كل اللي بيتقال علينا اشاعات ..

[محمود الصاروخ]

السلام عليكم ورحمة الله وبركاته
--

كتير بنقابل ناس من نوعية إطلاق الاشاعات علي الغير بشكل عام
وكتير جدا بنتعرض للموقف ده وبيطلع علينا اشاعات سواء من صحابنا حبايبنا
وفي مننا اللي غاوي انه يطلع اشاعات علي صاحبه حبيبه قريبه أو أو ..

والاشاعه هنا عموما كلنا نعرف انها شيء ملوش أساس من الصحه
بس من كتر ما الناس بتتكلم فيها وبتنتشر بصوره كبيره انت نفسك بتحس انها حقيقه !
وسواء ان كنت انا اللي بطلع الاشاعه علي حد أو حد بيطلعها عليا أكيد معروفه
ان بيكون الغرض منها الحقد علي الغير أو التقليل منه واكيد اللي هيخليني
اعمل كده مع حد أو حد يعملها معايا بشكل عام النوع ده بالنسبالي حاقد !
كلمة حاقد عموما قليله بس ملقيتش غيرها أقولها ...

والمشكله هنا ان اللي بيتكلم علي غيره ده عمره مايقبلها تماما علي نفسه
ومع ذلك بيتكلم علي غيره وهو عموما عارف انها اشاعه !

الفكره عموما وصلت وعشان مطولش عليكم هاخد رأيكم في الموضوع ده بشكل عام
رأيك في الظاهره الغريبه دي ؟
عمرك اتكلمت علي غيرك وطلعت اشاعات عليه ؟
حد اتكلم عليك قبل كده وطلع اشاعات عليك ؟

--
محمود الصاروخ

[Just Ahuman]

بُص يا حوده أنا بعتبره مرض والإنسان مُروج الإشاعات ده مريض نفسي أو حاقد على الشخص اللى بيطلع عليه الإشاعه

بالنسبه ليا الحمد لله طالما حاجه مقبلهاش علي نفسي بالتالي مقبلهاش علي غيري وربنا يصلح حالنا جميعاً

ومنور قسم النقاش يا حوده

[countess]

ايوه ايوه وكتير بتحصل

انت تكون قاعد في امان الله تسمع كلام عنك انت شخصيا اول مره تسمعه

وبيكون مقول ومحبوك كمان

ف الإشعاعات أغراضها كتير

كلها تعتبر حالات نفسيه يجب العلاج عشان كدا خطر ع مجتمع بحاله

وفيها الطبيعي الي ساعات القواد بيتخذوها في حروب بتكون لصالح القائد ضد العدو

وده مشروع حتى في زمن الرسول عليه افصل الصلاة والسلام

[ابو نصير]

اقتباس المشاركة الأصلية كتبت بواسطة مـح ـ الصاروخ ـمود السلام عليكم ورحمة الله وبركاته -- كتير بنقابل ناس من نوعية إطلاق الاشاعات علي الغير بشكل عام وكتير جدا بنتعرض للموقف ده وبيطلع علينا اشاعات سواء من صحابنا حبايبنا وفي مننا اللي غاوي انه يطلع اشاعات علي صاحبه حبيبه قريبه أو أو .. والاشاعه هنا عموما كلنا نعرف انها شيء ملوش أساس من الصحه بس من كتر ما الناس بتتكلم فيها وبتنتشر بصوره كبيره انت نفسك بتحس انها حقيقه ! وسواء ان كنت انا اللي بطلع الاشاعه علي حد أو حد بيطلعها عليا أكيد معروفه ان بيكون الغرض منها الحقد علي الغير أو التقليل منه واكيد اللي هيخليني اعمل كده مع حد أو حد يعملها معايا بشكل عام النوع ده بالنسبالي حاقد ! كلمة حاقد عموما قليله بس ملقيتش غيرها أقولها ... والمشكله هنا ان اللي بيتكلم علي غيره ده عمره مايقبلها تماما علي نفسه ومع ذلك بيتكلم علي غيره وهو عموما عارف انها اشاعه ! الفكره عموما وصلت وعشان مطولش عليكم هاخد رأيكم في الموضوع ده بشكل عام رأيك في الظاهره الغريبه دي ؟ عمرك اتكلمت علي غيرك وطلعت اشاعات عليه ؟ حد اتكلم عليك قبل كده وطلع اشاعات عليك ؟ -- محمود الصاروخ

حبيب قلبى
محمود
ارق التحايا
من الاخر
من تتيع عوارات الناس تتبع الله عوارته وفضحه وسط اهله
دومت بحفظ الرحمن ودام لنا تواجدك ايها الراقى
وما اجمل ان تناقش هنا اصحاب النفوس المريضه والسيئه من بعض ناس لا يريدون الخير للبشريه
وربنا يهدى الحال ويصلح من انفسنا
اخوك ابو نصير

[شاعرة الرومانسيه]

عن الاشاعات اسألنى انا

ياما جرالى منها حسبنا الله ونعم الوكيل

وتلاقى اقرب الناس ليك هى الى بتزم فيك

بس تعرف يامحمود دى ناس معقده نفسه

وعندهم نقص فى كل شىء

كل انسان عارف نفسه

وعارف عيوبه ومميزاته

اقولك عدم ردك عليهم شىء يتعبهم

تسلم حوده

[life]

لو مش شايف فيك اللي بيميزك عنه
مش هيتكلم عنك
يعني لو انت مش محط اهتمام وغيره مش هتلاقي كلام عنك عكسك
بس مش هيصدقه غير اللي عاوز يصدقه
فمتهتمش غير باللي فيك

[السفيره عزيزه]

ثقة الانسان بنفسة والشخصية القوة تظهر نتائجها
عند تعرض صاحبها للمغرضين والحاسدين.

سمعتش عن حد واثق الخطوات يمشي ملكا.
ولو الدنيا كلها بتتكلم عنة ..يا جبل ما يهزك ريح.
قول موتوا بغيظكم .وبس كدة.

كلنا نتعرض لها احيانا
وان شاء الله وبعونة لم نفعلها ما حيينا
لان دة ضعف ومهانة واحتقار للذات.

ونقول دمت بخير .
وولا يهمك مادمت صح.
وحتى لا تعاتبة ان علمتة
فقط امضي قدما
السفيرة

[حـيـــــآة ❤]

اها حصلت معايا ونازالت بتحصل كتير
مع ان ناس ملهاش علاقه بيك ويروجولك اشاعات برده
بس ده ماهو الا احساس بالنقص لدي مروج الاشاعه
وبراحتهم الله يهديهم ويصلح الحال