روحي عاشقاكي

[شاعر الحب الحزين]

لا بشوفك ولا بقدر ألمسك وأضمك

معرفش ف حياتي غير صورتك واسمك

لا بتكلميني ولا بكلمك

واخاف ابقى بصمتي بظلمك

بقيت ف خيالي لوحدك برسمك

من أول ما كلمتيني شغلتيني صاب قلبي سهمك

لا يوم قدرت احكيلك عن حزني

ولا ف عز اشتياقي قدرت اخدك فحضني

ولا عايز منك غير كلمة تريح قلبي وتطمني

جمالك ما يهمنيش كلمة حلوة تحسسني إن مشاعري بتهمك

ولا مرة ندمت إني اخترتك وحبيتك

وانا مهما بنسى ناس عمري ما نسيتك

أتعب واحزن منك بكل حاجة فديتك

حب ما قرأتهوش ف رواية بقى حكاية بره حساباتك وعلمك

روحي عاشقاكي قلبي معاكي عنيا اللي مش شايفاكي

مش شايفة غيرك مش عايزة غيرك روحي هايمة فيكي نفسها تضمك

[العاشق الذى لم يتب]

وايه اللى يخليك
ماتشوفهاش وماتضمهاش
ليه تبعد عن حبيبتك وماتلمسهاش
ليه تعمل كده ياخلودة ليه الاسية دى
يسلام على كده وجمال كده
وزعبلتنى من كده خالص

[شاعر الحب الحزين]

اقتباس المشاركة الأصلية كتبت بواسطة العاشق الذى لم يتب وايه اللى يخليك ماتشوفهاش وماتضمهاش ليه تبعد عن حبيبتك وماتلمسهاش ليه تعمل كده ياخلودة ليه الاسية دى يسلام على كده وجمال كده وزعبلتنى من كده خالص

هههههههاي

مش بإيدينا حكم واتفرض علينا

نعشق اللي بنحبه من غير ما تشوفه عنينا

تسلملي يا رفعت يا جميل انتا

نورتني واسعدني وجودك وتفاعلك الطيب

ربي يوفقك ويسعدك

[فداااااااااااء]

الأمر وصل لمداه بقى هههه
جميل هو نبضك اخى شاعر
احساس عالى بين سطورك
وتناغم يحيط بيها
سلمت اخى ودام رقيك
واسعدك الله بمن تحب

[شاعر الحب الحزين]

اقتباس المشاركة الأصلية كتبت بواسطة فداااااااااااء الأمر وصل لمداه بقى هههه جميل هو نبضك اخى شاعر احساس عالى بين سطورك وتناغم يحيط بيها سلمت اخى ودام رقيك واسعدك الله بمن تحب

هههههههاي

الأجمل هو حضورك المبتسم فداااء

امتناني لروعة تواجدك وصدق ردك فداااء

أسعدتيني حضورا وقولا فدااااء

ربي يوفقك ويسعدك

[fanaa]

الاشتياق لحد غالى صعب

كلمات جميله شاعر

[شاعر الحب الحزين]

اقتباس المشاركة الأصلية كتبت بواسطة fanaa الاشتياق لحد غالى صعب كلمات جميله شاعر

اكيد صعب بس مادام الحب موجود

الصعب بيهون

تسلمي فنا الأجمل تواجدك

أسعدتيني بردك وحضورك الرقيق

ربي يوفقك ويسعدك

[حازم34]

هو دا الحب وحلاوته والاشتياق وجماله


يجعل قلمك يتحرك ويكتب ال جواه وهواه وكل عشقه في حبيب القلب



حبيب لم تراه العين وتسعي لرؤياه وتسعد بيه وتتمني حضنه والهيام بيه


هو دا الحب والصدق ظاهر فيه


ما تقلق شاعرنا الجميل الحب الجميل دا ان شاء الله هيكتمل باجمل لقاء


لقاء الارواح قبل الاجساد وفيه تشعر بجمال الحب


الله علي كلماتك الجميل والسحر باين فيها


والله اسعدني المرور علي كلماتك الجميله


لك مني خالص التحيه والموده والتقدير




مبدع دائما

[دمعه حائره]

ده عشق الروح اللى كله اخلاص ووفاء
عبرت عنه باروع الكلمات تسلم خالد

[شاعرة الرومانسيه]

ايوه يا خالد عشق الروح هو الى باقى

ياما ناس عايشه مع ناس لا حساها ولا عيونهم شيفاها

وقلوب عاشقه قلوب وكأنها بالروح لمساها

كلمات رائعه شاعرنا