النشره الاخباريه للستات المفتريه

[طارق طروق]

سيداتي وستاتي اللي قاعدين قدام شاشتنا العامرة
يجعل بيوتكم عامرة
يجعل البط والوز والديوك الرومي ماتفارق تربيزاتكم ابدا
ويبعد عن بيوتكم الفقر والنحس
ويجعل رجالتكو خواتم في صوابعكو الصغننة قولوا آمين
معاكم على الهواء مباشره المذيع المشهور طارق الرخم من قناه الستات والبنات غلابه ومكسورين الجناح
هقولكو موجز الاخبار وهروح اشرب كوباية قهوه واجيلكو بالتفاصيل
خناقة بين عواطف وحسين عشان طلبت زيادة في المصروف عشان المرتب بتاعه زاد فى (الشغل)
يادي الغلب ياولاد
أحمد ضرب منى عشان حرقتله البنطلون
تستاهل البعيدة عامية القلب والنظر
حماة كاميليا جت تزورها راحت كاميليا مكهربة جرس باب الشقة
فكرة مش وحشة برضو
وأخيرا وليس آخرا جوز مايسة جه من السفر لقاها أجرت الشقة مفروش وراحت قعدت عند امها
بعد شوية هجيبلكم التفاصيل أوعوا تروحوا كدة ولا كدة لادبحكم
ايوة انا شرير جدا انتوا ماتعرفونيش

معاكم طارق الرخم أنا روحت شربت القوه وحبست بسندوتشين كفتة وجيت أهو

تعالوا نشوف الاخبار بالتفصيل

جيران عواطف وحسين صحيوا على خناقتهم وصوتهم العالي وبهدلة متبادلة من الطرفين

ال عشان الست عواطف شايفة جوزها مرتبه زاد وهي عايزة زيادة في مصروف البيت

معانا على الهاتف مراسلتنا الحاجة أم محمد من قدام شقة عواطف وحسين

ايوة يا ام محمد

ام محمد انتي سمعاني يختي

الصوت بعيد يا استاذ طارق الرخم

الصوت بعيد ولا انتي اللي انطرشتي

اصلهم يا يا استاذ طارق بيتخانقوا بصوت عالي وانا مش عارفة اسمعك كويس

هما لسة بيتخانقوا يا ام محمد

ايوه لسة بيتخانقوا والجيران ملمومة

طب خلينا نكلم حد من الجيران نسألهم

استني لما استنضفلك حد

تعالي ياست

ياحلاوة انتوا هتطلعوني في التليفزيون

ايوة يختي . كلمي الاستاذ طارق الرخم

ايوة يا استاذ طارق معاك مدام أم ودان

أهلا يا ام ودان احكيلنا سمعتي ايه بودانك

بصراحة احنا زهقنا من الست دي ومن عمايلها السودا

ازاي ازاي احكيلي

كل شوية طلبات طلبات مش بتبطل

وجوزها مش ملاحق على طلباتها

الراجل طلبت منه تدخل العيال مدارس لغات قالها حاضر

اعملنا اشتراك في النادي بدل لعب العيال في الشارع زي المتشردين قالها حاضر

ركبلي تكيف عشان الدنيا حر نار قالها حاضر

غير الطلبات اليومية وكل يوم والتاني تجرجره على الهايبرات وتجيب شنط فيها شيئ وشويات

وبعد ده كله عايزة زيادة في مصروفها كمان

لأ لأ لأ دي كدة ست مفترية ومش تمام إديني أم محمد يا أم ودان

ايوة يا استاذ طارق شكرا يا ام محمد

كانت معكم ام محمد من قلب الأحداث

شكرا يا ام محمد مانجلكيش في حاجة وحشة يختي

والى اللقاء فى حلقه قادمه

الحلقه الجايه ان شاء الله هنشوف حكايه منى اللى حرقت بنطلون زوجها بالتفصيل

كان معكم على الهواء

طارق الرخم

[حـيـــــآة ❤]

ام ودان ههههههههههه
هو انت لازم تبهدل ف الستات
من رايي تعملها ف الخزعبلات عشان الكل يشوفها
منتظره راي ام مناخير الخلقه الجايه هههههه
هي ال شمت الحريقه الي بالبنطلون ههههه
تسلم استاذ طارق

[طارق طروق]

اقتباس المشاركة الأصلية كتبت بواسطة حيــــــاة ❤ ام ودان ههههههههههه هو انت لازم تبهدل ف الستات من رايي تعملها ف الخزعبلات عشان الكل يشوفها منتظره راي ام مناخير الخلقه الجايه هههههه هي ال شمت الحريقه الي بالبنطلون ههههه تسلم استاذ طارق

ههههههههه تسلمى اخت حياه
لا مش باين انى هحكمل الحلقات
مافيش جمهور كفايه ههههههههه
نورتى وشرفتى

[حـيـــــآة ❤]

لا في جمهور بس عشان نكت مش بالحصريات
ف مافيش حد بيدخل نكت كتير اصلا
اسمع مني نزلها ف الخزعبلات
وعيكون في اقبال باذن الله
انت حسك فكاهي ولديك خفه ف الحضور الله يحميك
دمت بخير دائماً🌹

[طارق طروق]

اقتباس المشاركة الأصلية كتبت بواسطة حيــــــاة ❤ لا في جمهور بس عشان نكت مش بالحصريات ف مافيش حد بيدخل نكت كتير اصلا اسمع مني نزلها ف الخزعبلات وعيكون في اقبال باذن الله انت حسك فكاهي ولديك خفه ف الحضور الله يحميك دمت بخير دائماً🌹

اشكرك اخت حياه
ان شاء الله
نورتينى وشرفتينى

[Muhammad_Adel]

ههههههه بجد روعه استمر
ومن وجهة نظري تنفع فقرات مسرحيه كوميديه لفريق جامعي
.
.
ابدعت

[طارق طروق]

اقتباس المشاركة الأصلية كتبت بواسطة muhammad_adel ههههههه بجد روعه استمر ومن وجهة نظري تنفع فقرات مسرحيه كوميديه لفريق جامعي . . ابدعت

اشكرك اخى الفاضل
الاروع مرورك وتعليقك
شرفتنى ونورتنى

[fanaa]

هههههههه
طب الست ام رجل كان ايه رد فعلها
جميله جدا بس فى الخزعبلات افضل عشان يشوفها الاعضاء

[^^khL oUD]

ههههههههههههههه

[ندوشه 2011]

هههههههههههههههههههه انت فظيع