شوربة الخرشوف

[انجي_1]

واحنا قاعدين في البرد وبنشرب حاجات سخنة طول اليوم. وعملنا شوربة عدس.. تعالو نجرب النهاردة شوربة الخرشوف.

عبارة عن ربع كيلو او اكتر "قلوب خرشوف" متنضّف.. بصلة كبيرة.. كباية سبانخ.. عودين كرفس.. كبايتين شوربة او مرقة.. رشة جنزبيل وورقتين نعناع طازة لو عايزين.. ملح وفلفل وطبعا زيت زتون.

هانشوح البصل والكرفس في شوية زيت زتون وعليهم ملح وفلفل لحد مالبصل يصفر شوية.. نحط الشوربة والخرشوف والسبانخ والجنزبيل ونسيبهم يغلو على نار هادية ربع ساعة لحد مالخرشوف يستوي.. نضربهم بالmixer (وممكن مانفرمهاش اوي لو عايزين فيها قطع الخرشوف) ونحط ورقة النعناع في الآخر وخلاااااص.

لو عايزين قوام الشوربة سميك شوية ممكن نزود واحدة بطاطس صغيرة ولو عايزينها خفيف نزود الشوربة. سهلة ومفيدة جدا وخفيفة وممكن نشرب منها كتير طول اليوم لأن مافيهاش كالوريز كتير.. جربوها وقولولنا
.
.
.

[El_Magic]

اسمحى لي ابدي اعجابي بقلمك وتميزك واسلوبك الراقي وتالقك

[اسلام طارق]

شكرا على الموضوع

[انجي_1]

شكرا لمروركم ..