هفضل أقولها لحد الممات هفضل احبك ياجنات !

[محمود الصاروخ]

غنيتي وقولتي هي دي تيجي أديك أمان

طب ماتيجي وانا عرفك معني الحنان

ولما تعرفي مش هتقولي إنسي اللي كان

أصل انا عاشق ودايب من زمان

بصوتك انا مجنون و ولهان

وبحلم بيكي يوماتي كمان

بس انتي رجعتي وغنيتي انا كنت نسيت

وانا هرجع وأقولك عمر غيرك ما هويت

ولصوتك انتي عشقت وحبيت

ومتقوليش انا منك مليت

عشان انا لكل الناس عن حبي حكيت

ولما قولت أصارحك قالولي ياريت

أهو يبقي عن قلبك قولت وخفيت

أصل انا بحبك من يوم ما جيت ع الدنيا و وعيت

لو سألتي أعضاء بنات مصر عليا

هيقولو بيحكي عن حبه ليكي كل شويه

وبتعلم دايما من شاعرة الرومانسيه

علشان أعرف أعبر عن كل مافيا

مانا مجنون بيكي يا أجمل من في الدنيا

وصوتك عمره مافارقني ولا ثانيه

وصورتك شايلها في عنيا

فاكره لما قولتلك في جمالك ماشوفت بنات

ومن هنا الكل هيعرف ان الحب ده ليكي ياجنات

وهفضل اتكلم عنك كل الأوقات

واكتب ليكي لو حتي بالساعات

وقولت مليون مره إنك ملكة المطربات

هما جنبك ولا شيء لانك ست البنات

بقولها وهفضل أقولها لحد الممات

بحبك وهفضل أحبك ياجنات





بقلم محمود الصاروخ
الخميس - 3 مارس 2016

[الفيلسـوف]

ههههههههههه حبيبى ياصاروخ
يارومانسى انته انا بفكر اكلمك حد يوصلها للمسئولين
جامده ياصاروخ تسلم الايادى

[countess]

بصراحه جنات موزه

وعد مني محمود احاول اجيب حسابها في الاستنقرام


أوصلها باي طريقه عشان تعرف تكلمها بسسس ههههههههههههههههههههههههه


حبيت الي كتبتها مهما تتكلم. بجديه بضحك معرفش ليه

خفة دمك دايماً سابقه كل شي

خمس نجمات لنجمنا عاشق جنات 🌹🌹🌹🌹

[fanaa]

ههههههه
ومين فى الدنيا دى ميحبش جنات
عندها نبره جميله اوى بصوتها
نايس توبيك يا حوده الصاروخى

[شاعرة الرومانسيه]

هههههههههههه ومين ما يحبش جنات

تسلم يا صاروخ راقى بقا

[حـيـــــآة ❤]

اهههههههه
مش معقووله
مين بئا مبيعشقش جنات دي الرقه كلها
وصدقني هحاول انا كمان اوصلك ليها
لان دا امر ميتسكتش عليه ابداً ههه
لابجد تسلم ايدك كابتننا
دمت ودامت بخير

[۩۩ elMagic ۩۩]

ههههههه يا لعبك يا ولدى
استمر يا كبير

[حازم34]

ان كان عليا بحب الجنات ويارب


جنات حبيبتك دي عسوله يا عم وا اقدرش اقول اني بعشقها علشانك بس



انت عسول يا محمود ووعد علي وعد لما اقابلها هفتح المنتدي


واوريها الشعر تبعك والله وعد


انتي فنان وشاعر اهو ما شاء الله


منور يا محمود

[محمود الصاروخ]

اقتباس المشاركة الأصلية كتبت بواسطة ƧĀƉ_ĿŌ∀Ē ههههههههههه حبيبى ياصاروخ يارومانسى انته انا بفكر اكلمك حد يوصلها للمسئولين جامده ياصاروخ تسلم الايادى

من غير ما تكلم يابروف احنا قادرين نوصل
أهم حاجه الكلمات عجبتك وخلاص ومنور الدنيا

حبيبي ياحوده

[محمود الصاروخ]

اقتباس المشاركة الأصلية كتبت بواسطة countess بصراحه جنات موزه وعد مني محمود احاول اجيب حسابها في الاستنقرام أوصلها باي طريقه عشان تعرف تكلمها بسسس ههههههههههههههههههههههههه حبيت الي كتبتها مهما تتكلم. بجديه بضحك معرفش ليه خفة دمك دايماً سابقه كل شي خمس نجمات لنجمنا عاشق جنات 🌹🌹🌹🌹

جنات مش موزه ولا عمر يتقال عليها كده ساره
جنات صوره محترمه لـ الفن والفنانين والكل متفق معي في كده

ربنا يخليكي ساره يارب
منوراني دايما كده