حنين ..<3

[gold rose]

مبدئيا السلام عليكمورحمه الله وبركاته ^^

أنا هنا في المنتدى من 2011 زمن برضو
من أيام ما كنت في ثانوي وبسرق اللاب عشان أدخل بدل ما أقعد أذاكر
الفترة الي كنت متواجده فيها هنا مكانتشي بس من أجمل فترات حياتي
لا دي كانت فترة غنية جدا بالنسبالي واتعلمت فيها حاجات كتير وطورت نفسي
في مهارات كانت جديده عليا وأول مرة أتعلمها وبقيت بيرفكت فيها
طبعا مش هتكلم عن الناس الحلوة الي عرفتها فيها وبعضهم طلعنا من إطار
المنتدى وبقينا صحاب جدعان جدا رغم إننا عمرنا ما اتقابلنا

نفسي بجد أرجع المنتدى وأشارك فيه زي زمان
مش هقول الكلية واخده كل وقتي عشان كدا مش بدخل
لا هقول أنا كل ما أحاول أرجع أدخل بحس إني غريبة
معادشي في ناس أعرفها زي زمان ولا حتى روح زمان لسا موجوده
أنا فعلا مفتقده حاجات كتير من بتاعت زمان
المسابقات .. سؤالنا عن بعض .. البرامج كانت حاجات حلوة ..

رغم كل حاجة المكان دا هيفضل ليه مكانه في قلبي مش هيتغير
بحبكم في الله ولله ربنا يوفقكم ويسعدكم وتفضلوا فوق ع طول

[αЛαstoOorα]

ممممم
كل حاجة بتروح مع الزمن حتي الآبتسامة مبتفضلش هي نفس الآبتسامة
ملامحها بتتغير طول ما الوقت بيعدي عليها ..!
والمشكلة آننا بنقتل كل حاجة حلوة بآدينا ..حتي الذكريات الحلوة عمرها
ماتتعوض ,,
المهم آنك منورة بقة ^^

[دمعه حائره]

وانا كمان بحبك جدا حبيبتى وبفرح لما اشوفك
انتى من الاعضاء اللى تركوا اثر طيب عند الكل
وياريت ترجعى تتواجدى زى زمان
ربنا يوفقك فى حياتك

[شاعرة الرومانسيه]

منوره الدنيا ياقمر

اتفضلى بقا

[۩۩ elMagic ۩۩]

عندك حق بقى
مفيش حاجه بتفضل ع حالها
وعلطول الحياه بتتغير والناس كمان بتتغير
تعالي بقى انضمي للبقيه اللى مازالت موجوده من المجموعه بتاعت زمان
منوره من جديد وربنا معاكى ويوفقك ف دراستك والمكان مكانك بقى

[العاشق الذى لم يتب]

والله لك كل مودة ومعزة واحترام عندى
ولايمكن انساك مهماتغيبى
نعم الاخت والاخلاق الطيبة
وقلبك الطيب
ادعيلك ربنايوفقك فى الجامعة وكل حياتك
مفتقدك بجد
وبفرح بوجودك
لسة فيه ناس اهو بتعزك وتسال عنك
ليناعليك حق
حاولى تخشى وتطمنيناعليك

[fanaa]

وكا العاده الحاجه الحلوه مبدمش
فضفضه جميله
وان شاء الله المنتدى هيرجع زى الاول

[gold rose]

اقتباس المشاركة الأصلية كتبت بواسطة єЛ- мiлshαwi ممممم كل حاجة بتروح مع الزمن حتي الآبتسامة مبتفضلش هي نفس الآبتسامة ملامحها بتتغير طول ما الوقت بيعدي عليها ..! والمشكلة آننا بنقتل كل حاجة حلوة بآدينا ..حتي الذكريات الحلوة عمرها ماتتعوض ,, المهم آنك منورة بقة ^^

فعلاً حتى الإبتسامة بتتغير !
منور بيك دايما والله ^^

[gold rose]

اقتباس المشاركة الأصلية كتبت بواسطة دمعه حائره وانا كمان بحبك جدا حبيبتى وبفرح لما اشوفك انتى من الاعضاء اللى تركوا اثر طيب عند الكل وياريت ترجعى تتواجدى زى زمان ربنا يوفقك فى حياتك

منه
مش هتكلم ع مكانتك في قلبي كتير
إنتي من الناس الي طلعت بيهم خارج إطار المنتدى
نعم الاخت والصديقة فعلا ..
طالما إنتي متواجده بفكر جديا في التواجد

[gold rose]

اقتباس المشاركة الأصلية كتبت بواسطة شاعرة الرومانسيه منوره الدنيا ياقمر اتفضلى بقا

حبيبتي والله منور بيكي