بعد مباريات اليوم في الدوري المصري

[محمود الصاروخ]

السلام عليكم ورحمة الله وبركاته
--



اليوم الخميس انتهت مباريات الاسبوع التاسع عشر من الدوري العام المصري
لهذا الموسم والتي شهدت احداث كثيره كما تابع الكثير منا وبالنسبالي مباريات
اليوم شاهدت من خلالها اثاره ومتعه خاصه من الانديه الـ 6 سواء
الفايز أو المهزوم

بدأت اولي لقاءات اليوم في الثانيه والنصف ظهرا بتوقيت القاهره أولي لقاءات
اليوم والتي جمعت بين المصري البورسعيدي و مصر المقاصه والتي انتهت
بالتعادل الإيجابي هدفين مقابل هدفين حيث بدأ المصري بالتسجيل أولا
عن طريق اللاعب سعيد مراد في الدقيقه التاسعه من المباراه ثم عاد محمد جابر
ليسجل هدف التعادل لمصر المقاصه في الدقيقه 20 وسجل الهدف الثاني
للمقاصه اللاعب المميز عمرو بركات في الدقيقه 62 ونجح المصري ان
يسجل هدف التعادل عن طريق اللاعب أحمد جمعه في الدقيقه 83 !

كانت مباراه ممتعه من جانب الفريقين واستمتعت بها وبالفعل استمتع غيري
من كل الفاهمين والمحبين لكرة القدم بشكل عام بعيد عن الانتماءات !

وبهذه النتيجه يبقي مصر المقاصه في المركز الثالث برصيد 32 نقطه
ويبقي المصري البورسعيدي في المركز الرابع برصيد 32 نقطه !

لم تنتهي مباريات اليوم وما فيها من متعه واثاره !

وأتي لقاء من نوع خاص في الخامسه مساءا بتوقيت القاهره والذي جمع بين
غزل المحله و الاهلي وهذه المباراه شهدت جدال كبير في الشارع المصري بما
فيها من أحداث سواء من اتحاد الكره المصري او حكم اللقاء او غيره ..

بدأ غزل المحله التسجيل أولا عن طريق اللاعب محمد يحي في الدقيقه 48 ثم
تعادل الاهلي في الثواني الاخيره من اللقاء عن طريق اللاعب رمضان صبحي
ومن رأي الخاص اعتقد بأن هذه المباراه كانت اسوء مباراه للاهلي طوال مشواره
في الدوري برغم التعادل المخيب بالنسبه للنادي الاهلي أمام غزل المحله صاحب
المراكز المتأخره في جدول الترتيب ولكنه فاجيء الجميع وظهر بشكل مميز للغايه
أمام الاهلي وكان الاقرب للفوز ولكن كما ذكرت في كلامي بأن كان هناك جدال كبير
حول قرارات الحكم بما فيها احتساب 11 دقيقه وقت بدل ضائع للقاء والتي لم
نشاهدها من قبل في الدوري المصري ومن ثم طرد لاعبين من غزل المحله !

وانتهت المباراه بالتعادل بين الفريقين
بهذه النتيجه يبقي الاهلي في المركز الاول برصيد 40 نقطه
ويبقي نادي غزل المحله في المركز قبل الاخير برصيد 7 نقاط !

لم تنتهي مباريات اليوم وما فيها من متعه واثاره !

ومع أخر لقاءات اليوم التي جمعت بين الزمالك واسوان وانتهت بفوز الزمالك
بهدف نظيف سجله المهاجم المميز باسم مرسي في الدقيقه 21 من زمن الشوط
الاول وكانت السيطره كامله للزمالك طوال الشوط الاول ولكن أسوان فاجيء
الجميع مع بداية الشوط الثاني وقدم اداء ولا أروع وهدد مرمي الزمالك باكثر من
كره ولكن تعامل وتألق معها الحارس المميز محمود جنش !

اليوم الاهلي لم يستطيع ان يفوز علي المحله صاحب المركز قبل الاخير !
والزمالك يفوز علي اسوان صاحب المركز الثاني عشر !

الفارق الأن بين الاهلي و الزمالك أصبح 5 نقاط وهذا مما يجعلنا
نشاهد دوري ممتع بين الفريقين وبالتوفيق للجميع ان شاء الله

( اسئله للنقاش )

- رأيك بشكل عام في مبارايات اليوم ؟ وماهي افضل مباراة ؟
- ما رأيك في الكابتن زيزو مدرب الاهلي بعد التعادل الثاني علي التوالي ؟
- ما رأيك في اداء الزمالك مع المدرب محمد صلاح بشكل عام ؟
- برأيك هل ستعود المنافسه من جديد بعد ان أصبح الفارق 5 نقاط ؟



تحياتي للجميع محمود الصاروخ

[سَـلمَى]

فعلا ده أسوء مبارة للأهلي من بداية الدوري
رغم الطرد والدقائق المحتسبة وضربة الجزاء
معرفش ينتهز الفرص ده

بعض اللعيبة محتاج تفوق وتعرف إن الأهلي أكبر منهم
ولو مش قد اللعب بتشرته ميلعبوش

وفي لعيبة محتاجة تستريح في الدكة كم متش

وعل العموم إن شاء الله ال جاي أحسن
بالتوفيق للأهلي ..♥

وبخصوص غزلة المحلة برافو قدر يعمل ال مقدرش يعمله الزمالك :d

وتسلم عل التغطية

[محمود الصاروخ]

اقتباس المشاركة الأصلية كتبت بواسطة salma .. ♥ ♥ فعلا ده أسوء مبارة للأهلي من بداية الدوري رغم الطرد والدقائق المحتسبة وضربة الجزاء معرفش ينتهز الفرص ده

اقتباس المشاركة الأصلية كتبت بواسطة salma .. ♥ ♥ بعض اللعيبة محتاج تفوق وتعرف إن الأهلي أكبر منهم ولو مش قد اللعب بتشرته ميلعبوش وفي لعيبة محتاجة تستريح في الدكة كم متش وعل العموم إن شاء الله ال جاي أحسن بالتوفيق للأهلي ..♥ وبخصوص غزلة المحلة برافو قدر يعمل ال مقدرش يعمله الزمالك :d وتسلم عل التغطية

ولكن لماذا لا تقولي بأن التاريخ سيشهد هذه المجامله الواضحه من اتحاد الكره
للأهلي في هذه المباراه وبدأت المجامله وقت نقل المباراه لملعب الاسكندريه
ومكان المباراه المحله أو مكان قريب للمحله مش الاهلي يكون واكل شارب
نايم قايم في الاسكندريه والانديه كلها تجيله لحد عنده وهذا غير قانوني !
وأيضا اذكري في كلامك الحكم الذي جامل الاهلي بشكل عام وساعدهم
علي ادراك هدف التعادل وطرد اتنين من المحله و11 دقيقه وقت بدل ضائع
وبالفعل الاهلي فشل في الفوز ولكن نجح في استغلال مساعدة التحكيم

بمناسبة اللي الزمالك مقدرش يعمله ..
سؤال بسيط لحضرتك - سألتي نفسك قبل ما تكتبي كده ما الاسباب التي مر
بها الزمالك الفتره الماضيه سواء من تخبط اداري أو فني أو غيره أو غيره
وهذا الامر يهد أي نادي في العالم ولكن السؤال الاهم هنا ..
مين كان بيلعب في نص ملعب الزمالك في مباراة القمه ؟
ومين السبب ان مكنش فيه نص ملعب ؟؟
عرفتي ليه الزمالك مقدرش يعمل حاجه ؟

علي الورق الزمالك يمتلك لاعيبه من أفضل لاعبي مصر ولا شك في ذلك
ولكن الفرق بين الزمالك والاهلي في الفتره الحاليه هو توظيف اللاعبين بالشكل
المناسب من زيزو واللعب الجماعي والدليل علي كلامي هدف عمرو جمال الثاني
في الزمالك وهذا غير موجود في الزمالك في الفتره الحاليه نظرا لعدم وجود
مدير فني علي اعلي مستوي ..

مدرب علي اعلي مستوي ان شاء الله
وعودة الروح للفريق وانتظرونا ..

الفارق الأن 5 نقاط وطول ماهو أقل من 6 انا مطمن وعندي أمل كبير !
فقط أطلب منك الصبر وتنظري علي مباريات الاهلي القادمه ومباريات الزمالك
وتقوليلي علي الورق ايه اللي هيحصل ؟ أعلم بأن الملعب حاجه تانيه تماما
ولكن علي الورق تقدري تقوليلي ؟

كل هذا بسبب ذكر الزمالك في جمله مفيده بعيد عن لقاء الزمالك
وهذا ما كان يزيد التعصب في القسم الفتره الماضيه وانا لم أقصد
شيء تماما ولكن اتناقش معك في كلامك ..

منوراني اختي والله ومنوره القسم

[سَـلمَى]

بالنسبة لموضع نقل المبارة لملعب تاني والأندية بتجي لعند الأهلي
طب هو الأهلي إيه دخله في الموضوع مش ذنبه يعني :/ ومش قضية هيا
ومش متابعة انا في الموضوع ده أصلا ..
والحكم مجاملش الأهلي ولا ساعدهم وده حصل مع الزمالك ومحدش إتكلم
وغزلة المحلة كان بيضيع وقت بشكل تافه ومن حق الأهلي ياخد دقايق
والطردين مستحقين عل فكرة .. ياريت يكون في نظرة حيادية شوية
خاصة كلمة مجاملة ومساعدة ده بلاش منها -_-


.................................................. .........................

الأهلي مر بفترة أصعب من كدا بكتير ولحد دلوقتي في تذبذب
وطول ما الكابتن زيزو موجود مافيش أمان .. ده غير روح اللعيبة ال منخفضة
ومحتاجين الجمهور بششدة عشان يفوقو
بالنسبة لمبارة القمة حضرتك ده حاجة راجعة للمدرب وشطارته
وعل فكرة ميدو كان عنده وجه نظر في موضوع نص الملعب
بس الأهلي كان أفضل ..
وللمعلومة الفرق ال تعادلنا معاها مكنتش مشكلتها نص الملعب ^-*
طلائع الجيش لعبنا معاهم مرة ممتازة لكن الدفاع والحارس كانو في المرصاد
غزلة المحلة مع إنها كانت أسوء مبارة لكن الأهلي كان أحسن من المحلة

.................................................. ...................

علي الورق الزمالك يمتلك لاعيبه من أفضل لاعبي مصر ولا شك في ذلك
ولكن الفرق بين الزمالك والاهلي في الفتره الحاليه هو توظيف اللاعبين بالشكل
المناسب من زيزو واللعب الجماعي والدليل علي كلامي هدف عمرو جمال الثاني
في الزمالك وهذا غير موجود في الزمالك في الفتره الحاليه نظرا لعدم وجود
مدير فني علي اعلي مستوي ..

الأهلي لعيبته كلها تقريبا مستواهم عالي لكن مشكلتهم تذبذب المستوى
بس في لعيبة ممتازة وبتأدي دورها بأكمل وجه .. الزمالك 2 3 من الفريق كله ممتازين

الزمالك مش موجود الفترة الحالية ولا بعدين ههههههههههه إحم

وعل العموم بالتوووفيق أهم حاجة المنافسة الحلوة
وبإذن الله الأهلي هيفوق ويتماسك ويقدر يعمل متشات فوق المستوى
ويعزز فارق النقاط أكتر واكتر ..


.................................................. ........
كل هذا بسبب ذكر الزمالك في جمله مفيده بعيد عن لقاء الزمالك
وهذا ما كان يزيد التعصب في القسم الفتره الماضيه وانا لم أقصد
شيء تماما ولكن اتناقش معك في كلامك ..

منوراني اختي والله ومنوره القسم

التناقش حلو المشكلة في التعصب
ولكن ده حاجة معتادة بين الأهلي والزمالك
المهم محدش يجرح حد ولا يخرج عن الخط ..

والنور نورك يا مشرف تسسلم

[احساسى صحيح]

السلام عليكم يا حوده
ودايما بتمتعنا وتشاركنا بتحليلاتك الجميله


- رأيك بشكل عام في مبارايات اليوم ؟ وماهي افضل مباراة ؟
- ما رأيك في الكابتن زيزو مدرب الاهلي بعد التعادل الثاني علي التوالي ؟
- ما رأيك في اداء الزمالك مع المدرب محمد صلاح بشكل عام ؟
- برأيك هل ستعود المنافسه من جديد بعد ان أصبح الفارق 5 نقاط ؟

بالنسبه للمباريات التلاته كانوا من امتع المباريات الاسبوع ده
فيهم اثاره وقوه بدون استثناء .

بالنسبه لزيزو للى حققه قبل اخر مباريتين اللى اتعادل فيهم
كان نتيجة دفعه معنويه نتيجة الضغط اللى كان واقع على اللاعبين من المدرب السابق بيسيرو
واتضح ان وجهة نظربيسيرو فى بعض اللاعبين كانت صحيحه زى انطوى والشيخ
وهو مدرب رغم امكاناته المحدوده بس كان عادل فى تقيمه للاعبين
وزيزو بالعموم ليس له تاريخ فى الدورى العام او اى بصمه كمدرب
وكل اللى عمله شغل نفسى استمر فتره وبسبب الاشاده به اصابه الغرور وتفرغ للكلام فى الاعلام
ووعلى فكره اخر علاقه له بالدورى قبل ما يمسك الاهلى, كان بيدرب نادى زمان اسمه اسمنت السويس
وفى اخر مباراه له قبل اقالته كانت هزيمته 7 صفر
ومن يومها بطل يدرب وبقى فى فرق الناشئين فى الاهلى
والاهلى وحتى الزمالك لا يصلح لهم سوى المدرب الاجنبى .

اداء الزمالك مع محمد صلاح مقارنه بميدو يعتبر معقول وليس جيد
ولكن الزمالك يحتاج إلى الاستقرار قبل ما يحتاج لمدرب ومحتاج يبعد مرتضى عن اى مدرب
ويكون رئيس نادى فقط زى محمود طاهر لأن قربه عامل ضغط وبيأتى بنتائج عكسيه
واى مدرب حتى لو امكاناته متوسطه يستطيع تحقيق نتائج باهره ومذهله مع الزمالك
لان الزمالك يملك الامكانات البشريه الهائله التى لم تكن متوفره ف السابق بهذا الكم من اللاعبين
ويستطيع العوده بسهوله جدا
ولكن بشرط ابتعاد مرتضى وتعين لجنة كوره من ناس ذو شخصيه قويه
زى حلمى طولان ومحمود سعد ويشارك معاهم حازم امام
يخططوا صح للفريق ويتولوا الامور الاداريه والفنيه البعيده عن المدير الفنى
وحل اى مشكلات تواجه اللاعبين حتى تفرغهم للعب فقط ..
اكيد المشوار لا زال طويل وكبير وزمالك الحالى غير زمان
بسهوله يستطيع قلب الطاوله على الاهلى بشرط الاستقرار والبعد عن المشاكل .
وشكرا لك يا حوده

[۩۩ elMagic ۩۩]

قالها المعلق الرياضى مش مهم انت ف اى مركز في الدورى
لان اى فريق بيلعب مع الكبار بيحاول يأدي بأفضل ما لديه
عشان اما يكسب ولا يتعادل يقول انا اتعادلت ولا كسبت ع فلان
ويبقى ماشى كده بعزه وفخر
اخر مبارتين كانوا الفريقين متمركزين في الدفاع بشكل مستميت
دي الكوره وهى داخله من قدم رمضان صبحي خبطت ف مدافع منهم !
مباراه هى سيئه اكييد للاهلى ولكن لم يتعثروا الكبار بسهوله
وقدروا يتخطوا الموقف وعن الطرد والوقت الضايع لا مفيش مشكله خالص
لاعبية الغزل كانوا يستحقوا الطرد وكلهم كانوا بيقعوا ف الملعب
وحارس المرمي بيضيعله دقايق ميت ع الارض عموما هي كلها وسائل مشروعه
وللحكم تقديره ف احتساب الدقايق الضايعه ،،
اما عن الزمالك انا فرحان لباسم مرسى عشان بدأ التهديف
ودا هيحفزه ويفوقه شويه مع المنتخب
بس أسوان سيطرت بشكل قلق الزملكاويه وكانت قادره ع الفوز وليس التعادل
ولكن جنش حارس المهام الصعبه وياريت مدرب المنتخب يركز معاه
وينفض شويه لاكرامي والشناوى ،، الدورى لسه ف الوسط واللى جاى احلى ^^

[عهود~]

مبروك للزمالك والقادم احسن وافضل

والمنافسة سترجع وحتحلو اكثر واكثر

شكرا

[محمود الصاروخ]

سلمي ،،

انا هاخد كلامك نقطه نقطه و أرد عليها ما دام النقاش بعيد عن التعصب
زي ما ذكرتي ولكن دعينا نتحدث بقوانين الفيفا وليست قوانين اتحاد العار المصري
لاننا جميعا نعلم بأن هذا الاتحاد فاشل بما تحمل الكلمه من معني سواء في ادارة
المسابقات أو ادارة المنتخبات أو غيره وقد نكون متفقين في النقطه دي ..

حضرتك غير متابعه لموضوع الملاعب كما ذكرتي ولكن حينما نتحدث عن شيء
لابد أن يكون لدينا معلومات كامله لكي نستطيع النقاش عنه ولكن لي سؤال بسيط
هل تعلمي بان الاهلي رفض لعب مباراة المصري القادمه في الاسماعيليه بالرغم
من انها مباراة المصري وهو الوحيد المتحكم فيها ؟ واتحاد الكره وافق علي كلام
الاهلي والمباراه هتتلعب في اسكندريه اذا السؤال هنا هل هذه مجامله من اتحاد
العار المصري للأهلي ام لا ؟ قوانين الفيفا اختي بتقول ان الفريق له مباراه
علي ارضه ومباراه خارج أرضه وليست كل المباريات علي ارضه !
والاهلي ملعبه الرسمي هو برج العرب ف بالتالي ممنوع اقامة
أي مباراة ليست مباراته علي هذا الملعب الا اذا وافق الفريق المستضيف !
والمستضيف هنا النادي المصري مش موافق علي الكلام ده ..
عرفتي اختي المجاملات فين بالظبط ؟
انا بطلب من حضرتك تجيبي لي قوانين الفيفا في الموضوع ده
وتطبقيها عليها ونشوف مين اللي بيتجامل ومين اللي مش بيتجامل بشكل عام !!

حضرتك بتقارني مباراه الزمالك اللي الحكم احتسب فيها 7 دقائق وقت بدل ضائع
ولكن كما ذكرت وقت لما بتكلم في نقاش بكون علي درايه كامله بما اقول لكي
أستطيع تكملة النقاش للأخر .. انا بطلب من حضرتك طلب بما ان حضرتك
فاكره ماتش الزمالك ده هاتيلي مقارنه بسيطه بين المبارتين واحسبي الوقت
هنا وهنا مباراة الاهلي وغزل المحله اختي الوقت القانوني لها مش أكتر من
8 دقائق علي الاقل أما الحكم حسب 9 دقائق وانهي المباراه في الدقيقه 11
ولي سؤال أيضا علي حكم المباراه وبما ان حضرتك تابعتي اللقاء
بشكل عام هناك طرد ثاني ل لاعب المحله ولا اعلم لماذا طرد الحكم
هذا اللاعب واتمني ان اسمع سبب مقنع من حضرتك حاليا
عن طرد هذا اللاعب الغير صحيح لكي يسهل مشوار الاهلي
في اختراق دفاع المحله المتماسك طوال المباراه ... !

حضرتك بتقولي الطردين مستحقين وبتقولي نظرة حياديه وهناك قوانين
لكرة للتحكيم تبين اذا كان يستحق الطرد أم لا وحضرتك بنظرة الحياديه
هاتيلي سبب مقنع والقانون معاه بيقول ان اللاعب يستحق طرد .. !

القانون فوق أي شيء اختي ولكن الحكم فضائح الحكم اليوم زادت وليست
أول مره هل تتذكري مباراه اسوان حينما احتسب الحكم دقيقه وقت بدل ضائع
والاهلي سجل الهدف في الدقيقه التالته وقال اصل الساعه وقفت ؟؟؟

هذه هي الحياديه اختي
انا بكلمك بناءا علي قوانين من الفيفا نفسها وليست قوانين
من اتحاد الكره المصري لان كما ذكرت بانه اتحاد فاشل بمعني الكلمه

ماهي الظروف الاصعب التي مر بها الاهلي ؟
هل مر الاهلي ب تخبط اداري هذا الموسم ؟ هل هرب مدرب الاهلي هذا الموسم ؟
هل ادارة النادي الاهلي استغنت عن أهم لاعبي وسط الملعب هذا الموسم ؟؟
كل هذا حدث في الزمالك اختي وكما ذكرت بانه قدار علي هدم أي فريق
مهما كانت قوته ومهما كان يمتلك صناع العاب او مهاجمين او غيره
بأي منطق حضرتك بتقوليلي ميدو عنده وجهة نظر في نص الملعب
وعموما اللاعب الوحيد في وسط الملعب كان غايب عن اللقاء وهو طارق حامد
وميدو اللي عنده وجهة نظر استغني عن ابراهيم صلاح ومعروف في كرة القدم
بأن الفريق الذي يمتلك نصف الملعب بشكل عام هو من يفوز باللقاء !
كلام حضرتك معناه اننا هنقارن احمد توفيق ومعروف يوسف اللي هما مكانهم
مش نص ملعب زي حامد وصلاح ب حسام غالي و جمعه و السعيد ؟
أرجو مراجعة المعلومات مره اخري وتحري الدقه في مراكز اللاعيبه بشكل سليم !

شيء طبيعي اختي ان الاهلي هيكون افضل في هذا اللقاء لعدم وجود وسط
ملعب الزمالك الاساسي واكبر دليل علي كلامي مباراة الاهلي والزمالك نهائي
الكاس حينما غاب حسام غالي اللاعب الاساسي في ذلك الوقت استحوز
الزمالك علي وسط الملعب بشكل عام وفاز المباراه ! هل تتذكري ذلك ؟!

علي ما أعتقد حضرتك ان لاعبي الزمالك هذا الموسم هم نفس لاعبي الموسم الماضي
ولو تحدثنا عن لاعبي الزمالك الموسم الماضي لا استطيع أن اتحدث عنهم بشكل عام
نظرا لتفوقهم الكامل علي الساحه المصريه وكانو الاقوي في البطوله الافريقيه
وبشهادة المعلق عصام الشوالي وليست شهادتي فقط

الدليل علي كلامي اختي ..
الزمالك في بداية الموسم مع فيريرا كان عامل نتائج إيجابيه نظرا لقوة المدرب
وحينما رحل فيريرا عن الزمالك هبط مستوي واداء اللاعبين زي بالظبط الاهلي
كانت نفس اللاعيبه مع بيسيروا وكان اداء منخفض تماما ونتائج سلبيه
ما الان كما ذكرت زيزو يوظف اللاعبين بالشكل السليم + اللعب الجماعي
ويلعب ب تكتيك معين وماشي عليه وهذا الاختلاف بين الاهلي و الزمالك !

حضرتك بتقولي الزمالك مفيش فيه غير 2 أو 3
طب بأي منطق حضرتك بتحكمي علي لاعبي الزمالك بشكل عام ؟
متابعه مباريات الزمالك كامله ؟ سواء الوديه أو الرسميه ؟
لو كده انا بطلب من حضرتك ملخص شمال عن كل لاعب في الزمالك
واهم مميزاته واهم عيوبه انا بكلم حضرتك كل كلمه ب دليل
اما كلامك كلام علي ورق فقط ولا ايه ؟

من الطبيعي ان يهبط الزمالك الماضيه وليست الحاليه لان الزمالك
استعاد روح الانتصار اليوم أمام اسوان واداء مميز طوال الشوط الاول
والشوط الثاني طبيعي ان يهبط المستوي نظرا لسقوط اللياقه وهذا ان دل
ف انما يدل علي عدم وجود مدرب احمال كويس في الفريق !
زي الاهلي تماما لياقه اللاعيبه مضروبه بالنار ولاحظناها في مباراة المحله ..

بخصوص مباراة الجيش و المحله اختي كان في جمله شهيره
للكابتن لطيف ان الكوره اجوان وليست استحواذ
كرة القدم لا تعترف بكل ذلك ولكن تعترف بمن يحرك الشباك !

شاهدنا بالامس مباراة روما والريال ولاعبنا محمد صلاح قدم
مباراه أكثر من رائعه ولكنه خسر المباراه وهذا ما اتحدث عنه !

لي سؤال اختي واتمني الاجابه عليه بمنتهي الحياديه ..
مباراة القمه الحكم كان عاجبك بشكل عام في قراراته
سواء للاهلي او للزمالك ؟؟

سعيد جدا بالنقاش مع حضرتك

[محمود الصاروخ]

اقتباس المشاركة الأصلية كتبت بواسطة احساسى صحيح السلام عليكم يا حوده ودايما بتمتعنا وتشاركنا بتحليلاتك الجميله - رأيك بشكل عام في مبارايات اليوم ؟ وماهي افضل مباراة ؟ - ما رأيك في الكابتن زيزو مدرب الاهلي بعد التعادل الثاني علي التوالي ؟ - ما رأيك في اداء الزمالك مع المدرب محمد صلاح بشكل عام ؟ - برأيك هل ستعود المنافسه من جديد بعد ان أصبح الفارق 5 نقاط ؟ بالنسبه للمباريات التلاته كانوا من امتع المباريات الاسبوع ده فيهم اثاره وقوه بدون استثناء . بالنسبه لزيزو للى حققه قبل اخر مباريتين اللى اتعادل فيهم كان نتيجة دفعه معنويه نتيجة الضغط اللى كان واقع على اللاعبين من المدرب السابق بيسيرو واتضح ان وجهة نظربيسيرو فى بعض اللاعبين كانت صحيحه زى انطوى والشيخ وهو مدرب رغم امكاناته المحدوده بس كان عادل فى تقيمه للاعبين وزيزو بالعموم ليس له تاريخ فى الدورى العام او اى بصمه كمدرب وكل اللى عمله شغل نفسى استمر فتره وبسبب الاشاده به اصابه الغرور وتفرغ للكلام فى الاعلام ووعلى فكره اخر علاقه له بالدورى قبل ما يمسك الاهلى, كان بيدرب نادى زمان اسمه اسمنت السويس وفى اخر مباراه له قبل اقالته كانت هزيمته 7 صفر ومن يومها بطل يدرب وبقى فى فرق الناشئين فى الاهلى والاهلى وحتى الزمالك لا يصلح لهم سوى المدرب الاجنبى . اداء الزمالك مع محمد صلاح مقارنه بميدو يعتبر معقول وليس جيد ولكن الزمالك يحتاج إلى الاستقرار قبل ما يحتاج لمدرب ومحتاج يبعد مرتضى عن اى مدرب ويكون رئيس نادى فقط زى محمود طاهر لأن قربه عامل ضغط وبيأتى بنتائج عكسيه واى مدرب حتى لو امكاناته متوسطه يستطيع تحقيق نتائج باهره ومذهله مع الزمالك لان الزمالك يملك الامكانات البشريه الهائله التى لم تكن متوفره ف السابق بهذا الكم من اللاعبين ويستطيع العوده بسهوله جدا ولكن بشرط ابتعاد مرتضى وتعين لجنة كوره من ناس ذو شخصيه قويه زى حلمى طولان ومحمود سعد ويشارك معاهم حازم امام يخططوا صح للفريق ويتولوا الامور الاداريه والفنيه البعيده عن المدير الفنى وحل اى مشكلات تواجه اللاعبين حتى تفرغهم للعب فقط .. اكيد المشوار لا زال طويل وكبير وزمالك الحالى غير زمان بسهوله يستطيع قلب الطاوله على الاهلى بشرط الاستقرار والبعد عن المشاكل . وشكرا لك يا حوده

لن اكتب كلمه في هذا الرد غير اتمني رحيل مرتضي منصور
عن الزمالك النهارده قبل بكره ..

سيبك انت واحشني ياغالي والله

[محمود الصاروخ]

اقتباس المشاركة الأصلية كتبت بواسطة ۩۩ elmagic ۩۩ قالها المعلق الرياضى مش مهم انت ف اى مركز في الدورى لان اى فريق بيلعب مع الكبار بيحاول يأدي بأفضل ما لديه عشان اما يكسب ولا يتعادل يقول انا اتعادلت ولا كسبت ع فلان ويبقى ماشى كده بعزه وفخر اخر مبارتين كانوا الفريقين متمركزين في الدفاع بشكل مستميت دي الكوره وهى داخله من قدم رمضان صبحي خبطت ف مدافع منهم ! مباراه هى سيئه اكييد للاهلى ولكن لم يتعثروا الكبار بسهوله وقدروا يتخطوا الموقف وعن الطرد والوقت الضايع لا مفيش مشكله خالص لاعبية الغزل كانوا يستحقوا الطرد وكلهم كانوا بيقعوا ف الملعب وحارس المرمي بيضيعله دقايق ميت ع الارض عموما هي كلها وسائل مشروعه وللحكم تقديره ف احتساب الدقايق الضايعه ،، اما عن الزمالك انا فرحان لباسم مرسى عشان بدأ التهديف ودا هيحفزه ويفوقه شويه مع المنتخب بس أسوان سيطرت بشكل قلق الزملكاويه وكانت قادره ع الفوز وليس التعادل ولكن جنش حارس المهام الصعبه وياريت مدرب المنتخب يركز معاه وينفض شويه لاكرامي والشناوى ،، الدورى لسه ف الوسط واللى جاى احلى ^^

ماهو انا هموت وافهم اللاعب التاني يستحق الطرد ليه ؟
طيب الحكم احتسب 9 دقايق والماتش خلص في الدقيقه 11
ههههههههه

أسوان الموسم ده ياغالي عامله نتائج جميله جدا
وفريق مميز مع عماد النحاس اتمنالهم التوفيق دايما

منور ياكبير