هلموا يا قوم ^_^

War ROFL · منذ /03-10-2016, 08:39 PM

السلام عليكم ورحمه الله وبركاته
ازيكوا جميعا ؟؟؟

اتمني تكونوا في احسن حال و صحه وعافيه

في مسابقه جديده اتمني تلقي تفاعل من الجميع
و تكون مفيده للكل

هتبقي مكرره كل 10 ايااام

الفكره ببساطه

ركزوااا و اسمعوا معايا بقا

هتختار عزيزي المتساابق من بين 3 شخصيات هنعرضهم هنا

هتختار شخصيه واحده هتتقمصها و اسمك هيتغير ليها
وهتبدأ تعرفنا بشخصيتك الجديده

باسلوبك الخاص تحكيلنا كدا نشأتك اتولدت فين و ايه اخبار ميلادك
اهم المحطات و المراحل في حياتك
الانجازات الي عملتها ومين ساعدك

هتحكيلنا قصه حياتك باختصار في 5 مواضيع

بالقسم الي هينتمي ليه ابداع الشخصيه وتفوقها
سواء رياضي او اسلامي او تاريخي بالعموم او بتاع تنميه الخ الخ الخ ...

و في النهايه هيبقي في استقبال في الخزعبلات هتجاوب علي اسئله الاعضاء الوهميه وتجاوب عليها بشخصيه وتفكير المتسابق
(يعني هيبقي موضوع للتسليه فقط )

الجواائز بقه متعدش هههههههههه

هتبقي حسب تقييم الاداره و الاعضاء
هتوصل لحد 300 مشاركه ونجوم و 2000 نقطه تقييم و خلافه

كمان في جائزه تانيه هتبقي من مشرف القسم الي هتتعمل فيه المواضيع

بخلاف ان اسم صاحب الشخصيه هيبقي منور في صفحه بدايه المنتدي

اول 3 شخصيات هيبقوا

تاكيو اوساهيرا
سيدنا خالد بن الوليد
ونستون تشرشل

المطلوب تختار واحد منهم

ها مين قال جاي

لزم التنويه اننا هنبتدي بعضو واحد في السباق ويتم تقييمه ^_^

.Lamar · منذ /03-10-2016, 10:24 PM

فكرة صراحة تحفة
بشكرك عليها

انا هختار خالد ابن الوليد
بس يا ريت توضح اكتر
هنكتب القصة على خمس مواضيع بنفس القسم و ازاى ؟؟؟

War ROFL · منذ /03-11-2016, 09:14 AM

اقتباس

المشاركة الأصلية كتبت بواسطة .lamar


	فكرة صراحة تحفة بشكرك عليها انا هختار خالد ابن الوليد بس يا ريت توضح اكتر هنكتب القصة على خمس مواضيع بنفس القسم و ازاى ؟؟؟

شكرا جدا ليكي

خلاص حضرتك كدا معانا
هتتقمصي الشخصيه بقه هتقرأي عنها وتعرفي كويس
وتحكي باسلوبك
في 5 مواضيع
ممكن في قسم الاسلاميات او في قسم الشخصيات التاريخيه
هتقسمي المواضيع براحتك بما يحقق الغايه و باسلوبك
ممكن اساعدك ف التقسيم مثلا مرحله النشأه وما قبل الاسلام مرحله الاسلام
زواجه و اولاده جهاده و وفاته وهكذا ^_^
استعدي بقه لتغيير الاسم وكله

۩۩ elMagic ۩۩ · منذ /03-11-2016, 09:15 AM

الفكره مميزه طبعا
هتفيد الشخص اللى هيتقمص الشخصيه وهتفيد اللى هيتابعهه
واحنا متابعين بقى بإذن الله
تسلم صمت لمجهودك الطيب ،،

War ROFL · منذ /03-11-2016, 09:31 AM

اتمني تحقق الفائده للجميع
شكرا لدعمك
منور ^^

الفيلسـوف · منذ /03-11-2016, 10:14 AM

مجهود جميل اخى الفاضل تسلم ايدك ومتابعين معاك ان شاء الله

شاعرة الرومانسيه · منذ /03-11-2016, 11:18 AM

فكره جميله اخى

حظ سعيد للمشتركين

متابعه معاكم ان شاء الله

دمعه حائره · منذ /03-11-2016, 01:13 PM

مسابقه جميله وجديدة
بالتوفيق للجميع

.Lamar · منذ /03-11-2016, 04:17 PM

تمام اخى
وضحت الفكرة معاى
و الله المستعان

تحياتى و تقديرى

حازم34 · منذ /03-11-2016, 08:44 PM

ما شاء الله فكره جميله ومميزه وفيها فكر عال

باذن الله اكون من المشتركين

واختار الداهيه ونستون تشرشل

بالتوفيه لكل المشتركين

تسلم والله دكتورنا

تحياتي الك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هلموا إلى القرآن الشيخ صالح الشواف	وغارت_الحور	منتدى الاسلاميات والقرأن الكريم	1	05-30-2015 09:36 PM
هلموا إلى القرآن الشيخ صالح الشواف	وغارت_الحور	منتدى الاسلاميات والقرأن الكريم	0	05-30-2015 04:47 AM
هلموا يا قوم الى الجهاد	big bốss	منتدى النقاش - الحوار الجاد - قضايا المجتمع	13	10-03-2013 06:09 AM
هلموا نزداد ايمانا	توحد ارواح	منتدى الاسلاميات والقرأن الكريم	6	09-24-2013 04:42 PM
هلموا الي لترحبوا بي	امير الأمل	منتدى الترحيب بالاعضاء الجدد	8	01-02-2009 10:47 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

هلموا يا قوم ^_^

منتدى المسابقات