عزيزى الرجل

[انجي_1]

عزيزى الرجل

عارف مراتك اللى شعرها على طول ملموم بأستك مشدود وطول النهار
وشها عليه تكشيره ورايحه جايه فى البيت تشتغل وتنضف وترتب
مراتك دى اللى لما سيادتك تنادى عليها بصوت جهورى وتقول ( الحقى )
فتيجى مخضوضه من المطبخ تلحق حاجه عيالك وقعوها ولا كسروها
رغم انك قاعد جنبهم
عارف مراتك اللى مبقاش عجبك وزنها الزايد ولا وشها اللى مفيهوش
ميك اب ولا التى شيرت الواسع والبنطلون
القطن اللى هى لابساهم ليل نهار
عارف مراتك اللى بتقارنها باللى بييجوا ف التلفزيون والاغانى وتقعد
تترحم ع الستات اللى بجد اللى طبعا مبيشتغلوش بره البيت وجواه ولا
شايلين هم واللى طبعا صارفين اد كده ف عيادات التجميل وبيوت الازياء
مراتك اللى بتشتكى انها مبقتش بتدلعك ولا تقعد جنبك ولا تقولك كلمتين حب
مراتك دى ممكن فى ١٠ دقايق تعمل شعرها وتلبس حاجه جذابه
وتعمل شويه ميكب هاديين وتحط من البيرفيوم
المركون جوه ع التسريحه وتيجى تقعد جنبك تدلع وتضحك لك وتقولك بحبك وتخليك متنح من جمالها ورقتها
هى تقدر تعمل كده بسهووووله .....المشكله انها مش عايزه تعمل ده
تقدر بس مش عايزه ... فيه فرق كبير
ملهاش نفس ... انت اللى سديت نفسها بطلباتك وانانيتك وعدم مساعدتك حتى لما طلبت منك تذاكر مع الولاد
طنشت وسبت المكان ودخلت تلعب ولا تفتح النت
سديت نفسها بالجمله الشهيره ( انتى بتعملى ايه يعنى ) بدل ما
تقولها كتر خيرك وربنا يقويكى وربنا يخليكى لينا
هى اخر النهار تقدر تيجى ع نفسها شويه وبجمله التعب والشقى طول
اليوم وتدلعك بقى مش الارهاق اللى بيخليها تبعد عنك انما الجفاء ، هى بتبقى شايفاك مش تستاهل دلع ولا غزل لانك مش حاسس بيها وغلس معاها
وساعتها بتشوف ان الفيس اظرف من القعده جنبك او ان وساعتين نوم افيد لها
قبل ما تدور ع حقوقك ادى واجباتك
قبل ما تسأل هى مالها بقت كده. ... شوف كام مره سديت نفسها
وكام مره خذلتها وكام مره استخسرت فيها
مجامله رقيقه تقولهالها
قبل ماتقارن بينها دلوقتى وايام ما كانت عروسه جديده شوف برضه انت كنت بتعاملها ازاى فى شهر العسل
وبتعاملها ازاى دلوقتى
احترمها وقدرها وخليك جنتلمان معاها وهى هتبقى زى ما بتتمنى
عزيزى الرجل ... على الله تكون فهمت حاجه
.
.
.
.

[αЛαstoOorα]

آسكت يا لساااااااني

[انجي_1]

مش ده ل بيحصل امنشاوي؟
ارحمو من في الارض بقا

[هيما عبده]

روعه موضوع رائع ومميز
عاشت الايادي دوم التالق

[انجي_1]

شكرا لمروركم ..

[حـ,ـكـ,ـآيـ,ـهـ,ـ ۅطـ,ـنـ,ـ]

شكرا لكِ انجي
بالفعل المرأه بتتعب وعليها مسؤول
لكن نفسها عليها حق
..
شكرا لك وربنا يسلم ايدك

[انجي_1]

شكرا ليكم على المرور ..

[العاشق الذى لم يتب]

شكرا
لروعة الجلب
واختيارالمواضيع المفيدة
دام التميز والحضور
تحياتى وودى

[وسيم العاشق]

فيضَ مَنَ الجَمــالْ الَذي سكبتهْ

تِلَكَ الَـأنــاملْ الَاَلمَــاَسيَةَ ..!

طًرّحٌ مٌخملَي ..,

كُلْ شَئَ مختلفْ هُنــا

يعطَيكـً العآفية ..ولـآحرَمنآ منَكـ

بإنتظَآرَجَديِدكًـ بشغفَ

[ندوشه 2011]

والله ياختي عمره ماقالي كلمه تفتح النفس بس كان بيقولها للحربايه امه والمكياج بقي مبعرفش احطه ولا حطيت بقي زى العفريت هههههه وكان بيتخانق معايا لكن امه بتحط سيدى يا سيدي وما بيقولهاش عيب يا وليه سنك اختشي اللي اختشوا ماتوا هى مواليد16/9/1965 لسه نوغه الله يحرقها يا رب