بعد مباراة الزمالك وسموحه !

[طبيب الهوى]

شوف يا محمود

الزمالك كان الأفضل في الشوط الأول

وأضاع فرصتين أكيدتين امام مرمى سموحة

حتى إصابة طارق حامد

وميدو أخطأ في تبديله بـ معروف يوسف البعيد تماما

عن المباريات منذ فترة طويلة

وبعد تبديل معروف يوسف أصبحت السيطرة كلها لسموحة

وأضاع لاعبو سموحة أكثر من 4 أهداف مؤكدة

قبل هدف عمرو حنفي

وفي الشوط الثاني أخطا ميمي عبد الرازق بتغيير أحمد تمساح

أبرز لاعبي الفريقين في الشوط الأول بلا منازع

وبهذا التغير أعطىَ الافضلية للزمالك في وسط الملعب

وظهرت خطورة الزمالك

ومن وجهة نظري أن تغييرات ميدو داخل الملعب

لم يكن لها أي تأثير لو كان أحمد تمساح موجود

أما عن حمادة طلبة

مش هيكون أول ولا أخر لاعب يضيع ركلة جزاء

أفضل لاعبي العالم أضاعوا بطولات بإضاعتهم ركلات جزاء

أما عن استمرار ميدو

أنا كأهلاوي أتمنىَ استمراره في الزمالك

تحياتي وودي وورودي

أبو عصام

[محمود الصاروخ]

اقتباس المشاركة الأصلية كتبت بواسطة عهود. فعلا تعادل بطعم الخسارة وعلى العموم التعادل لايعني نهاية الدوري لكن لازم الفريق يدرس الاسباب حتى لاتتكرر ويفقد نقاط شكرا

النقطه الان تفرق مع الاهلي والزمالك للخروج في الدور الاول بالصداره
منوراني عهود

[محمود الصاروخ]

اقتباس المشاركة الأصلية كتبت بواسطة just ahuman طبعاً تعادل بطعم الخُساره للزمالك .. المهم ندخُل فى تحليل المباراه المباراه كنتيجه عادله من وجهة نظري بس أنا شايف إن اللي كان بيحصل عندنا بقي بيحصل معاكو بتتعادلو او تكسبو فى آخر المباراه المهم إبراهيم صلاح من نجوم اللقاء ولحد دلوقتي مش فاهم أخونا مرتضي سابو يروح إعاره إزاي مع إني بشوفه من أحسن اللاعيبه فى مركزه فى مصر مش فى الزمالك بس .. رعونه تامه من دويدار فى تنفيذ ركلة الجزاء .. باسم مُرسي مش طبيعي وهفضل أقولها من هنا للسنه الجايه فيه حاجه بتحصل مع باسم فى النادي هي اللى مأثره على أداءه بالشكل الرهيب ده .. وزي ما ذكرت قبل كده ليك أما كنت بكلمك منحدر الأداء فى النازل واللياقه فى الضيااااع .. وقولتلك كمان إن ميدو مش هيفيد الزمالك بحاجه وهيبقي مصيره الإقاله زي آخر مره وأعتقد لو الوضع إستمر على نفس الوتيره الزمالك هيعاني أكتر وهيخسر نقاط كتير فى المباريات المتبقيه وهتبقي الساحه فاضيه للأهلي ليحلق مُنفرداً وطبعاً ده مكانا الطبيعي

متفقين ياحوده ان التعادل عادل بين الفريقين لان سموحه لعبت الشوط الاول
والزمالك لعب الشوط الثاني وكانت نقطة تحول المباراة في إصابة طارق حامد !
بخصوص ابراهيم صلاح ياغالي المشكله مش ف انه مشي أو الافضل أو الاحسن
المشكله ان اول مرة ف حياتي أشوف ادارة نادي بتمشي لاعب من قبل ماتجيب
بديل يسد مكانه والدليل ان حامد اتصاب امبارح ومكنش فيه بديل تخيل لو كان
ابراهيم صلاح موجود ؟ كان هيسد مكان حامد صح ولا ايه ؟ ف دي كانت
نقطة تحول المباراة زي ما قولتلك وكلمتك في الموضوع ده قبل كده

وبخصوص دويدار هي مش نهاية الدنيا ومن قبل ما الكوره تتلعب انا أقسمت
انها هتضيع وبالرعونه دي بس الحمدلله قدر الله وماشاء فعل ووارد جدا ان
أي لاعب في العالم يضيع زي دويدار كده أما بخصوص باسم مرسي ف ده
أمر غريب وعجيب جدا باسم حاسس انه بيمر بأزمة نفسيه أو فيه حاجه
بينه وبين مرتضي المهم ان مرتضي هو السبب في سوء مستوي باسم
ومش عارف هتتفق معايا ولا ايه في الموضوع ده !

إحنا بالفعل اتكلمنا في الموضوع ده ورديت عليك قولتلك ان الزمالك هيقع
وبتخنق من اللي يقولي الاداء بيزيد كل ماتش بس الحق يتقال ميدو الشوط
التاني عمل تغييرات قلبت الماتش بشكل عام أو بمعني أصح تغييرات داخل الملعب
مميزه جدا بس كان المفروض يبدأ صح من الاول ولا ايه ؟ أتمني ميدو
يظبط حاله الفتره الجايه لا الزمالك لو فقط نقط تاني في الدور الاول
كل سنه وانت طيب ...

منور دايما ياغالي

[محمود الصاروخ]

اقتباس المشاركة الأصلية كتبت بواسطة شاعرة الرومانسيه ضياع ضربة الجزاء كانت خساره كبيره ودى غلطه كبيره ان ضربة جزاء تضيع لو كانت اتحققت كانت قلبت الوضع بس ها التعادل احسن من الخساره

انا متفق معاكي ان ضربة الجزاء كانت قلبت الوضع تمام
ولكن خلينا متفقين ان نقطة تحول اللقاء في إصابة طارق حامد
لان مكنش فيه نص ملعب بمعني أصح وكان طبيعي ان سموحه تتقدم بهدف

منوراني حنين ..
وبقينا نشوف ماتشات اهو

[محمود الصاروخ]

اقتباس المشاركة الأصلية كتبت بواسطة ۩۩ elmagic ۩۩ مشوفتش الماتش امحمود احبيبي بس واضح من ملامح طلبه انه ضيع الماتش هو الهدف جابه في نفسه ولا ايه

حماده طلبه زي ما قولتلك كان الراجل في الماتش بمعني الكلمه
ياريت ياعم كل اللاعيبه تكون زي حماده طلبه والله !
وهو اللي سجل الهدف


منور ياغالي

[محمود الصاروخ]

اقتباس المشاركة الأصلية كتبت بواسطة countess افضل محلل رياضي قلت لك قبل كدا لزم القنوات تهتم بواهب تحليل الرياضي بس حب الزمالك يجري في دمك هههههههه لما تبقا محلل عليك تكون محايد بس تشكرات ع مجهوداتك محمود تقيمي 🌹

تسلمي يارب علي ذوقك الجميل ده
منوراني دايما كدة

[محمود الصاروخ]

اقتباس المشاركة الأصلية كتبت بواسطة طبيب الهوى شوف يا محمود الزمالك كان الأفضل في الشوط الأول وأضاع فرصتين أكيدتين امام مرمى سموحة حتى إصابة طارق حامد وميدو أخطأ في تبديله بـ معروف يوسف البعيد تماما عن المباريات منذ فترة طويلة وبعد تبديل معروف يوسف أصبحت السيطرة كلها لسموحة وأضاع لاعبو سموحة أكثر من 4 أهداف مؤكدة قبل هدف عمرو حنفي وفي الشوط الثاني أخطا ميمي عبد الرازق بتغيير أحمد تمساح أبرز لاعبي الفريقين في الشوط الأول بلا منازع وبهذا التغير أعطىَ الافضلية للزمالك في وسط الملعب وظهرت خطورة الزمالك ومن وجهة نظري أن تغييرات ميدو داخل الملعب لم يكن لها أي تأثير لو كان أحمد تمساح موجود أما عن حمادة طلبة مش هيكون أول ولا أخر لاعب يضيع ركلة جزاء أفضل لاعبي العالم أضاعوا بطولات بإضاعتهم ركلات جزاء أما عن استمرار ميدو أنا كأهلاوي أتمنىَ استمراره في الزمالك تحياتي وودي وورودي أبو عصام

أستاذي الفضل والغالي جدا طبيب الهوي منورني أولا ومرورك شرف لي

بخصوص المباراه انا متفق معاك تماما في كل كلمه قولتها
ولكن لابد أن نعلم بأن نقطة تحول المباراه كانت في إصابة طارق حامد
ولا يوجد بديل له في الفريق بالمستوي المطلوب ويلعب في هذه الظروف !

بخصوص ميدو انا أتمني رحيله قبل مباراة القمه
لان لو كان ميدو المدير الفني للزمالك ف مباراة القمه
ف أقدر اقولك مبروك عليكم القمه بنتيجه كبيره !

منورني دايما استاذي طبيب الهوي

[الأميرة رودي]

للاسف ماشوفتش المباراه دى.
بس معاك كأننا نشاهدها بالظبط .
متابعه متميزه كالعاده
تسلم يامحمود