احلا الحروف ماما..مدونة امي

SaMa. · منذ /03-13-2016, 10:14 PM

مبسوطة اوي اني هعمل مدونة اكتب عن ماما
واول حاجه عملتها التصميم بالفوتوشوب
فى اول مشاركة وهستنى اعرف رئيكو...
وكمان هوريه لماما...
واقولها كل سنة وانتى طيوبه
واحلا ام ف الدنيا دى كلها
هكتبلك كل حاجه ف قلبي
وحساها ي حبيبتي

SaMa. · منذ /03-13-2016, 10:36 PM

انا عارفة انى بتعبك معيا كتير..
لكن انا مليش غيرك انتى ع طول حاسة بيا...
وبتكوني معيا ف ايامي الحلوة والصعبة...
ونفسي ارد ليكي جزء من جميلك عليا...
لكن موش عارفة ازاى كل الل اقدر عليه...
انى بسمع كلامك واكون ع طول البنت المطيعة...
الل تريح مامتها عشان ترضي عليها..
وحبي ليكي موش هيكون ليه يوم...
انابحبك طول السنة وطول العمر...

SaMa. · منذ /03-13-2016, 10:39 PM

عارفة انك نفسك تسافرى الحج..
وع طول تحصل ظروف تعطلك وتقريبا بتكون انا..
لكن السنادى ي رب نكون كويسين..
وتقدرى تروحي ي حبيبتى...
وربنا يقبلها منك وترجعيلى بالسلامة...
لاني موش هعرف اعيش منغيرك...
ولااقدر ابعد عنك ولا يوم واحد...
وهفكرك تدعيلي بس اوعى تزعلي...
وتقولي لو موش هدعيلك هدعي لمين...
انا بحب ادلع عليكي واسمع منك كلمة حبيبتي....
والدعوة الل من اكتر قلب بيحبني...
بعدها بحس براحة وانسا اى حاجة مدايقانى
ي اغلا من نور عيني..

SaMa. · منذ /03-13-2016, 10:42 PM

فاكرة لما دخلتي عليا الاوضة..
ولقتيني بعيط وانا مسحت دموعي بسرعة..
عشان متزعليش مني لانك ع طول بتقولي..
دموعك بتحرق عيني انا وان محدش يستاهل تنزل..
علية بس انا كونت زعلانه يومها كتير...
ولوللا انك نمتي ف حضني مكنتش هعرف اعمل ايه...
وديما لما يبعد عني حد بحبو...
او تضيع مني حاجه متعلقه بيها...
حضنك انتي بيعوضني كل الحجات
ي روحى انتي ي ماما...

SaMa. · منذ /03-13-2016, 10:47 PM

وده التصميم عملتو عشان الام السنه الل فاتت
وكسبت يومها جايزة
انتي بجد زهرة حياتي والامل الل بعيش بيه
وموش عارفه لولا انك مامتي كان زماني عايشة ازاي
ده الدعوة منك ي حبيبتي هي الل بعيش بيها
وبحس ان ربنا بيحبني وخلاني بنتك....

SaMa. · منذ /03-13-2016, 10:55 PM

عارفة ان كل الامهات بيحبو عيالهم..
بيسهرو معاهم ..لما يكونو عيانين..
او بيذاكرو وبيقلقو عليهم لو اتاخرو
لكن انتي ياماما غير كل الامهات...
متخليتش يوم انى يكون ليا أم غيرك..
ولاحسدت حد من صحابي ع مامتو
لان ملقتش معني للام غير فيكي...
ولاحسيت بالامان غير معاكي
عارفة ان حتا لما كانو يتريقو عليا...
عشان باجي سعات انام جمبك
بحس من جواكي ان انتي اللى
عاوزاني افضل ف حضنك..
انا روحي موش بلاقيها غير ف حضنك
ي رب افضل معاكي ع. طول...

SaMa. · منذ /03-13-2016, 10:59 PM

معناها اية كل ميكون نفسي ف اكلة...
الاقيكي عملتيها منغير مقولك
عارفة ازاي بفرح لما كل ماكبر ابقا شبهك..
ولما ارجع للبيت واول كلمة اقولها
انتي فين يامامتي...
حتا لو نايمة بتردي عليا..
دة صحبتي كمان بتحبك
وتيجي تحكيلك مشاكلها...
عشان انتي احلا أم وصديقة...
والكل بيحبك ملقتش حد حبني..
ولا استحملني زيك
حب.. عيوبي وعصبيتي..
وقواني ع الدنيا وتعبي..
انتي ياماما روحي الل عايشة بيها...
ومرايتي الل بشوف نفسي فيها
ي رب يخليكي ليا
وتفضلي ع طول ف حياتي...
صحبتي ومامتي....

SaMa. · منذ /03-13-2016, 11:04 PM

ماما..
هفضل طول مانا عايشة
حاسة اني مقصرة معاكى...
وكفاية ان حلم كبير ف حياتك
انا رافضة احققو ليكي...
بس ياماما انتي عارفة غصب عني..
هنعمل ايه انا مبقتش عاوزة حاجه م الدنيا...
غير انك تفضلي ف حياتي...
وان صحتك تكون ع طول كويسة
وكفاية تدعيلي وانا هكون فرحانة
عشان انتي عندي بدنيا والل فيها...
يااحلا ام شافتها الدنيا دى كلها.....

SaMa. · منذ /03-13-2016, 11:07 PM

ناس كتير بيقولو عليا اني طفلة..
وتصرفاتي كلها بتقول اني موش بكبر
ماهما معزورين ياماما...
ازاي يكون عندي ام زيك واكبر..
ولا اشيل هم للدنيا كفاية دلعك ليا...
وحنيتك اللى مخلياني موش بسيب حضنك ابدا...
واول ماكون جمبك بحس اني طفلة...
وموش بشبع منك
حتا لما تحاولي تكوني شديدة معيا...
وتزعقيلي عشان مصلحتي.مبتعرفيش..
عشان الحنية الل ف قلبك تكفي العالم كلو
ي حبيبتي ي كل الناس عندي....

SaMa. · منذ /03-13-2016, 11:12 PM

ولما قولتي انك محظوظة انك خلفتيني...
ازاي تقولي كده ده انا اكتر انسانة
محظوظة ف الدنيا دي كلها انك ف حياتي
ولو جمعو حب الدنيا كلو
موش يجي حاجة جمب حبي ليكي
ولو حتا خلص الكلام النهردة عليكي..
كل الايام الجاية هتكون بس
عشان احبك وارضيكي
ي اغلا عندي من عينيا..
ي رب يخليكي ليا انا واخواتي.....

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أسطوانة قطار الحروف لتعليم الحروف العربيه والكتابه الصحيحه	gharib86	برامج كمبيوتر - برامج نت - تحميل برامج 2022	9	11-07-2011 11:13 AM
النغمة الرائعة \| ماما يا ماما .. أمي يا أمي \| بصوت أحمد و نهلة \| لعيون ست الحبايب	عطر القلوب	منتدى الجوالات 2022- نوكيا - ايفون - بلاك بيرى - هواوي _سامسونج _اوبو _شاومي	1	08-29-2011 01:50 PM
بقلمى .. لالا .. بقلمه .. لالا .. منقول .. لالا .. مســـــــــــروق	خارج عن القانون	بقلم أعضاء بنات مصر - حصري	31	01-01-2011 08:04 AM
احلا بوكيهات ورد لى احلا عرايس	اميره الورد	منتدي ليلة العمر	8	11-27-2009 08:03 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

احلا الحروف ماما..مدونة امي

قــــاعه صفحات مكشوفة