سلوان

[يحيى الفضلي السودان]

= سلوان =

رحلة الى السودان --- يحيى الفضلي عوض حسن بابكر التلب القراشي


عذرا للحكي السوداني





زمني العشته في ظلمات بريقا لقليبي خطف
طل صباحي من بدري بعد ما كان حسبته وقف
قمري الكان طول الليل تباري عيوني تلقاه خسف
شمسه العاقباه بساعة اسفي الكل نوره كسف
سرت من ظفري لراسي قشعريرة جسمب رجف
انتي من طلة عويناتك شمس قمرة ليك لهف
فيك لطلة بهاء النور طير الغابة كله هتف
من حسن جمال الهيبة جاب تعبير جديد ماوصف
ومهما اقلب الكلمات اجد نفسي تقول لي اسف
ومهما تكون حروف للريد ومنظومات اوقفها صف


ما بتغنيني من تعبير من خصرا يعلوه ردف
ماها دي التجيد حسنك حروف متروكة فوق للرف
عشان حسنك جميل وفريد اقول لحظي اقرا الكف
مهما اصور التعبير غلبني اقول عقلي انا خف
انت كل الحسن يا غادة وكلمات وصف بالعف
رمش عينيك قوس وسهم نفذ لقلبي ومخي نسف
حروفي تبني ليك جنة تعيشي فيها انت ترف
تتركي الدنيا والفيها وتنسي كلما هو قشف
كلمات شلعر قاله قصيد تحسبها في حسيسه رهف
مصور ليك جمال النيل جمال نخلا جريده سعف

قدر ماقلت اوصف ليك ذاكرتي تقول دي ملف
مرة عيوني تبكيكي ومرات القى قلبي عطف
زهرة انت من بستان حرامي ليك انت قطف
عشانك نيلي يهدا موج ولم يثور بيتردف
يخرج من ضفافه بعيد تارك من وراءه صدف
ويترك لي طمي الايام نحافة منها بتقرقف
ومهما ليك حروفي تجيش كثير كتب وكم الف
قليبي يذوب من حسنك قليبك انت فيه صلف
طريق للريدة ماشاه جديد طريقا ليه قلبي عرف
ومهما تقولي عني الجور كلامك كله عني انف

انت لو دخل قلبي ومن دمي اخذتي سرف
تروحي فيها غمرانة ولو ما الله ليك لطف
ليك الرب كتب لك عافية ولظلماتك نوره كشف
نعيش في الدنيا متحابين قليبي لي قليبك الف
حبك سيل يا غالية ولقلبي سيله جرف
صبحت وادي مخضرا وانت لي غزال ولف
غدير للوادي ينبع ليك يوما ما بتلقي ده جف
لو الماء ماه رواك تلقي قليبي ليك نزف
يسقيك من عروق الريد كلما شربتي بزيدك تف
اصلا ماه غالي عليك لو عشتي سنين الكهف

او حسرة كلام ذا النون ثلاث ظلمات كرف فوق رف
داعي ربي يفرج ليك تعيشي في حياتي كنف
زي زورق فوق للنيل تجاه قبل معاك انا دف
حبس فضة جمال النيل خضار شاطئيه ايا لف
نغم عصافير فوق اغصان صبح النور بزيده شغف
جرفا يعلوه عيش الريف نظم قندوله ملفوف لف
ويرسل فوق بشعيراتا حريرا لامسه في معطف
وتسمع لسواقي النيل صوتها حنين ليك عزف
بنات الحي واردات ليه كل صفيح منه غرف
ما بنقص مهما كان لو وردن صف وراء صف

طعم القرية عيشيه حياتهم ماها فيها كلف
طبع الريف مشهود ليه للماعنده بدوه سلف
وللمرضان بزوره كثير دموع عينيهم فيها راف
وللبزرع بجوه نفير كان بحرت وكان جرف
حسن الخلق مشهود ليهم مافي حد يباري هرف
كل زول حصيف في القول عذره ليك بكل اسف
غنيهم في سعادة الغير مسكينا بينهم بتعفف
انت حصيفي لايا غالي وما اظن اكون شنف
ومهما اجدد الكلمات وما اظني ليك نصف
ومهما اقول اقرب ليك القى خطايا تتكتف

وتارة تطل سحابة ريد ولزيفك بشمها كرف
ماني قادر اوصف فيك مهما اقول ومهما حلف
حبيبي الدنيا دوارة ومافي يوم اظنه وقف
قليبي الفات ضفاف النيل رحل للنار بنى وسقف
دخل لنار قليبك دار وحب النار زاده شغف
حب النار لقاه دار ولحسن السعادة صدف
اصبح فوقها متقلب من جمرة لجمرة مابقرف
واصبح عاشق الاحلام وبيت النار لقاه مصيف
في عينيه احسن دار ولحسن السعادة صدف


الى ان نلتقي

يحيى القراشي

الشبكة ضعيفة

[يحيى الفضلي السودان]

خطوط حمراء للزوار تزينا شرف
سماحة عذري للقراء فيها كلف
زينة تبفى فوق عنقي وتبقى الشف
مرصعة من درر بلدي سمح مغرف
اشارك كل زواري للماعارف والبعرف
افوحها بشذا الياسمين في جو الطف

[حازم34]

الله الله علي الشعر الجميل لحسن بابكر


اولا بدا بالغزل ثم تطرق الي جمال البلد


الله عليك اخي يحي احسنت الاختيار والنقل الجميل


والكلمات جميله ومفهومه


تسلم والله انت مبدع حتي في اختيارك


لك مني خالص التحيه والود

[يحيى الفضلي السودان]

اقتباس المشاركة الأصلية كتبت بواسطة حازم34 الله الله علي الشعر الجميل لحسن بابكر اولا بدا بالغزل ثم تطرق الي جمال البلد الله عليك اخي يحي احسنت الاختيار والنقل الجميل والكلمات جميله ومفهومه تسلم والله انت مبدع حتي في اختيارك لك مني خالص التحيه والود

القصيدة دي كتبتها في الغالية سلوان

زميلة دراسة

ليس نقل د حازم

اشكرك على الاطراء والمرور

[فداااااااااااء]

طويلة اوى لكن جميلة

سلم القلم الرنان
وسلم النبض الراقى

[يحيى الفضلي السودان]

اقتباس المشاركة الأصلية كتبت بواسطة فداااااااااااء طويلة اوى لكن جميلة سلم القلم الرنان وسلم النبض الراقى

فداااااااااااء مزوركم يعني ثقافتكم

ممنون للمرور

[shery]

حلوه جدا ماشالله مبدع
ربي يوفقك
تسلم

[يحيى الفضلي السودان]

اقتباس المشاركة الأصلية كتبت بواسطة shery11 حلوه جدا ماشالله مبدع ربي يوفقك تسلم

مروركم يسعدنا غالينا شيري

[دمعه حائره]

قلم مبدع وسخى يفيض علينا بكل ماهو رائع
سمت اخى ودام تواجدك العطر

[يحيى الفضلي السودان]

اقتباس المشاركة الأصلية كتبت بواسطة دمعه حائره قلم مبدع وسخى يفيض علينا بكل ماهو رائع سمت اخى ودام تواجدك العطر

الله ينور عليك غاليتنا

دمعة حائرة