وروحت برجلي:(

[Dr. AnOosHo]

كل يوم بقاوم وبعافر وبصحى من النوم نفسي مقفول وبكح ولا كاني بضرب بانجو ههههههه

وبرضه كنت بعافر

امبارح بالليل ماما دخلت عليا كنت بكح بغباء صحت بابا ... جه يشوف صدري شاف بقى اني ولعه نار

قال لا نروح المستشفى !!

وانا تعبانه ودور الفكاهه حل عليا بقوله ليه مش انت دكتور ؟

لا شكرا يسيدي مش رايحه حهدى دلوقت بس للاسف صمم وروحت المستشفى اخدت ابر للصبح

وبنت المفتريه الممرضه مفكرة ان دراعي دراع جاموسه ورمت ايدي

يعني مش كفايه اللي انا فيه :@ لا كمان بقه دراعي مش قادرة احركه

ياريتني ماروحت النادي ولا الكورس انا رجعت منهم ضايعه عاااااا

دعواتكم ليا بقه لان الحرارة كمان عملت التهاب حااااد في اللثه

انا محتاجه اغير حاجات كتيييير من السكراب

[Just Ahuman]

ألف سلامه عليكي يا أنووش .. شفاكي الله وعفاكي

[شاعرة الرومانسيه]

ألف سلامه عليكى ياقمر

طيب كنتى اعطينى ألوو والله ايدى خفيفه

موتينى من الضحك على

وبنت المفتريه الممرضه مفكرة ان دراعي دراع جاموسه ورمت ايدي

[توحد ارواح]

الف سلامة عليكي نوشه
باذن الله تخفي كدا بالسلامه
وامورك تتظبط وتبقي تمام

[۩۩ elMagic ۩۩]

خرجتي بردك انا شهادتي مجروحه بقى
ومش هاقول حاجه تانيه هه

[Dr. AnOosHo]

تسلم just ربنا يخليك

امين يتوتو يسمع منك ربنا

اضحكي يشاعرة اضحكي لو وريتك منظر الزرقان بنت الايه الله ينتقم منها

اه والله غصب عني يماجيك مافيش حد يشيل الصيدليه مكاني وطلعت من المستشفى الساعه 11 الصبح روحت الساعه 3 ولسه في الدوام

اكل العيش مر يخويا ههههه ربنا يجعله قي ميزاني بقهه

[الأميرة رودي]

سلامتك يانوشه
الف سلامه عليكي ياحبيبتي
وماتشوفي شر ابدا يارب

[αЛαstoOorα]

الف سلامة عليكي ياننوش
الجو وحش وكلنا مدمريين
انا كمان البرد قاتلني بس
محبش الحقن ^^ باخدها ببقة عامل شبه الآطفال
سلامتك بقة

[.Lamar]

الف سلامة عليكى يا هنا
شفاكى الله و عافاكى يا حبى
معلش التزمى بس بالدوا
وان شاء الله خير

[حـيـــــآة ❤]

الف سلامه هنوشتي
والله الضروره وحشه والجو جميل انا عارفه
ربنا يشفيكي حبيبتي