هب انك عينت وزيرا للتعليم

[حازم34]

اقتباس المشاركة الأصلية كتبت بواسطة ۩۩ elmagic ۩۩ الدش بتاع الكتب دا لازم يتظبط الطالب بقى بيحفظ عشان يخش يرصهم ف الامتحان وبيتطلع مش فاهم دا حتى ف الجامعه كله رص طوب وبالتالى المحتوى الدراسي دا لازم يتم النظر فيه مره تانيه ونحط المفيد والمعامل والشغل العملي للطلبه دا لازم يتفعل ومن هنا يظهر أهمية المدارس وان المدرسين يشتغلوا بضمير مش زي ما كان بيحصل عندنا المدرس يدخل يتلم وسط الطلبه اللى بياخدوا عنده درس ويشرحلهم والباقي شايف ومبسوط ومكبر دا ما بيصدقوا اصلا وعشان المدرس يهتم يبقى نمنع الدروس الخصوصيه ويبقى فيه جزاءات وغرامات للى هيخالف وعشان المدرسين تهتم بالمدرسه لازم هنرفع معدلات ومستويات الاجور الشهرية ميبقاش واقع زي دلوقت الناس بتسوى معاش مبكر وتتفرغ للدروس الخصوصيه ! وحاجه بقى بتطبق هتلاقي بتجب حاجه تانيه التعليم عند العرب عايز معجزه اصلا عشان يوصل لمستوى كويس بيحترم العقول البشرية ،، تسلم أ/حازم لموضوعك القيم

اهلين اهلين اهلين اهلين سيدي الوزير ومديرنا الجميل



الله الله علي الفكر الهادف الجميل


حقيقي شئ جميل يسعدني والله


اسعدني مرورك والله وسعدت به فعلا



لك مني خالص التحيه والتقدير


يارب يارب تبقي وزير يارب

[توحد ارواح]

من رايي
تغيير منظومة التعليم من الاساس
يعني التغيير يبدا من الطفولة والتلميذ ف مراحله الاول
حتي يشب فاهما واعيا ويستفيد من المدرسة فعلا
تسلم ع موضوعك المميز
تحيتي

[حازم34]

اقتباس المشاركة الأصلية كتبت بواسطة توحد ارواح من رايي تغيير منظومة التعليم من الاساس يعني التغيير يبدا من الطفولة والتلميذ ف مراحله الاول حتي يشب فاهما واعيا ويستفيد من المدرسة فعلا تسلم ع موضوعك المميز تحيتي

اهلين اهلين اهلين اهلين دكتورتنا الخلوقه ندي


نورتي وانرتي


راي جميل اميل اليه كثيرا ونفسي يكون مدرسوا الابتدائي استاذه بالجامعه


ويبدا الطفل بتعلم اشياء عمليه كثيره



وممارسه كل انواع الرياضه والاهتمام به علي كل الاصعده



اسعدني مرورك كما هو دائما



لكي مني خالص التحيه


مرور جميل

[دمعه حائره]

هالغى سنه ساته وارجع الثانويه سنتين
تفتكر اى وزير بيجى بيعمل ايه غير كدة
وهايعمل ايه الوزير فى ثقافه شعب اتعود على الدروس
ولما قال الوزير هالغيها قامت ثورة عليه
لان مفيش تعليم فى المدارس اصلا
مقتنعين ان التعليم بقا مجرد شهادة
انما عشان تشتغل وتجيب فلوس هاتعمل حاجه تانيه خالص
التعليم محتاج معجزة ووزير سوبر مان
تسلم على النقاش

[حازم34]

اقتباس المشاركة الأصلية كتبت بواسطة دمعه حائره هالغى سنه ساته وارجع الثانويه سنتين تفتكر اى وزير بيجى بيعمل ايه غير كدة وهايعمل ايه الوزير فى ثقافه شعب اتعود على الدروس ولما قال الوزير هالغيها قامت ثورة عليه لان مفيش تعليم فى المدارس اصلا مقتنعين ان التعليم بقا مجرد شهادة انما عشان تشتغل وتجيب فلوس هاتعمل حاجه تانيه خالص التعليم محتاج معجزة ووزير سوبر مان تسلم على النقاش

اهلين اهلين اهلين وهلا وغلا ومرحبا وزيرتنا الخلوقه منه


نورتي والله وانرتي


الله الله علي ردك الواعي الفاهم لكل مدارك الامور



يارب يارب تكوني وزيره يارب


اسعدني مرورك كتير


لكي مني خالص التحيه والتقدير


مرور جميل

[د/ عبد الله]

طبعا التعليم هو أهم نقطة يرتكز عليها تقدم المجتمع
وده اللى بلدنا مش قادرة تفهمه.

أنا لو بايدى القرار:

أول حاجة تغيير شامل للمناهج اللى بتُدرس من الابتدائى للجامعه وإبدالها بمناهج تخدم المتعلم فى حياته مش مجرد حشو فى كتب وحاجات ملهاش أى لزمه

ثانيا أرجع للمعلم هيبته وأرفع من شأنه ودوره
يعنى المدرس دوره مش أقل أبدا من دور القاضى اللى بياخد أضعاف مضاعفة لراتب المدرس
بل بالعكس المدرس دوره أهم.
يبقى اديله مرتب عالى يكفيه عن حاجته لاعطاء دروس خاصة ويبقى الوسيلة الوحيدة للتعلم هى المدرسة
ويبقى فيه نسبة محدده للغياب لو الطالب تعداها يٌفصل أو يعيد السنة وتطبق القوانين بكل صرامه بدون محسوبية

ثالثا ألغى نظام التنسيق ويبقى دخول الجامعات حسب الرغبة
يعنى اللى عايز يدخل طب يروح يقدم فى كلية الطب ويبقى فيه اختبارات لكل كلية بتحدد بيها تقبله ولا لا
ولا أقولك بلاش الطب أصل دلوقتى الدكاتره بيتضربوا ويتداس عليهم بالجزم ويتحاربو ويتهددو كمان.
وتبقى اختبارات كلية التربية من أشد وأشمل الاختبارات
يعنى تشمل اختبارات علمية وأدبية ونفسية وثقافية وميكونش فيها أى تهاون
يعنى اللى يدخل كلية التربية هما صفوة المجتمع اللى بيتمتعو بالثقافة والعلم والأدب والأخلاق
عشان يقدرو يطلعو جيل واخد من صفاتهم دى.