيه النماذج دى موجوده وبتسىء للباقيين
ناس معقده وبتطلع عقدة النقص على المواطن المحترم
لازم يكون رادع ليهم عشان يحترموا الناس
تسلمى رونى وماتزعليش نفسك