مغامراتى ف السعودية

[د/ عبد الله]

من مصر جيت ع الرياض أنا دوغرى
وحدة وحيرة وانشغال وطال أنا فكرى

شهرين وعدّوا طلبت نقلى
روحت القصيم ومكنتش أعرف
قال يعنى فيها هلاقى أهلى
ما هو كله غربة وحاجة تقرف

قعدت فى بريدة ييجى كمان شهرين
الحالة اتحسنت ييجى كده قيراطين

ومن بريدة روحت لعنيـزه
قعدت فيها فترة وجيزه

ومن عنيزة روحت ع الرس
فضلت فيها ييجى شهر ونص

ومن الرس روحت المجمعه
سيرتها حلوة.. سابقاها ومسمعه

فضلت فيها فترة طويلة
كانت والله أيامها جميلة

م المجمعه تانى لبريده
ومن بريدة للمجمعه تانى
ثم الأجازة.. وادى تنهيدة
أصلى قرفت والبعد كوانى

ومن الأجازة ع الرس جيت
تقولشى مفيش غيرى حد
فى كل حته فيها لفيت
ما أنا أصلى البديل المستجد

مكنش يبقى للشركة فرع
فى جدة ولا فى الطايف
بيقولو هناك الجو ممتع
أنا مشوفتش...وشكلى مش شايف

وأدينى هنا ف الرس دلوقتى
يمكن تكون آخر المطاف
كله على الله يهون وقتى
هروح أنام وأشد اللحاف

[فداااااااااااء]

مش السعودية حر برضوا هتشد اللحاف ازاى هههه
الغربة وحشة الله يهون عليك وعلى جميع المغتربين اللهم آمين
جميل اخى ما نثره قلمك
دام نبضك

[الفيلسـوف]

هههههه والله انته مشكله تسلم ايدك يادوك

[توحد ارواح]

بالفعل مهما كانت البلد هنا
الا ان الغربه صعبه برده
بس اهه تعتبر فسحه حلوه
تتعرف علي بلدان المملكه
تحيتي لجميل ما كتبت

[حازم34]

ولا مغامرات الكابتن ماجد


ههههههههههههههههه


كله دا رايح جاي ماشي ياربي وين السيارات



ههههههههههههههههههههههههههه




عسل والله


من بريده الي عنيزه ---- الي المجمعه الي الرس


ثم من الرس الي بريده


ثم الي الرس كله جهاد حبيبي


والله وربنا يتقبل

بس دي اماكن كلها مزارع وجميله


ومحلي المجمعه

والرس كمان


انت منور السعوديه كلها


انا بقي لفيت اغلب المدن السعوديه وجلست فيها وكل مدن ادول الخليج


تعرف ما افي احسن من الشارقه -- الرياض --دبي

[شاعرة الرومانسيه]

احساس الغربه لوحده قمة العذاب

تسلم ايديك اخى

[ابو نصير]

اقتباس المشاركة الأصلية كتبت بواسطة dr.abdullah من مصر جيت ع الرياض أنا دوغرى وحدة وحيرة وانشغال وطال أنا فكرى شهرين وعدّوا طلبت نقلى روحت القصيم ومكنتش أعرف قال يعنى فيها هلاقى أهلى ما هو كله غربة وحاجة تقرف قعدت فى بريدة ييجى كمان شهرين الحالة اتحسنت ييجى كده قيراطين ومن بريدة روحت لعنيـزه قعدت فيها فترة وجيزه ومن عنيزة روحت ع الرس فضلت فيها ييجى شهر ونص ومن الرس روحت المجمعه سيرتها حلوة.. سابقاها ومسمعه فضلت فيها فترة طويلة كانت والله أيامها جميلة م المجمعه تانى لبريده ومن بريدة للمجمعه تانى ثم الأجازة.. وادى تنهيدة أصلى قرفت والبعد كوانى ومن الأجازة ع الرس جيت تقولشى مفيش غيرى حد فى كل حته فيها لفيت ما أنا أصلى البديل المستجد مكنش يبقى للشركة فرع فى جدة ولا فى الطايف بيقولو هناك الجو ممتع أنا مشوفتش...وشكلى مش شايف وأدينى هنا ف الرس دلوقتى يمكن تكون آخر المطاف كله على الله يهون وقتى هروح أنام وأشد اللحاف

حبيب قلبى عبودى
نسيت اهم حاجه
اربع فرخات ودجاجه
وعرعر والجوف وسكاكا
ومحدش فاهم حاجه
ههههههههههههههه
ابو نصير
ضحكه تهون الغربه وكل متتعب من الغربه تفتكر اخوك بو نصير وتفتح الصفحه
دمت بخير وسلام

[إيلاانا]

ومن قال أنك مالقيت أهلك كل السعودين إخوانك وأهلك

المفروض تنبسط تأخذ فكره وخبره ....يالبى السعودية وترابها

أنا بس شفت اسم السعودية دشيت أبي أشوف وشهو قايل عنها

بأذن الله يتيسر أمرك وتستقر واهو اخذت جوله على ربوع بلدي الحبيبة

أن شاء الله تجي جدة مدينة المال والاعمال .....

إيلانا

[جبل عالي]

كلها أرض الله الواسعة يا أخي
والوطن هو مايطمئن اليه القلب

تحيتي لجميل سردك وراقي وصفك
كل الشكر والتقدير

[د/ عبد الله]

اقتباس المشاركة الأصلية كتبت بواسطة فداااااااااااء مش السعودية حر برضوا هتشد اللحاف ازاى هههه الغربة وحشة الله يهون عليك وعلى جميع المغتربين اللهم آمين جميل اخى ما نثره قلمك دام نبضك

هههههه هى مش دايما حر

والجو اليومين دول مش معروف حر ولا مش حر

عموما أنا مكنتش عارف أقفل الكلام وكنت عايز أنام فكتبتها كده

شكرا ليكى على تواجدك المستمر

تحياتى