الزمالك يفوز علي دوالا الكاميروني بهدف لـ محمد كوفي

[محمود الصاروخ]

السلام عليكم ورحمة الله وبركاته
--



إنتهت منذ قليل مباراة الزمالك ودوالا الكاميروني ضمن مباريات دور الـ ( 32 )
من دوري أبطال افريقيا هذا العام وفاز بها الزمالك بهدف نظيف سجله المدافع
المميز محمد كوفي في الدقيقه ( 58 ) من تصويبه مميزه من خارج المنطقه لتسكن
شباك حارس الفريق الكاميروني وبهذه النتيجه الزمالك يسهل طريقه في مشوار
التأهل للدور المقبل من البطوله لحين انتظار مباراة العوده في القاهرة

شوط أول سيء للغايه من الزمالك وهدد الفريق الكاميروني مرمي الزمالك في
أكثر من كره خطيره ولكن انتهت بسلام علي مرمي حارس الزمالك احمد الشناوي
وإستمر الزمالك طوال الشوط الاول في تقديم اداء سيء وكانت السيطره التامه
لصالح دوالا ولكن بحمد ربنا ودعوات الزملكاويه خرج الشوط الاول
بالتعادل السلبي بين الفريقين

شوط ثاني مميز وقدم فيه الزمالك أداء مميز للغايه ومالفت إنتباهي
أن الزمالك في مباراة اليوم بدأ يقدم أداء تكتيكي مميز وبدأ يكون مميز
في التغطيه الدفاعيه عكس المباريات السابقه في الدوري العام

بالرغم من حلاوة هدف كوفي ولكن تبقي أهداف كوفي بالنسبالي لها
طعم خاص حتي وإن كانت اهداف بسيطه ولكن الهدف اليوم أجبر الجميع
علي احترامه والتصفيق له وهذه هي المباراه الثانيه علي التوالي التي يسجل
فيها المدافع المميز محمد كوفي

الخلاصه !
الزمالك طوال الشوط الثاني أكتر من رائع ورجل المباراه بالنسبالي هو كوفي
ومعروف يوسف راجل بما تحمل الكلمه من معني برغم الاصابه وشيكابالا اللي
حد ما مقبول في مباراة النهارده ولكنه يحتاج اللي مباريات اكتر أما حفني وفتحي
لم أجد كلام لوصف هذا الثنائي الرهيب واللي من كوكب أخر

مبروك للزمالك الفوز علي دوالا اليوم وتسهيل مهمته في التأهل للدور القادم
بالتوفيق للأهلي في مباراة العوده في القاهرة وان شاء الله يتأهل هنا في مصر

.. اسئله للنقاش ..

- ما رأيك في المباراه بشكل عام وأداء الزمالك بشكل خاص ؟
- هل تتوقع صعود الزمالك للدور القادم بسهوله أم يواجه صعوبات
في مباراة العوده في القاهره من دوالا ؟



تحياتي للجميع محمود الصاروخ

[shery]

ف الاول مكنش قد كده وبعد كده اتزبط
بس الف مبروك تيراتيررراااااااا

[سَـلمَى]

مبــــــَروك يامحمود ولكل الزمـَلكاويين ..

إستغلال فرصة من كمية فرص أحسن من عدم إستغلال ولا فرصة
وده الفرق الزمالك عن الأهلي رغم سيطرة الأخير ..

والله أنا كمان مش لقية وصف لـَحفني وفتـَحي ماشاء الله عليهم
وجودهم في الفريق فارق جدا
والمدرب الجديد بعد ماعرف يوظف حفني صح بقينا نشوفه بشكل تاني ..

مبروك من تاني ومبروك للفرق المصرية ال فازت

عقبال مباريات العودة ..


منور من تاني يامحمود
وتشكر عل المجهود والتقرير
تسلم إيدك

[دمعه حائره]

مبروك للزمالك وتسلم محمود على التقرير

[۩۩ elMagic ۩۩]

مكنتش متابع اللقاء ولكن شوفت الملخص بتاعه
الشوط الثاني هو كان اللحظه الفارقه للابيض
واداء حفنى وكوفي والشناوى اللى انقذ الفريق في اكثر من مره
دول كانوا في القمة ومن بعدهم بيجي فتحي وشيكابالا
اتسهلت المأموريه لصالح الابيض ويقدر مع شوية تركيز يخلص في الاياب
ومدرب الابيض بدأ يفهم اللاعيبه ويوظفهم بشكل كويس
بالتوفيق لكل الفرق المصرية بقى
تسلم يا معلم للمتابعه

[شاعرة الرومانسيه]

مبروووووووووك للزمالك ايوا بقا

[الفيلسـوف]

اولا الف مبروك للزمالك
قانيا يستحققوا الفوز بجد
هو فعلا الشوط الاول انا توقعت للزمالك الهزيمه لانى الاداء كان غير مرضى
بجانب فعلا ان ارضيه الملعب فعلا مايقدر يلعب عليها اى مصرى بسهوله
والجانب الممتع فعلا انى الفريق اللى لعبه الزمالك هو الثانى ع الدورى
وفعلا فريق يستحق ان يكمل مجموعات وليس دور 16 فقط
ولكن ف النهايه مبروك للزمالك لانه بصرف النظر اهلاوى او زملكاوى
فالذى يلعب اليوم هو باسم مصر هههه مع انى كنت اتمنى العكس
ولكن مباراه مشرفه كان بها جانب من المتعه الشوط الثانى
تسلم ايدك ياصاروخ

[countess]

ماشفت المباره صراحه

بس جيت ابارك للعالم الزمالكاويه

انت وكمان منه حبيبت قلبي زملكاوية حتى النخاع

رغم انا اهلويه بس عندي روح رياضيه وكدا يعني ههههههههههه

[عهود~]

الف مبروك للزمالك
وجماهيره ولمصر كلها

شكرا

[احساسى صحيح]

الف مبروك للزمالك وعقبال القادم ان شاء الله
وشكرا حوده