هاتولي حبيبتي بتاعت زمان ..!!

[محمود الصاروخ]

هاتولي حبيبتي بتاعت زمان
اللي معاها عرفت معني الحنان
واللي معاها حسيت بالامان

هاتوها وكفايه بقي الغياب
هاتوها ده انا قلبي داب

هاتوها عشان ماينفعش كل البعد ده
هاتوها عشان ماينفعش بينا كل ده

هاتوها ده انا ماشي ألف عليها في كل البلاد
هاتوها اللي قلبها ميعرفش دايما غير العناد

تعبت ومش عارف أشتكي لمين
انا قلبي عاشقها من سنين وسنين

في قلبي ليها شوق وحنين
بس مش عارف هي راحت فين

هاتولي حبيبتي اللي نفسي أشوفها عن قريب
هاتوها وكفايه النار في قلبي كل يوم تأيد
مانتوا لو تعرفوا حبي ليها مش هتخلوها عني تغيب

هاتوها وانا اعمل كل اللي يرضيها
يشهد ربي اني عايش بس ليها

هاتوها وانا ب كل حياتي افديها
ده انا حياتي ماتنفعش غير بيها

لو شوفتوها قولولها انا هعمل كل اللي تؤمر بيه
بس تيجي وانا اعملها كل اللي تقول عليه !


( محمود الصاروخ )
الخميس - 11 فبراير 2016

[شاعرة الرومانسيه]

الله الله ايه الجمال ده

اول مره اعرف انك بتحب حد غير الكوره

كلمات رائعه محمود

[توحد ارواح]

فعلا كلمات بسيطه تمس القلب
دام نبض قلمك
تحيتي

[بنت روشه وعامله دوشه]

الامر لله محمود
ولكن احييك على كلماتك الجميله
واصل

[SaMa.]

حلو الحب لما يبقا بشكل ده وكلامك جميل...

[ترانيم]

روووووووووعه وكلامك جميل
بس يارب هي تسمع وتحس بيك
وتبطل عناد وترجع في الميعاد
يسلم قلمك محمود

[واد حبيب]

هيه راحت فين يا محمود وانا ادورك عليها
كلمات جميله منك يا برنس والله
تسلم الايادي

[السفيره عزيزه]

ان شاء الله ترجع لوحدها من غير ما حد يقول لها.
بس ما تمل ونادي عليها وحبك اكيد هيوصل لقلبها
وهى تلاقي فين بس حد يخلص وبكل كيانة يحبها
صدقنى هي هترجع لوحدها
وهيفيض بيها صبرها
وهتسلم لله امرها
وترمي بعيد عندها
نادي بس وبكرة يجبها قلبها

تمنياتى بكل خير
احترامى وتقديري
السفيرة

[سوسن بدر]

طرح متميز جداااا

[محمود الصاروخ]

اقتباس المشاركة الأصلية كتبت بواسطة شاعرة الرومانسيه الله الله ايه الجمال ده اول مره اعرف انك بتحب حد غير الكوره كلمات رائعه محمود

حاجه بسيطه كده حنين هنيجي جنبكو ايه يعني


تسلمي علي مرورك الأجمل
منوراني