حال البشر

[شاعر الحب الحزين]

ياللي غرقت ف احزانك والهم والدموع سكانك اسمع آخر خبر

ما آمنت غير للي خانك ولا صنت غير اللي خانك وده حال البشر

ولا عمرك هتعرف اخطائك ولا عمرك هتبطل وفائك لو الكل خان وغدر

ولا أي خبر جديد غير انك هتفضل وحيد ما تيجي سيرتك يوم ف خبر


ماتت احضان الوفا من الهموم القلب اكتفى

ومين يسمع ومين يفهم

محدش بيحس بالتاني اللي بنوفيله ظالم أناني

واللي بنتمناه ف غيرنا بيحلم

اللي بنندم على عمرنا قبله بيخلينا نندم اننا نقابله

وهو ولا على باله ولا بيندم

عن الحزن بنكتب كتير ولو اتصنفنا هنكون أساطير

وبنكدب لما عن الفرح نكتب وقلوبنا بتتألم


شــــــــــــــــــــــــــــــــ . حــــــــــــــــــــــــــــــ

[countess]

انت اختصرت حالة البشرية في سطور

هي غابه صراحه ربنا يكفينا شرها

تقيمي 🌹

[حـيـــــآة ❤]

محدش بيحس بيك غيرك
وللاسف بتآمن لناس بتخونك
بيخونوا بكل حاجه
واحنا احساسنا بالفرح خاننا
نظهر الفرحه ونخبي جروحنا
بس مين بيتعلم؟
تسلم ايدك شاعرنا
دمت بخير دايماً

[فداااااااااااء]

يبقى ابدأ من جديد دور على ما يسعدك تانى واكيد هتلاقى الدنيا مش بتقف على حد

وحياتنا بنتعلم فيها ومنها

افتح صفحة جديدة ومزق القديم بدون ندم

كلمات مؤلمة للشجن الكامن داخلها

سلمت اخى منه واسعدك الرحمن

دمت بسعادة اخى شاعر

[العاشق الذى لم يتب]

والله نصايح جميلة
وانت كل الجمال
مافيش فايدة ياصحبى
تسلم ايدك

[دمعه حائره]

حال البشر اصبح محزن ومخيب للامال فعلا
كلمات رائعه وواقعيه تسلم خالد

[شاعرة الرومانسيه]

اسمع ياخالد مفيش هايحس بجرحك غيرك

ومش هايمسح دمعتك غير ايدك

ومش هتلاقى حد يحضن أحزانك

حب المصلحه هو الموجود

لكن حبك لشخصك غير موجود

احسن شىء اوعى تحسس حد بجرحك

لانه بكدا عرف نقطة ضعفك

وصدقنى هتلاقى الضربه من الى فاكره واقف جمبك

[شاعر الحب الحزين]

اقتباس المشاركة الأصلية كتبت بواسطة countess انت اختصرت حالة البشرية في سطور هي غابه صراحه ربنا يكفينا شرها تقيمي 🌹

ربنا يعدينا منها على خير

تسلمي سارا لتواجدك الاول بين سطوري الصغيرة

بشكرك على تقييمك الجميل

نورتيني واسعدتيني بحضورك الرقيق

ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة حيــــــاة ❤ محدش بيحس بيك غيرك وللاسف بتآمن لناس بتخونك بيخونوا بكل حاجه واحنا احساسنا بالفرح خاننا نظهر الفرحه ونخبي جروحنا بس مين بيتعلم؟ تسلم ايدك شاعرنا دمت بخير دايماً

عندك حق هاجر وعمرنا ما هنتعلم

بشكرك لتفاعلك الجميل وصدق

احساسك في ردك القلبي الطيب

نورتيني واسعدتيني بتواجدك الطيب هاجر

ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة فداااااااااااء يبقى ابدأ من جديد دور على ما يسعدك تانى واكيد هتلاقى الدنيا مش بتقف على حد وحياتنا بنتعلم فيها ومنها افتح صفحة جديدة ومزق القديم بدون ندم كلمات مؤلمة للشجن الكامن داخلها سلمت اخى منه واسعدك الرحمن دمت بسعادة اخى شاعر

وهذا الذي يجب ان يكون حتى وان كانت

الدنيا بحاضرها ليست جميلة فما مضى لم يكن جميلا ايضا


سلمتي فداااء لرقي تواجدك ونقاء تفاعلك

اسعدتيني بتواجدك القيم هنا وردك النقي كشخصك

ربي يوفقك ويسعدك