إيـــــه اللــي مغيــــرك

[شاعر الحب الحزين]

لا زعلتــك ولا دايقتــك مالــك إيــــه اللــي مغيـــرك

معدتيش بتغيري عليا ولا عارف إيه شاغلك ومحيرك

بكلمك ما بترديش بسألك ما بترضيش تجاوبي

أحاول اضحكك تقلب الضحكة دموع في قلبـي

قلبك بعيد فكرك بعيد رغم إنك قاعدة جنبـي

في حاجات مخبياها جواكي باينة ف ملامحك ومنظرك

تتكلمي وتضحكي لو قابلتي حد من معارفك

ومعايا ولا كلمة لا همست ولا ضحكت شفايفك

مش واحشك انا ده انا بقالي كتير مش شايفك

بتعاندي نفسك ولا بتعانديني سكوتك قد ما يقهرني بيقهرك

ما تقوليش حاجة خلاص فهمت كل حاجة

في رسالة جتلك من رقم غريب عليا بتقول فينك حبيبتي إيه اللي أخرك

مش نمرة أمك الجديدة ولا نمرة صديقتك الوحيدة

أمك لسه مكلماكي صاحبتك نمرتها معاكي بس اطمني أنــا هعــذرك

الناقص عذره معاه عايش على هواه من غير وداع على عيني أخسـرك



شــــــــــــــــــــــــــــــــــ . حـــــــــــــــــــــــــــــــــــــ

[شاعرة الرومانسيه]

رساله جميله من قلب عاشق ماله حيله

الفراق شعور مؤلم والاهمال احساس بيقتل

تسلم ايديك شاعرنا

[حازم34]

الله عليك شاعرنا الجميل


حقيقي مبدع وفعلا ايه ال مغيرك وكم اعجبني النسج الجميل


واخر ما كتبت الناقص عذره معاه عايش علي هواه من غير وداع علي عيني اخسرك



تسلم علي الفكر الراقي


الله عليك

[شاعر الحب الحزين]

اقتباس المشاركة الأصلية كتبت بواسطة شاعرة الرومانسيه رساله جميله من قلب عاشق ماله حيله الفراق شعور مؤلم والاهمال احساس بيقتل تسلم ايديك شاعرنا

اكيد الإهمال بيقتل الحب وساعات بيقوي الحب اكتر

تسلمي حنين الاجمل تواجدك اكيد

نورتيني واسعدني حضورك وتفاعلك الطيب

ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة حازم34 الله عليك شاعرنا الجميل حقيقي مبدع وفعلا ايه ال مغيرك وكم اعجبني النسج الجميل واخر ما كتبت الناقص عذره معاه عايش علي هواه من غير وداع علي عيني اخسرك تسلم علي الفكر الراقي الله عليك

ربي يسلم نبض قلبك يا غالي

تسلم ابو الحزم انتا الأجمل بتواجدك يا طيب

نورتني واسعدتني بنقاء حضورك وردك العذب

ربي يوفقك ويسعدك

[جبل عالي]

سلاسة التعبير ورقة الاحساس
حتى وإن كان مؤلم

كعادتك خالد تنتقي الفكرة وينطلق قلمك
فيبدع في الوصف والسرد بإحترافيه

كل الشكر والتقدير

[محمود الصاروخ]

الله ينور عليك شاعرنا المميز
تسلم ايدك

[فداااااااااااء]

أكسر وراه قلل قبل ما يدمرك هههه
سلمت اخى شاعر دام نبضك الجميل دوما
لروحك السعادة اخى

[عہمہأد ألخہطہيہبہ]

لقد دلت الاسطر على صراخ والم ومعاناة

جميل نبضك وروعة قلمك

دمت بخير اخي

[مارد الغضب]

الواقعية الشديدة احد اهم ما يميز اعمالك
حتي ان كل اعمالك تنفع رسايل لمختلف
الحالات
وليس هذا معناه ان شعرك يخلو من مواطن جمال
علي العكس
احيانا تاتي بمفردات عجيبة
تقبل مروري المتواضع
تحياتي