وظيفه خاليه فى شرطة المنتدى

[ابو نصير]

وظيفه فاضيه فى شرطة المنتدى.........بخبره .. وبدون..
مطلوب ظابط ايقاع لضبط الاداء.. أو ظابط امن صناعى بتاع مطافى .. أو لواء على المعاش متفرغ .......

****
ترسل الطلبات عبر البريد الأكترونى أو الأتصال بالمحمول الأرضى داخل سجن أبو غريب
******
السن لا يتراوح من 25 الى 35 سنه والطول 2متر و5 سنتمتر والوزن مفتوح ......
******
رياضى .......
بينط الحبل .. وبيركب مراجيح .. وبيلعب بلياردو .. وبيمص حديد ويشيل قصب ولازم يكون من غير زعزوعه ..
وبيلعب البخت .. وباين بختنا أسود والوظيفه هطير مننا .. وأهم حاجه يكون عنده خبره فى لعب الهلهوبا
أو الهلبؤه
*******
جريء ومبيخفش ..وكلمته تمشى على الكل إلا مراته علشان كلمتها هى اللى بتمشى على التخين
محدش يزعل من الحقيقه علشان هى قاعده فى ريحى وعماله تزغرلى وتجز على طقم سنانه
والأحترام واجب مدرسى لكل التلامذه.......
******
قوى الجثه .. لازم الصبح بدرى يضرب نص قدرة فووول و30 رغيف علشان يشجع الأقتصاد ويحبس
بنص باكو معسل ماركة الجحش .. ويدق المسمار بدماغه فى الحيطه ...
ومره عملوه مسابقه فى المنتدى وقالو اللى يدق العتله ديه بدماغه ياخود 4 نجوم وشرايط فسفوريه بتنور فى النهار .. دخلت المسابقه وخدت العتله وبدماغى فى الحيطه ..دب دب دب نص العتله دخلت وموش عوايدى
وأول مره تحصل خدت شرطة المنتدى ونشوف ايه الحكايه لقينا الدكتور حازم حاطط دماغه فى الحيطه من النحيه التانيه .. علشان كان طمعان حبتين فى اربع نجوم شريطتين
*******
واللبس على حساب شرطة المنتدى ............
عدد 2 بوكسر دموور ... و2 فنله بفته تيفال علشان الحر .. و2 طقيه بشبيكه بفيونكه وشريطه حمرا
وجلبيه مخططه اسموكن 6 زرار.. وصديرى بكابسين فوسفورى ..... وعدد 2 سولبيت فوشيا .. وجوزين
شربات فرده وفرده ... وعدد 1 صندل بلاستك مخرم ميعملش ريحه .. وجزمه خشب علشان الرطوبه
وبلطوا وشومه وجرنال مخروم من منتصف الهدف ........
ومطلوب كمان رجل خبره معتق زى بلاص المش من بتوع زمان يعنى من أيام التحنيط محنط زى الفراعنه .

ومن صفاته ..
بيشرب المش بخرطوم .. وبياكول السمنه البلدى بلبيسه ... وقبل مينام يكون بيدهن شعره
بزيت تموين .. علشان لما يصحى من النوم يتساقط شعره ولحم وشه ويموت من الريحه أو الحموضه ..
وبيتفرج على تلفزيون ابيض واسود بيشتغل ببطارية عربيه ..

........
ومن تتوافق معه هذه المواصفات فليتجه فورا ألى أقرب مصحه عقليه وأن لم ولن تتواجد هذه الشروط
يقعد فى بيته .. ومحدش بعد كده يلوم حكومة وشرطة المنتدى .. واللى عاوز يشتغل يشتغل وبطلو كسل شويه .......
ابو نصير

[الفيلسـوف]

هههههههههههههههههه والله انته قصه يااخى
انا مش عاجبنى غيرك ياابونصير رايق دايما
حبيبى ياكبير

[حازم34]

هههههههههههههههههههههههههههههههههههههههههههههههههه ههههههه



هههههههههههههههههههههههههههههههههههههههههههههههههه ه










ههههههههههههههههههههههههههههههههههههههههههههه




حقيقي انا تعبت من كثره الضحك مش ممكن ما شاء علي ها الفكر


استاذ استاذ التخيلات وبقي دماغي هيرد المسمار زغرطي يا ام حازم


لولولولولوي


يا دهوتي كل دي دماغ


وظيفه جميله خالص


تلاقي يتقدم لها حوالي خمستاشر الف كدا


ههههههههههههههههههههه



ولهم هيكتبوا انه معاه كل المواصفات دي


انتي كاتب تخيلي ساخر وفنان جميل


والله حبيبي ابو نصير


الله عليك

[۩۩ elMagic ۩۩]

ههههههههههههه
دماغ عاليه والله
جامده ظابط ايقاع دي
لا دا ظابط امن دولت بقى
تسلم عم نصير

[ابو نصير]

اقتباس المشاركة الأصلية كتبت بواسطة غبريال هههههههههههههههههه والله انته قصه يااخى انا مش عاجبنى غيرك ياابونصير رايق دايما حبيبى ياكبير

ربنا يبارك فى عمرك حوده ويدوم الروقان
ارق التحايا
دمت بخير وسعاده
ابو نصير

[ابو نصير]

اقتباس المشاركة الأصلية كتبت بواسطة حازم34 هههههههههههههههههههههههههههههههههههههههههههههههههه ههههههه هههههههههههههههههههههههههههههههههههههههههههههههههه ه ههههههههههههههههههههههههههههههههههههههههههههه حقيقي انا تعبت من كثره الضحك مش ممكن ما شاء علي ها الفكر استاذ استاذ التخيلات وبقي دماغي هيرد المسمار زغرطي يا ام حازم لولولولولوي يا دهوتي كل دي دماغ وظيفه جميله خالص تلاقي يتقدم لها حوالي خمستاشر الف كدا ههههههههههههههههههههه ولهم هيكتبوا انه معاه كل المواصفات دي انتي كاتب تخيلي ساخر وفنان جميل والله حبيبي ابو نصير الله عليك

دوكتور
زغردىىىىىىىىى يالى انتش غرمانه
حبيبى
ارق التحايا

[ابو نصير]

اقتباس المشاركة الأصلية كتبت بواسطة الشيخ جرجس ههههههههههههه دماغ عاليه والله جامده ظابط ايقاع دي لا دا ظابط امن دولت بقى تسلم عم نصير

متشوفلى شغلانه معاك يا شيخنا جرجس امام مسجد ولا شماس
هههههههههههههه
منوار الدنينا كلها عمونا
ارق التحايا