"المفتقة"

[انجي_1]

ناس كتير سألوا عن "المفتقة" لأنها بتدفي في الشتا. طبعا فيها حديد وفيتامينات من العسل الأسود والسمسم والحلبة.. لكن برضو مليانة كالوريز او سعرات حرارية. يعني ممكن ناكلها بكميات قليلة وتكون الصبح عشان تدينا طاقة لبقية اليوم. دي طريقة سهلة وسريعة للمفتقة عبارة عن.. كيلو عسل اسود.. نص كباية حلبة مطحونة محوّجة.. كباية زيت او اقل.. معلقتين دقيق.. نص كباية سمسم.. ربع كباية حبة البركة. وممكن تزودو فول سوداني مفروم لو عايزين.

هانسخن العسل عالنار وأول ما يبتدي يغلي نشيله من عالنار ونقلب معاه الحلبة كويس لحد ماتدوب.
هانشوح الدقيق في الزيت وعليه السمسم وحبة البركة والفول السوداني لحد مايتحمّصو شوية.. نقفل النار وبعدين نحط خليط الدقيق على العسل ونقلب كويس لحد مالخليط كله يدوب مع بعض. وخلاااص.
علفكرة في كذا طريقة للمفتقة..
.
.
.
.
.
.

[ندوشه 2011]

يااااااه لذيذه تسلمي مدى ايدك يا شيخه البيت بيتك

[♥○ moOoOoOna ♥○]

تسلمى ياخالتى

بس انا حابه اعرف مربى اللارينج تتعمل ازاى ؟

[سارة بنت مصر]

تسلمي على الطريقه