بعد مباريات اليوم في الدوري المصري

[محمود الصاروخ]

اقتباس المشاركة الأصلية كتبت بواسطة عهود. مبروك للزمالك والقادم احسن وافضل والمنافسة سترجع وحتحلو اكثر واكثر شكرا

الله يبارك فيكي عهود
بالتوفيق لزمالكنا فيما هو قادم
منوره دايما

[سَـلمَى]

يامحمود أنا عارفة إنه موضوع قانوني وأعرف قوانين الفيفا كويس
لكن أنا قلت القضية متهمنيش أنا شخصيا وانا غسلة إيدي أصلا
من إتحادة الكورة ومجلس إدارة الأهلي
ال يهمني اللعيبة والكيان وشعار الأهلي وجمهوره فقط ..

وكمان إنت عارف إن إتحاد الكرة عندنا ماشي عل هواه
وإدارة نادي الزمالك والأهلي كمان

وإذا كان في مجاملات فالزمالك لا يخلو منها كمان خاصة وإن في
واحد إسمه مرتضى منصور عندكم ..

وأينعم أنا مش متابعة موضوع الملعب ده وممكن يكون الحق معاك
بس لازم تعرف إن في ظل ظروف الكورة عامة في مصر محدش بيلام
غير إتحاد الكورة ..

وبالنسبة لموضوع الدقايق ال مزعلك أوي ده ههههه
مبارة عن مبارة وحكم عن حكم وفريق عن فريق وظروف عن ظروف تفرق
11 دقيقة ضاعت والحكم إحتسب 9 دقايق وممكن يعملها ووارد جدا في الزمالك
ده غير التعمد الواضح من لعيبة المحلة في إضاعة الوقت ..

بالنسبة للطرد اللاعب قاصد يشيل الكورة بإيده يامحمود وكان باين -_-
هو فيها إقناع أكتر من كدا ؟!

وكمان لنفرض إنه طرد مش صحيح نعديها
.. الأول كان صح .. وهما دافعو بشكل صح
والأهلي مستغلش ده ..
برغم إن رمضان جاب الجون في وسط زحمة مدافعين

قلتلك لكل فريق ظروفة .. أيون إنتو عندكو ظروف بس مش لوحدكم
والأهلي الموسم ال فات كانت ظروفه لا يحسد عليها
ومازال في ظروف الأدارة السيئة والإعتماد عل الكابتن زيزو ال وجوده مش أمان
ده غير اللعيبة ال إتعاقدنا معاهم وجالسين عل الدكة واللعيبة
ال في الملعب مفروض تقعد عل الدكة .. واللعيبة ال مشيت
تخبطات كتير وروح منخفضة وتشكيلة مش راضية تتغير ومفيش جمهور خلت الأهلي بالشكل ده

والزمالك أكيد موضوع تغير الجهاز الفني أثر عليه لكن ميدو أساسا لو
كان كمل مكنش هيوصل بالزمالك لبعيد وطول ما عندكم مرتضى بردو مش هتوصلو :d

بص موضوع نص الملعب ما نص الملعب ده حاجة راجعة للمدرب وميدو فشل فيها رغم وجه نظره
وإنتهى ..

ياسيدي الزمالك ممتاز مقلناش حاجة وفعلا الموسم ال فات كان ماشي صح بس فعلا لو 2 ال بتكلم عنهم طلعو هتشوف زمالك تاني .. ده وهما موجودين بردو الزمالك مش باين ..

ظروف الأهلي من بداية الموسم كانت لمصلحتكم بشكل كبير

فيريرا كان كويس معاكم ؟؟ اها ماشي

اممم استعدو روح الإنتصار .. طيب خير إن شاء الله بالتوفيق ههههههه

وايوا صح الكورة مش إستحواذ وبس معاك طبعا
وده ال خلاه يكون في تعادل في المباريتين
لكن كمان الكورة مش دفاع بس ولا هجوم بس

ده غير الفرق لما تواجه الأهلي حاجة وتيجي تشوفها مع فريق تاني حاجة تانية ..


لكل مبارة مقال ..

حكم القمة كان جيد نوعا ما لكن أظن المصري كان هيبقى حامي أكتر ومنتبه
يعني خاصة موضوع البطاقات ال شكينا إنه نسيها في البيت هههه
لو المصري مكنش فوت وقعة إلا بكرت
عشان كدا ممكن المبارة عدت بهدوء لكن كان ممتاز في حجات ونايم حجات كتير بصراحة

انا مش ممتازة في تحليل الدوري المصري زيك خاصة إني مش متابعة الأيام ده الأخبار الخارجية
يادوب متش الأهلي وأقفل ..

عشان كدا أكيد كلام ممكن يكون صح .. لكن أكيد كمان نظرتي للملعب مش غلط

وزيي ما قلت أحلى حاجة إن المنافسة رجعت وده ال بيحلي أي دوري
وإن شاء الله تستمر لحد النهاية والأهلي يفوز في الأخير :d

والدوري مازال طويل والأهلي حديد وال جاي أحلى إن شاء الله إحم ..

وشكرا ^-^

[الفيلسـوف]

تعليقا ع ماتم ذكره ازيك ياصاروخ منور كلمه مجامله اتحاد الكوره الى الاهلى بس ياحوده علشان ماابقى متعالى شويه ف الحته ديه ومتعصب انته عارف وانا عارف انى ادار ه النادين اداره سورى معلش ان كان ع مجامله اتحاد لكوره التاريخ مليان بااوراق برده للزمالك يامحمود فبلاش نتطرق للحته ديه لانك حتكون خسران اما نقطه 11 دقيقه محمود انته اكتر واحد عارف ولو جبت واحد مش بيفهم كوره وشاف الماتش يتلقى تعمد لاعيبه غزل المحله لاضاعه الفرص اما بالنسبه للوقت السجل موجود والاحصائيات موجوده الى اخد بيها الزمالك وقت كتير والتاريخ مفتوح لذكر كثير عن اتحاد الكوره مع الزمالك ولكن خلينا متفقين انى ادارهالاهلى والزمالك اداره غير سويه واتحاد الكوره برده نفس القصه ومبروك للزمالك ياحوده دمت بود

[Just Ahuman]

هرجع وأقوك برضو أنت مش حيادي يا حوده والله ولا عمرك عايز تنسي إنك مشرف القسم وترمي إنتمائك على جنب .. شكلك كنت بتتفرج على ماتش تاني يابني شوف كام إنذار وإكرامي وقع قعد ولاعيبة المحله اللى كل شويه واحد يمسك الأماميه وشويه واحد يمسكله الخلفيه .. وده ميمنعش إننا لعبنا إمبارح مباراه من أسوء مبارياتنا .. وزي ما حوده ذكر اللي بيته من إزاز ميحدفش الناس بالطوب وإبقي أخوك ضاضا هيقولك .. الأخ رئيس لجنة الأنديه اللى الدنيا كلها بتوجب معاه هههههههههههههههاى

وإحمدو ربنا إنكو عديتو من أسوان إمبارح أصلاً الماتش الشوط التاني كله بتاعهم ده الإستحواذ كان 58% ليهم ده غير جنش اللى شال أكتر من أربع أهداف مؤكده إمبارح .. وإن شاء الله الوضع مش هيستمر بالشكل ده كتير وهتكون بداية الرجوع فى مباراة المصري بالنسبه للأهلي وإهدي هه إهدي

[محمود الصاروخ]

اقتباس المشاركة الأصلية كتبت بواسطة سَـلمَى يامحمود أنا عارفة إنه موضوع قانوني وأعرف قوانين الفيفا كويس لكن أنا قلت القضية متهمنيش أنا شخصيا وانا غسلة إيدي أصلا من إتحادة الكورة ومجلس إدارة الأهلي ال يهمني اللعيبة والكيان وشعار الأهلي وجمهوره فقط .. وكمان إنت عارف إن إتحاد الكرة عندنا ماشي عل هواه وإدارة نادي الزمالك والأهلي كمان وإذا كان في مجاملات فالزمالك لا يخلو منها كمان خاصة وإن في واحد إسمه مرتضى منصور عندكم .. وأينعم أنا مش متابعة موضوع الملعب ده وممكن يكون الحق معاك بس لازم تعرف إن في ظل ظروف الكورة عامة في مصر محدش بيلام غير إتحاد الكورة .. وبالنسبة لموضوع الدقايق ال مزعلك أوي ده ههههه مبارة عن مبارة وحكم عن حكم وفريق عن فريق وظروف عن ظروف تفرق 11 دقيقة ضاعت والحكم إحتسب 9 دقايق وممكن يعملها ووارد جدا في الزمالك ده غير التعمد الواضح من لعيبة المحلة في إضاعة الوقت .. بالنسبة للطرد اللاعب قاصد يشيل الكورة بإيده يامحمود وكان باين -_- هو فيها إقناع أكتر من كدا ؟! وكمان لنفرض إنه طرد مش صحيح نعديها .. الأول كان صح .. وهما دافعو بشكل صح والأهلي مستغلش ده .. برغم إن رمضان جاب الجون في وسط زحمة مدافعين قلتلك لكل فريق ظروفة .. أيون إنتو عندكو ظروف بس مش لوحدكم والأهلي الموسم ال فات كانت ظروفه لا يحسد عليها ومازال في ظروف الأدارة السيئة والإعتماد عل الكابتن زيزو ال وجوده مش أمان ده غير اللعيبة ال إتعاقدنا معاهم وجالسين عل الدكة واللعيبة ال في الملعب مفروض تقعد عل الدكة .. واللعيبة ال مشيت تخبطات كتير وروح منخفضة وتشكيلة مش راضية تتغير ومفيش جمهور خلت الأهلي بالشكل ده والزمالك أكيد موضوع تغير الجهاز الفني أثر عليه لكن ميدو أساسا لو كان كمل مكنش هيوصل بالزمالك لبعيد وطول ما عندكم مرتضى بردو مش هتوصلو :d بص موضوع نص الملعب ما نص الملعب ده حاجة راجعة للمدرب وميدو فشل فيها رغم وجه نظره وإنتهى .. ياسيدي الزمالك ممتاز مقلناش حاجة وفعلا الموسم ال فات كان ماشي صح بس فعلا لو 2 ال بتكلم عنهم طلعو هتشوف زمالك تاني .. ده وهما موجودين بردو الزمالك مش باين .. ظروف الأهلي من بداية الموسم كانت لمصلحتكم بشكل كبير فيريرا كان كويس معاكم ؟؟ اها ماشي اممم استعدو روح الإنتصار .. طيب خير إن شاء الله بالتوفيق ههههههه وايوا صح الكورة مش إستحواذ وبس معاك طبعا وده ال خلاه يكون في تعادل في المباريتين لكن كمان الكورة مش دفاع بس ولا هجوم بس ده غير الفرق لما تواجه الأهلي حاجة وتيجي تشوفها مع فريق تاني حاجة تانية .. لكل مبارة مقال .. حكم القمة كان جيد نوعا ما لكن أظن المصري كان هيبقى حامي أكتر ومنتبه يعني خاصة موضوع البطاقات ال شكينا إنه نسيها في البيت هههه لو المصري مكنش فوت وقعة إلا بكرت عشان كدا ممكن المبارة عدت بهدوء لكن كان ممتاز في حجات ونايم حجات كتير بصراحة انا مش ممتازة في تحليل الدوري المصري زيك خاصة إني مش متابعة الأيام ده الأخبار الخارجية يادوب متش الأهلي وأقفل .. عشان كدا أكيد كلام ممكن يكون صح .. لكن أكيد كمان نظرتي للملعب مش غلط وزيي ما قلت أحلى حاجة إن المنافسة رجعت وده ال بيحلي أي دوري وإن شاء الله تستمر لحد النهاية والأهلي يفوز في الأخير :d والدوري مازال طويل والأهلي حديد وال جاي أحلى إن شاء الله إحم .. وشكرا ^-^

هو مبدئيا كده انا سعيد جدا بالنقاش ده ياسلمي وسعيد أكتر ان وانا بتكلم معاكي
حاسك فاهمه كوره مش زي أكتر البنات اللي وقت ما الاهلي يكسب احنا اهلاويه
ووقت ما الاهلي يخسر ملناش في الكوره - حاسك كده مع الاهلي ع الحلوه و المره
ودي حاجه كويسه جدا واحترمتها فيكي من اول ما اتكلمت معاكي

بخصوص اتحاد الكوره والمجاملات تحبي أعدلك اتحاد الكوره جامل الاهلي
الموسم ده ف ايه بالظبط ؟؟؟ مره ماتش سموحه لما الاولتراس وقف اللاعيبه
وراح عند الملعب وعامر حسين أجل الماتش لعيون الاهلي مع ان لو بصينا
هنلاقي نفس الموقف حصل مع الزمالك قبل كده والماتش اتلغي واتحسب
للفرقه التانيه 3 بوينت يبقي المجاملات هنا لمين ؟؟ ده غير اللي قولتلك عليه
مجامله في موضوع الملاعب والزمالك في نفس الوقت ملعبه الاساسي بتروسبورت
وينزل يلعب ف اسكندريه وغيره وغيره يبقي المجامله هنا لمين طيب ؟؟

طيب مجاملة اتحاد الكوره للأهلي في بداية الموسم في مواعيد المباريات تحديدا
وقت ما الاهلي كان بيلعب 3 مباريات في 9 أيام وعلي الملعب المطلوب من ادارة
الاهلي بشكل عام اما الزمالك يلعب 3 مباريات في 6 أيام وعلي الملعب المرفوض
اذا المجامله هنا لمين ياسلمي ؟؟ المجاملات الموسم ده للأهلي واضحه جدا !

بخصوص مرتضي منصور اللي انا ضده تماما الموسم ده بما تحمل الكلمه من معني
ومش عشان هتكلم عنه يبقي بحبه لا ده مش دفاعا عنه ولكن لي سؤال واحد فقط
مرتضي شخصيه مريضه وبيشتم وبيهدد وبيرهب وبيعمل والكلام اللي انتي عرفاه
ده كله - ليه ماشوفناش حد من اللي شتمهم اخد حقه منه بالقانون ؟؟
ده ان دل ف يدل علي ان الكل في مصر ملطوط زي ما قال احمد الطيب
هههه

بخصوص الوقت اللي مزعلني ياسلمي وحكم عن حكم يفرق وهي عموما
معروفه كده في مباريات الاهلي ولو مش مصدقه تقدري ترجعي بنفسك لـ
مباره الاهلي و اسوان وقت ما الحكم حسب دقيقه وقت بدل ضائع والاهلي
سجل هدف في الدقيقه التالته م الوقت البدل الضائع ولما سألوا الحكم قال ايه ؟
قال معلش الساعه وقفت ههه وغير ان الهدف التالت وقتها المفروض يتلغي
نظرا ان كان فيه ازازة ميه بجوار القائم وهنا القانون بيقول الغاء الهدف
واسقاط الكره - سيناريو متكرر في مباريات الاهلي ياسلمي !!!

علي فكره ياسلمي لاعب المحله التاني مطرود بعد لمسه اليد يعني بعد
ضربة الجزاء ودي انا ماتكلمتش فيها لان عارف انه قرار سليم من الحكم
ضربة جزاء نتيجة لمس الكره باليد داخل المنطقه ولكن اللاعب الثاني اتطرد
بدون أي سبب تابعي المباراه تاني اختي وشوفي السبب هتلاقي طرد غير
مستحق لـ لاعب المحله بشكل عام !!

انا مابتكلمش هنا لا في دفاع ولا هجوم وكل فريق علي ارض الملعب من حقه
يدافع او يهاجم ما دام في حدود القانون المسموح به انا بتكلم في نقطه التحكيم
والملعب مش اكتر ياسلمي اما التعادل ف من رأي الاهلي لا يستحقه
وكل منا له وجهة نظر والاختلاف في الرأي لا يفسد للود قضيه

انا اللي لفت نظري في كلامك ان الاهلي الموسم اللي فات ظروفه لا يحسد عليها
وان ظروف الاهلي من بداية الموسم ساعدتنا علي التتويج بلقب دوري وكاس
انتي بتتكلمي عن الاهلي ونسيتي ظروف الزمالك وقتها ياسلمي ..

الزمالك تعرض لظروف الموسم الماضي أكتر من الاهلي اختي منها كمية تعادلات
في بدايه الموسم ثانيها هروب باتشيكو قبل مباراه ب يوم واحد ثالثها الخساره
من انبي بفضل محمود عاشور في فضيحه تحكيميه ومع العلم عاشور ده
اللي كان حكم ماتش اسوان اللي قولتلك عليه رابعها كارثة الدفاع الجوي
خامسها الزمالك موسم كامل يلعب بدون باك شمال حقيقي ودي لواحده
كارثه لأي فريق وتصدر البطوله من اليوم الاول للأخير !

الزمالك الموسم الحالي اختي فيه مشاكل اداريه علي اعلي مستوي وطول
ما مرتضي موجود مش هتتحل ودي النقطه اللي متفق معاكي فيها ..

انتي جيتي عند النقطه اللي متفق معاكي فيها وتقوليلي انتهي هههه
انا متفق معاكي ان ميدو فشل في كل شيء مش نص الملعب بس
ميدو عقيم في كل شيء في تغييراته ووضع التشكيل وغيره وغيره ..
ودي النقطه اللي بتكلم فيها بين الاهلي و الزمالك واللي عملت فرق كبير

محمد صلاح مع الزمالك نشاهد فرق كبير جدا بين زمالك ميدو وزمالك صلاح
وعشان كده بقولك محتاجين مدرب علي أعلي مستوي ..

فيريرا مش عاجبك ليه طيب ؟؟ هو عقيم شويه في النحيه الهجوميه
ولكن له اسلوب لعب مميز جدا واعتقد انك شوفتيه في نهائي الكاس صح ولا ايه ؟!

بخصوص الفرق اللي بتواجه الاهلي ـ تقدري تقوليلي فتحي مبروك مثلا
لما قابل الاهلي لعب بطريقه عامله ازاي ولما قابل الزمالك لعب ازاي ؟؟
عماد النحاس ابن الاهلي لعب مع الزمالك ازاي ولعب مع الاهلي ازاي ؟؟؟
احمد ايوب نفس القصه لعب مع الاهلي ازاي ومع الزمالك ازاي ؟؟؟؟
لو جاوبتي علي الاسئله دي هتفهمي معني كلامي !!

أخيرا بخصوص حكم ماتش القمه ،،
حكم عقيم جدا في القرارات وحكم أقل من المتوسط سواء للأهلي او للزمالك
كان فيه ضربتين جزاء للزمالك مش محسوبين + ضربة جزاء للأهلي مش محسوبه
ده غير كمية فاولات تستحق انذارات مفيش حاجه منه وفاولات مش محسوبه
للأهلي وللزمالك بالمقارنه بين الحكم ده والتحكيم المصري التحكيم المصري يكسب !

بالعكس ياسلمي والله !
انا سعيد جدا بالنقاش ده وعاجبني جدا رؤيتك للأحداث بشكل عام وحقك تدافعي
عن أهلاويتك ولكن بمنتهي الحياد واقسم بربي انا ما أقصد أقلل من كلامك ولا
من الاهلي ولا اشكك في حاجه للأهلي ولكن انا بتكلم علي اللي شوفته
من خلال متابعتي للاحداث و الماتش بشكل عام !

وياعالم ايه اللي هيحصل بكره والدوري لمين دي حاجه في علم الغيب
خصوصا بعد ما الفارق بيقل واحده واحده وممكن الاهلي يزود الفارق
الله اعلم ايه اللي جاي ولكن علي الورق الزمالك عنده مباريات سهله
نسبيا اما الاهلي مباريات صعبه ولكن كرة القدم لا تعترف بذلك !

بالتوفيق للفريقين وانا شخصيا اتمني الاهلي يقع الماتش الجاي
والزمالك يكسب عشان المنافسه تكون بشكل قوي جدا وتستمر للنهايه

تسلمي سلمي علي مرورك الجميل جدا جدا جدا جدا جدا
وسعيد جدا بالنقاش معاكي

منوراني بقي
^^

[محمود الصاروخ]

اقتباس المشاركة الأصلية كتبت بواسطة ƧĀƉ_ĿŌ∀Ē تعليقا ع ماتم ذكره ازيك ياصاروخ منور كلمه مجامله اتحاد الكوره الى الاهلى بس ياحوده علشان ماابقى متعالى شويه ف الحته ديه ومتعصب انته عارف وانا عارف انى ادار ه النادين اداره سورى معلش ان كان ع مجامله اتحاد لكوره التاريخ مليان بااوراق برده للزمالك يامحمود فبلاش نتطرق للحته ديه لانك حتكون خسران اما نقطه 11 دقيقه محمود انته اكتر واحد عارف ولو جبت واحد مش بيفهم كوره وشاف الماتش يتلقى تعمد لاعيبه غزل المحله لاضاعه الفرص اما بالنسبه للوقت السجل موجود والاحصائيات موجوده الى اخد بيها الزمالك وقت كتير والتاريخ مفتوح لذكر كثير عن اتحاد الكوره مع الزمالك ولكن خلينا متفقين انى ادارهالاهلى والزمالك اداره غير سويه واتحاد الكوره برده نفس القصه ومبروك للزمالك ياحوده دمت بود

حبيب قلبي والله ياناس كنت مستني مرورك ده بفارغ الصبر عشان اشوف
وأسمع رأيك في الموضوع بشكل عام لان عارف انك حبيبي بعيد عن أي حاجه ،،

بخصوص المباراه ياغالي ماتجيب لي فيديو كده ونحسب الوقت مع بعض
ونشوف ضاع كام دقيقه ؟ ونشوف طردين مستحقين ولا لا ؟
علي ما أعتقد ان الفيديو مش هيكدب صح ؟؟

هارد لك ياصديقي
ومبروك لزمالكنا
منور

[محمود الصاروخ]

اقتباس المشاركة الأصلية كتبت بواسطة Just Ahuman هرجع وأقوك برضو أنت مش حيادي يا حوده والله ولا عمرك عايز تنسي إنك مشرف القسم وترمي إنتمائك على جنب .. شكلك كنت بتتفرج على ماتش تاني يابني شوف كام إنذار وإكرامي وقع قعد ولاعيبة المحله اللى كل شويه واحد يمسك الأماميه وشويه واحد يمسكله الخلفيه .. وده ميمنعش إننا لعبنا إمبارح مباراه من أسوء مبارياتنا .. وزي ما حوده ذكر اللي بيته من إزاز ميحدفش الناس بالطوب وإبقي أخوك ضاضا هيقولك .. الأخ رئيس لجنة الأنديه اللى الدنيا كلها بتوجب معاه هههههههههههههههاى وإحمدو ربنا إنكو عديتو من أسوان إمبارح أصلاً الماتش الشوط التاني كله بتاعهم ده الإستحواذ كان 58% ليهم ده غير جنش اللى شال أكتر من أربع أهداف مؤكده إمبارح .. وإن شاء الله الوضع مش هيستمر بالشكل ده كتير وهتكون بداية الرجوع فى مباراة المصري بالنسبه للأهلي وإهدي هه إهدي

يا أخي والله مهما تقول ومهما تعمل فرحان بمرورك ده وحتي لو شتمتني
الاستاذ الكبير مدحت شلبي في موضوعي ياناس ؟ والله ما مصدق

انا لفت انتباهي في كلامك موضوع اللي بيته من ازاز وكلام من هذا القبيل ههه
اسألك سؤال بسيط ياحوده ؟ وترد عليا انت بمنتهي الحياديه ؟؟
مرتضي منصور وحش وبيهدد وبيرهب وبيعمل صح ؟؟
ماحدش أخد حقه بالقانون ليه ؟؟
الا اذا كان الكل ملطوط
زي ما الطيب قال
ههههه

وبخصوص الماتش ماتيجي نحسب الوقت بشكل عام ياصحبي ..
ياغالي الماتش مايزيدش عن 8 دقايق اقسم بالله وده اللي شوفته انا وحسبته انا
انما الحكم مديلك 9 دقايق والماتش خلص بعد 11 دقيقه ههههه
فاكر انت ماتش اسوان الحكم ادالك دقيقه وانت جبت هدف في الدقيقه التالته ؟

الحمدلله طبعا ياغالي اننا عدينا اسوان ولكن متنساش اننا كنا مسيطرين
شوط أول كامل مكنش فيه اسوان عموما واخدنا اللي عاوزينه من الماتش
وزي مانت عارف الوقت الحالي سيبك من اداء وسيبك من استحواذ وكلام
من ده المهم ان يتحقق المهم وهو ال 3 نقاط لتقليل الفارق مش كده ولا ايه ؟؟

بالعكس ودي انا حيادي فيها والله وما عشان حاجه !
انا شخصيا اتمني الاهلي يقع ماتش المصري والزمالك يكسب الاتحاد
ونتفرج علي منافسه قويه بين الفريقين وتستمر للنهايه !
عيب انت راجل متابع كوره اوروبيه ومش متعود تشوف دوري
بيخلص من بدري كده ولا ايه ؟؟

منور ياغالي والله

[الفيلسـوف]

اقتباس المشاركة الأصلية كتبت بواسطة مـح ـ الصاروخ ـمود حبيب قلبي والله ياناس كنت مستني مرورك ده بفارغ الصبر عشان اشوف وأسمع رأيك في الموضوع بشكل عام لان عارف انك حبيبي بعيد عن أي حاجه ،، بخصوص المباراه ياغالي ماتجيب لي فيديو كده ونحسب الوقت مع بعض ونشوف ضاع كام دقيقه ؟ ونشوف طردين مستحقين ولا لا ؟ علي ما أعتقد ان الفيديو مش هيكدب صح ؟؟ هارد لك ياصديقي ومبروك لزمالكنا منور

ههههههه فيديو ايه ياابو فيديو ياراجل ده المياراه الىل فاتت
بتاعت الزمالك اخد فيه 5 دقايق اتحداك اما عن الحكم
اسال الانذارات ياحوده الاهلى واخد اول تلات انذارت
والله ان شكيت انه قابض من المحله ههههه
وانتى تموت وتنغشنى استحاله تسيبنى ف حالى
حبيبى يصاروخ والنعمه

[سَـلمَى]

تســَلم يامحمود .. حاسك ههههههه لا فاهمة الحمدلله
ولو مكنتش فاهمة مكنتش إتناقشت معاك صدقني :d
بس واضح إنك فاهم بزيادة خاصة في الدوري المصري ماشاء الله
لو جيت للدوري الإسباني هتلاقيني جمال الشريف ههههه
والأهلي الأصيل هو ال مع الأهلي في المرة قبل الحلوة
ومشجع الكورة عامة مفروض يبقى كدا

ده إنت مش مفوت حاجة هههههه لا ياعم انا مش فاكرة حاجة خالص
لو كنت كلمتني بعد كل متش كنت هرد .. بس ال واثقة منه إن الزمالك بلاويه
ومجاملات الإتحاد معاه بردو ..

لا متعصب متعصب مفهاش كلام ههه .. إشرب يانسون يامحمود كتير :d

مش هقف عند موضوع الدقايق لإن شفت الزمالك
بيتحسبله دقايق كتير ولسه هيتحسبله وهاجي أفكرك ..

قولي إنت ليه محدش بيقدر ياخد حقه منه ها ؟! كان مين ولا بيعملهم إيه !!
إلا إذا كان بيروح يعتذرلهم ويرجع في كلامه كعادته ..

انت بتتكلم عن الطرد الأول ولا التاني ؟ ركز عشان إنت كلامك عن التاني

فعلا الأهلي مكنش يستحق التعادل .. كان يستاهل الفوز خاصة مع طلائع الجيش

قلتلك الإثنين مرو بظروف وكل مشجع شايف ظروف التاني أصعب
مع إن أي ظرف ولو صغير بيأثر في أي فريق .. لكن لأننا الأهلوية متعودين من الأهلي يتحدى الظروف
ويقف ويكمل فكان الموسم ال فات صعب علينا جدا .. ولو الموسم ده إستمرت التخبطات وال بيحصل في الملعب صدقني الدنيا هتتشقلب .. وكل واحد يخليه في ظروف فريقه لو سمحت ههههههه

ميدو كمدرب فاشل بصراحة .. وكمحلل بردو شوية بس :d عشان مظلمهوش هههه

انت بتتعمق أوي وانا قلتلك مش متابعة الأمور الخارجية أوي خاصة أمور الزمالك ..
لكن أكيد لو في حدث في الأهلي , لازم أعرف موضوعه ..

لو فتكرت والله هجاوبك لإنك عمال تجيب في قديم وانا ذاكرتي عل قدي :d

مش أوي كدا الحكم كان جيد لكن كان متساهل شوية وبيدي إتاحة فرص كتير ..
المهم إن المبارة عدت بسلام وهدوء ومن غير خناق :d
مع إنه محسناش المتش إنتهى عشان رمضان موقفش عل الكورة ههههه إحم


ياعم انت متعصب عشان كدا هراعي الموضوع ده :d
انا لو الأهلي غلطان في حاجة صدقني مش هدافع
لكن وجهات النظر بتختلف من شخص لشخص حتى لو بيشجعو نفس الفريق

وطول ما النقاش ماشي في السليم بتقبل أي حاجة

بعد الشر إن شاء الله الأهلي يفوز عل المصري ويرجع بقوة ويعدي المتشات الصعبة
ويعزز الفارق ويستريح ويريحنا معاه ههههه

عشان المنافسة بردو ^-* محدش متعصب بيقول كدا ههههه

ماعلينا المهم دورينا يبقى كويس وفي مرتبة عالية والكورة تتحسن والجماهير ترجع
والحياة الكروية تحلوو في مصر والوطن العرب

وتحياااتي ليك يامحمود .. والنور نورك .. ^^
وانا أساسا مش هكون في أي قسم غير ده :d

[۩۩ elMagic ۩۩]

ع رايك يا محمود مفيش فايده بردوا
طيب خليني معاك للاخر وانت متضايق من ال11 دقيقه
هو الهدف اساسا جيه ف الدقيقه الكام ؟؟
هتلاقيها 95 يعني بعد خمس دقايق مش ف اخر ثانيه وبتاع
شوف ياخي عايزها 8 عايزها 9 عايزها 11
مش هتفرق كتيير عشان محصلتش تطورات ف الدقيقه 11 مثلا
ولون كنت اتمنى يلحقوا ويجيبوا هدف عشان اساسا كله كان بيقع
وبيموت ع الارض ويمسك رجليه واللى اخد طرد هو اخد انذار تاني
لما مسك عضلة رجله ووقع ع الارض والحكم وقف اللعب عشانه
وبعدها الواد قام تانى فا اداله انذار ثاني وهو واخد انذار اول
يبقى كده احلى طرد لعيونك ياحبيبي