شكلك ايه؟

[د/ عبد الله]

" إذا رأيتُم الرجلَ يعتادُ المساجدَ, فاشهدوا له بالإيمان"

أمرُ نبوىٌّ ممن لا ينطقُ عن الهوى بأن نحكمَ على الناسِ بما نراه.

يعنى لما أشوف واحد بيصلى كل الصلوات فى المسجد أشهد له أنه مؤمن
لكن الإيمان درجات وبيزيد وينقص.
يعنى ممكن فى تعامله مع الناس يكون مش كويس , هنا إيمانه بيقل
وممكن فى أوقات الإيمان ينتفى تماما, زى ما قال الرسول:
"لا يزنى الزانى حين يزنى وهو مؤمن"

وممكن يكون منافق وبيصلى عشان الناس تقول عليه بيصلى
لكن احنا مش هنعرف اللى فى قلوب الناس
عشان كده كان الحكم بالظاهر لينا وبس والله يتولى السرائر.

طيب....

لما أشوف واحدة لبسها مش حلو ومبينه جسمها أو لابسه لبس ضيق مجسمها, أنا أحكم عليها بايه؟
اللى ظاهر لى أنها معندهاش حياء
وهحكم عليها أنها غير محترمة وأهلها سايبينها ماشيه براحتها

فميجيش واحد يقولى فيه بنات بتلبس كده بس محترمين جدا,
طيب هو الاحترام ده مش بينعكس على المظهر؟

الشاب اللى كل كلامه شتيمه وكلام يجرح الحياء وحركات غريبه
أنا لما أشوفه وأسمعه هاخد عنه فكرة انه واحد مش محترم

والأفكار اللى بناخدها عن الناس فى موقف بتثبت فى عقولنا
وبناخد فكرة عن الشخص ده انه زى ما شوفناه كده
مع انه ممكن ميكونش كده على طول لكن أنا شوفته كده

المظهر والجوهر
وجهان لعملة واحدة
يعنى جوهرك بينعكس على مظهرك, والمظهر يشمل كل ما هو مرأى ومسموع للناس, اللبس , الكلام , التصرفات...

ممكن حكمى ع الشخص من خلال موقف معين يكون حكم خاطئ
لكن احنا كبشر طبيعتنا الحكم ع الناس من أول موقف نتعامل فيه معاه

فياريت تدى صورتك الحقيقية للناس من خلال مظهرك.

لكن لو خدت فكرة عن شخص من موقف معين, هل عندك استعداد
تغير الفكرة دى لو شوفت منه حاجه عكس اللى شوفته قبل كده؟

[SaMa.]

تيب وليه. نحكمو ع الناس منسيب كل واحد ف حالو
ربنا الل بيحاسب
انتا تدور ورا اخلاق الل يهمك او هاتصاحبو او ترتبط بيها. تناسبك ولا لأ
ملناش دعوة دي لابسه ايه ولا ده بيقول ايه
وايون فيه ناس لابسه ع الموضه واخلاقهم. انضف من ناس
تانيه كتير. بيبينوا انهم محترمين

[حازم34]

الف تحيه وتعظيم سلام لدكتورنا عبد الله


نورت والله القسم بتوبك جميل فيه كلام جميل


نعم اننا نحكم علي الناس بالمظهر


وليس لنا الا ذلك والله يتولي السرائر


ولكن ممكن احكم علي شخص في موقف ما بحكم


وليس من السهوله اغيره


ولكن ممكن ياتي التغيير بعد فتره

اذا حسين منه مواقف اخري جميله


تسلم والله دكتورنا واخي الحبيب نورتنا والله


لك مني خالص التحيه ووالود

[العاشق الذى لم يتب]

كل معون ينضح بمافيه
دى الخلاصة
كل الشكر
دكتورناالراقى
تحياتى

[د/ عبد الله]

اقتباس المشاركة الأصلية كتبت بواسطة sama. تيب وليه. نحكمو ع الناس منسيب كل واحد ف حالو ربنا الل بيحاسب انتا تدور ورا اخلاق الل يهمك او هاتصاحبو او ترتبط بيها. تناسبك ولا لأ ملناش دعوة دي لابسه ايه ولا ده بيقول ايه وايون فيه ناس لابسه ع الموضه واخلاقهم. انضف من ناس تانيه كتير. بيبينوا انهم محترمين

أهلا وسهلا سما

لو ركزتى فى كلامى هتلاقى انى قلت اننا لينا الظاهر والله يتولى السرائر .
يعنى احنا مش هنحاسب حد

وأكيد احنا بنقابل كل يوم ف حياتنا ناس وبنتعامل معاهم وهنتعامل معاهم على أساس الاعتقاد
اللى خدناه عنهم
سواء ف الشغل أو الدراسة أو الحياة الاجتماعية

أما بالنسبة للناس اللى بتلبس ع الموضة( مع تحفظى على كلمة موضة) واللى أخلاقهم أحسن من
ناس بتدعى الاحترام,
فالناس اللى بتدعى الاحترام, إما انك شايفه منهم مواقف بتدل على احترامهم وكده يبقو محترمين
أو انك شوفتى منهم حاجه عكس كده ويبقو مش محترمين
أو انهم ناس كويسين وبيحصل منهم بعض الغلطات زى كل البشر

زى ما اللى لابسه ع الموضه فيها الكويس والوحش
لكن أكيد لبسها اللى مش محتشم ده غلط بس عندها حاجات تانيه حلوة

تحياتى ليكى

[د/ عبد الله]

اقتباس المشاركة الأصلية كتبت بواسطة حازم34 الف تحيه وتعظيم سلام لدكتورنا عبد الله نورت والله القسم بتوبك جميل فيه كلام جميل نعم اننا نحكم علي الناس بالمظهر وليس لنا الا ذلك والله يتولي السرائر ولكن ممكن احكم علي شخص في موقف ما بحكم وليس من السهوله اغيره ولكن ممكن ياتي التغيير بعد فتره اذا حسين منه مواقف اخري جميله تسلم والله دكتورنا واخي الحبيب نورتنا والله لك مني خالص التحيه ووالود

تسلم دكتورنا الغالى يا أبو كلام حلو

من واقع الحياة شايف ان تغيير الحكم على شخص بيبقى صعب وبياخد فترة طويلة قوى
يعنى زى ما بيقولو الانطباع الأول يدوم
لكن أنا شايف انه مش صح دايما ولازم نحاول نغير رأينا ده لو شوفنا تغيير.

تحياتى ليك دكتورنا

[د/ عبد الله]

اقتباس المشاركة الأصلية كتبت بواسطة العاشق الذى لم يتب كل معون ينضح بمافيه دى الخلاصة كل الشكر دكتورناالراقى تحياتى

أهلا ومرحبا بصاحب النشاط والسباق دايما بالتعليق
نورتنى يا رفعت

فعلا أنت جبت الخلاصة: كل إناء ينضح بما فيه.

ولو شكل الإناء قذر أكيد هقرف من المياه اللى فيه ومش هرضى أشربها حتى لو كانت نضيفه

لكن أنا خدت عنها فكرة انها قذرة.

وأكيد المياه هيطولها من القذارة اللى ع الكوباية

تحياتى ليك رفعت

[السفيره عزيزه]

اللهم اجعل سرنا خير من علانيتنا
نعم سيدي علم الانسان عند الحكم على اخر من
خلال ما وقعت علية عيناة والسرائر يتولها الله
ويكن يظل حكما شوية منقوص ...اتذكر موقف لسيدنا
عمر رضوان الله علية .عندما سمع رجل يستشير رجل اخر
فى امر يخص ابنتة فقد تقدم لها خاطبان فاشار علية باحدهما
وسيدنا عمر يسمع فحتج وقال لعلك رايتة فى المسجد قائم
يصلى .هل عاملتة بالدرهم والدينار او صاحبتة فى سفر
لتظهر اخلاقة ........او قريب من المعنى دة.

المظهر مهم والجوهر اهم ..والمظهر هو اول ما تقع
علية العين ..ياااارب استرنا يارب ونكون بخير
من الظاهر والباطن .

احترامي سيدى وتقديري

دمت بخير
السفيرة
علية وسلم

[الأميرة رودي]

صدقت فى مقولتك
المظهر هو انعكاس للقناعه والمبادئ والقيم الشخصيه
التربيه كمان لها دور أساسي فى تكوين شخصيه اﻻنسان
مش بعترف ببنت تلبس لبس غير ﻻئق بأخلاقنا وديانتنا اﻻسلاميه وتيجى تقول اللى بينى وبين ربنا أقوى من اللبس والمظهر.
انتى بتدمري علاقتك بربنا اصلا باللبس ده.
بنت تقعد فى كازينو وتشرب شيشه وتقول ده تحرر وتحضر مش عارفه انى دى قمه الخلل اﻵخلاقي اللى وصلتله من غير ماتشعر.
موضوعك قيم كالعاده أ/عبدالله
مشكور اخى

[دمعه حائره]

موضوع مهم وخطير ويكثر فيه الشرح والتحليل
فالحكم عن النوايا ليس بالهين واتخاذ المظهر دليل ليس بالسهل
لكنه يلعب دور اساسى فى سرعه اتخاذ الانطباع الاول عن الشخص
المظهر بيعكس اساسيات التربيه وده بيكون واضح فى اى شئ غير مالوف
فهناك بعض المجتمعات المتحررة لا تربط المظهر بجوهر الشخصيه
وهناك من يجعلها فى المركز الاول حتى لو الداخل يفتقر للاداب العامه
لكن هناك اسس لا يختلف عليها احد سواء فى اللفظ او المظهر
تسلم موضوع قيم