مينفعشى بقلمى

[fanaa]

مينفعشى

مينفعشى أسيبك وأمشى
مينفعشى من غيرك اعيش
حياتى بعدك لايمكن تمشى
ومن غيرك ماتلزمنيش

عاوزنى أبعد بس ليه
هو عملت أنا فيك أيه
بتقولى حياتى افضل من غيرك
وأنا حياتى أصلا فيك

بتقول انى غاليه عليك
وعشان غلاوتى جوا عنيك
قررت تبعد كدا وتسيب

يا حبيب قلبى .. وعنيا
من غيرك مفيش . حد ليا
فراقك دا هيقضى عليا
وأنا عاوزه أعيش

أنا مش عرفاك لسه أمبارح
صدقنى قرارك ليا جارح
دأنا قلبى بهواك لسه سارح
متفارقنيش

فكرت لوحدك فى قرارك
ومفكر انى هرضهالك
كلمه وحده بس هقولهالك
متسبنيش

مش عرفه هقولك ايه تانى
وخداك الدنيا ووخدانى
ولا عمرى هلقى حد تانى
زيك لا مفيش

لو طولت عمر فوق عمرى
هيبقالك أنت حبيب عمرى
دأنا بيك حبيبى يكمل عمرى
فما تفوتنيش

لو لسه مصر حبيبى تمشى
انا برضو مصره أنى ما امشى
أعذرنى وقولى ما بفهمشى
ومتفهمنيش

ع المره معاك قبل الحلوه
هنخلى حياتنا احلى غنوه
ولو تقسى الدنيا بكل قوه
أنا برضو هعيش

هبئالك رحمه وقت خوفك
ووياك انا مهما تبقى ظروفك
دا الفرحه وقت أما بشوفك
مبتسعنيش

aya yousef
15/1/2015

[.Lamar]

اللى بيحب بجد ما بيترك فناء

بيتعب و يصبر و يحاول

بيكون قد كلمته للاخير

جميلة كلماتك و رائع احساسك

ربى يسعد قلبك

[SaMa.]

كلامك حلو اوي وموش عارفه هو عتاب ولا حب
بس وجعلي قلبي..

[العاشق الذى لم يتب]

الله عليك يوشا
تسلم ايدك
وكلمات فى حكاية
فى عشق وغرام واخلاص
روعة بجد
تنفع اغنية للناسى عجرم

[يحيى الفضلي السودان]

صرير بابكم انذر لنا بالدخول لصفحاتكم القيمة

جميل الطرح غاليتنا


دمن نسعد بوجودكم

[دمعه حائره]

نظل نتمسك بمن نحب ونحارب من اجل استمرار الحب
ويظلوا هم فى العناد والقسوة
حتى نقتنع ان الفراق واجب لا مفر منه
تسلمى حبيبتى منتهى الجمال والاحساس

[فداااااااااااء]

جميلة منك فناء
سلمتى يا قمر لجمال نبضك
أسعدك ربي

[حازم34]

جميله الكلمات والله من قلب احب بصدق


والحب الصادق يكون نقيا محبا دائما حريص علي من احب


ابدعتي بكلماتك الجمليه والله


تسلمي يارب ودائما قلم مبدع وفكر مبدع


لكي مني خالص التحيه والتقدير

[۩۩ elMagic ۩۩]

كلمات جميله منك
الله ينور بقى
سلمت يمينك
دمتى ودام نبض قلمكـ ,,

[fanaa]

اقتباس المشاركة الأصلية كتبت بواسطة .Lamar اللى بيحب بجد ما بيترك فناء بيتعب و يصبر و يحاول بيكون قد كلمته للاخير جميلة كلماتك و رائع احساسك ربى يسعد قلبك

اكيد يالمار بس برضو اراده الله فوق اى حب
نورتينى ياقمرى