مدونتك فى نظر الأعضاء ( الفيلسوف)

[الأميرة رودي]

السلام عليكم صباحكم/مساءكم محبه رواد الصفحات والمتدى الكرام النهارده ضيفي انسان مميز صاحب فكر واعي و تواجد ببصمه مميزه فى اغلب الاقسام وخصوصا فى صفحات مكشوفه بمدونته الخاصه مدونه جميله يتابعها الكثير منا أ/ محمود شاكر جدا للمقدمه الجميله اللى شايفه انها كبيره عليه اوى ياساره يسلم ذوقك اهلا بيك يا.مدير.. ولا كبيره ولا حاجه انت مميز وليك اسلوب وفلسفه خاصه من اول يوم تسجيل اتفضل عصير فراوله اهلا بيكى يامراقبه منوره هنسألك شويه اسئله تخص مدونات الاعضاء وعليك الاجابه قولي الاول// بيمثلك ايه قسم الصفحات؟ بصراحه لما كنت داخل الموقع جديد كنت بشوف الناس عامله توقيع كده وكاتبه مدونتى وكانت حاجه جديده كنت مااعرف شكلها والحاله اللى بتمثلها للشخص قسم الصفحات ده بالنسبه ليه حاجه كده بحس انها المكان الهادى اللى بحبه اقعد فيه مع نفسى اقول اللى احبه مملكتى الخاصه [.. بنظرتك ..] أي المدونات جذبك عنوانها..؟ بصى عاده اى موضوع بيجذبك العنوان علشان تدخلى غالبا المدونات اللى جذبتنى اول مادخلت مدونه اخى الغالى واللى بعتبر انه مكسب ليه ونكز كبير ابو عصام واختى الغاليه جبل عالى وكمان مدونه شاعر الاحساس وايلانا وقيثاره الصمت وايمان طلعت والختام المسك شاعره الاحساس الراقى حنين مدونه تنسجم معها و تحفظ مآ يعجبك فيها لديك ..؟ والله هو الاقلام هنا كتير لكن علشان اكون صادق مدونه الراقيه منه دمعه حائره ومن علمنى الراقى الجميل ابو عصام طبيب الهوى بالرغم انه الايام ده بيحرمنا من كتابته وجبل عالى لانى لا انكر انها علمتنى الكثير واكيد طبعا شاعره الرومانسيه لانى نشط ف القسم عندها ومش بتدينى غير 100 مشاركه مدونه تجذبك تنسيقها ..؟ مدونه د اسماء مش بتكتب فيه ايه حاجه تنسيقها جميل يعنى نادرا لما تتلقى ليها غلطه املائيه او لغويه ● ● ● [.. داخل المدونات ..] موقف آضحكـ ..؟ لما قالت جبل عالى ف مشاركه قديمه ف المدونه ذلك البنى ادم الغريب ههه ف كتابته ارحم بقى موقف آحزنك ..؟ بصراحه لما بلقى بعض الاعضاء يدخلوا يشتموا بعض ف مدونتهم مدونه ترسم آلبسمة على ثغركـ عند دخولكـ لها ..؟ مدونه الماجيك ههههه لانى الماجيك ده ماحد يتوقعها غير معروف هههه مدونه يغلب عليها آلحزن ..؟ ف الايام اللى فاتت ما اتوقع كل المدونات اللى بقراه منوعه مدونه سياسيه من الدرجه الآولى ؟ غالبا انا مش بهتم بالسياسه اوى لانى السياسه من وجهه نظرى هو قلب الواقع وتغيره ولحد الان لم يتضح سياسه مرضيه مدونه يعجبك اراء وتفكير صاحبها ؟ كل مااقرا له مما ذكرتهم فانا اتفق معاهم وان لم اتفق معاهم لا اقرا له فكما قال المثل عندما تريد ان تعرفى احد فاقرئى له مدونه لآتتوافق مع ارائها؟ كل من يتخذ قلمه لمن لا يوافقه الراى بالقذف واستخدام قلمه بطريقه مبتذله لا يعجبنى [.. لمن تقول ..] مدونتك رآإئعه استمر ..؟ مدونه شاعره الرومانسيه مدونه دمعه حائرة مدونه جنون قلب مدونه د اسماء مميز في آنتقآئك للآبيآت وجميع الاقتباسات ..؟ الانتقاء ف الابيات ده بجد بشوفه مع حبيبى واخى الغالى اللى علمنى ابو عصام وكمان اختى القديره جبل عالى الى تعلمت معاها الكثير //////////// [.. آلآقلآم ..] هنآك من الكثير من تكون صفحآتهم بـ آقلآمهم فـ قلم من يعجبك ..؟ كل من اتابع مدونته فهو قلم يعجبنى هناك اقلام تكتب بطريقه ساخره .. فأى منها يعجبك ؟ هو قلم ابو نصير بجد طريقته بتعجبنى قلم حاد وقاسي بتعبيراته .. من؟ قلم من يغير ع بلده ويغير ع كل خلق سى ويتمنى تعديله ده كتير هناك اقلام راقيه تكتب فقط ف الصفحـات ولآتجدها ف باقي الاقسام فأى منها لفت انتباهك ؟ لا هو ممكن نقول زى مثلا زى الاختين هاجر وبوبه بيكتبوا ف المدونه كتير وايلانا وجنون قلب وشاعر الاحساس وكلها اقلام تستحق كل تقدير تفضل الكتابات العاميه فى المدونات أم الفصحى ؟؟ بصراحه انا مش بركز ف القصه ديه انا غالبا لما كنت بدخل جديد كنت بكتب بالعامى اوى ولكن بتوجيهات ابوعصام وجبل عالى اتعلمت اركز واصبر حبه لانى كنت متميز ف الغلطات الاملائيه هههه بكتب بسرعه ولكن مع التوجيه اتعدلت كتابتى وظهر الفرق اللى اناراضى به بس انا ممكن اقول وجهه تانى انا بكتب اللى حاسه ومش مهم هو ايه ايه رأيك فى الناس اللى بتنقل ومش بتكتب تحت راق لي او مش بيلتزمو بالقوانين والله ربنا يصلح حالهم هو مش عيب انى اقول راق لى كلنا بنتعلم من بعض ولكن حقوق الملكيه اعتبر انها من حق اى شخص واتوقع انى اتعرضت لموقف زى ده ف الجامعه حد طلع ع المسرح وقال خاطره ليه وقال انها لى ولما ناقشته قلتلى الخاطره مسجله هههه سجلتها وهى بااسمى ● ● ● [.. آلعنوآن ..] مآهي آفضل 3 عنآوين من وجهه نظرك.؟ ما يلمس القلب نضوج العقل التشبيه البلاغى المميز [.. لـك يـآصـآحب المدونه..] هل تـحب من الاعضـآأإء آن يشـآركوآ برد في مدونتك..؟ لا بصراحه لانه المكان الهادى اللى بحب ابقى فيه لوحدى ومارأيك فى غلق صلآحيات الردود على الاخرين ؟؟؟ من الناس المويدين لبها جدا بماذا تشعر وانت تنفرد بقلمك ونفسك على الصفحات ؟. عامل كده زى فنجان القهوه مع اغانى فيروز وسط اصوات الشلال كده وشمس صافيه جميله ونسمه هوا خفيفه ان حُـدد لك عضوين فقط لهم الحق فى مشاركتك بالرد ف مدونتك فمن تختار ان يشاركك ؟ اكيد حختار اللى يعلمنى وما يقولى مجامله انا بحب النقد اللى اتعلم معاه جدا ممكن اكون بتعصب احيانا بس بتعصب اللى بيقول دايما رد مايقنعنى واذا كان لك صلاحيه الرد فى مدونتين من مدونات الاعضاء فمن تحب ان تشاركه مدونته ؟ ههههه لا انا عندى الصلاحيه حدخل ارد ع المدونه اللى تعجبنى واقفلها بس وقتها حرجه معتزل ده انا ما حظرت ويبقى وقتها شغلت قسم الشكاوى ماالشئ الذى اردت يوما الافصاح به فى مدونتك ولكنك تراجعت عنه.. ومالسبب لا هو انا غالبا مجنون بقول اللى نفسى فيه ف المدونه اسرار كثيره من يتدبرها يعرف كل شى عنى لانى غالبا اى حاجه بكتبها بتكون من الواقع وليس من محض الخيال من وجهه نظرك هل هناك سلبيات فى القسم او سياسه الاشراف فيه؟؟ سلبيات القسم هو غياب من كان لهم التاثير ف صفحات مكشوفه روكه وساره اينعم انا مااعرفش روكه فعليا بس انا بعرف الشخص من قلمه واتوقع انه كان شخص موثر ف ضفحات مكشوفه اعتقد انى قسم قاعات مكشوفه هو من له التاثير الاكبر ف رجوع قسم صفحات مكشوفه ف ثوبه الجميل واعتقد انك ابتديتى تعملى ده وكمان حنين ابتدت تعمل استضافات جميله واعتقد انى احنا محتاجين ده ف الوقت الحاضر نحتاج اللى يعرفنا الاقلام الجميله زى ناس كتير ماحالفنا الحظ اننا نتابع مدونتهم ف البدايه ماذا تقترح و تريد اضافته او حذفه من قوانين القسم او لقاعه الصفحات ؟ هو الاهتمام بقسم قاعات مكشوفه التركيز عليه هو اللى حيعمل صدى اما عن قوانين القسم انا شايف انها جميل واعتقد انى مافيش حد معترض عليه كتير اقتراح تقترحه للتطوير بالقسم ؟ ف الوقت الحالى مش مطلوب لانى متاكد انى القسم حيرجع من اول وجديد بتعاون الجديد بس هو التقصير بيجى من ظروف الحياه فقط اختر 3 اعضاء ممن لهم مدونات ووجه لهم كلمه او رساله من ..محمود... ؟ طبيب الهوى ارجوك لا تحرمنا من ان نتعلم معاك جبل عالى بجد نفسى اشوفك كتابتك من اول وجديد القيصر من الناس اللى بحبهم جدا بالرغم من اختفاء قلمه وفى النهايه ايه رأيك ف البرنامج ده والاسئله الخفيفه المطروحه؟ انتى متاكد وضميرك راضى انى هى اسئله خفيفه مش طويله ههههههه أيون ضميري مرتاح اوي اوي كلمه أخيــرة من قلب . .محمود...... لجيرانك فى صفحات مكشوفه ؟ ربنا يرزقكم بحب الله لانى بعده مافيش اى شى يستاهل أشكرك جدااا لقبول الدعوه كل سنه وانت طيبه ب النجاح والتوفيق فى حياتك يارب انتظرونا وضيف جديد

[ندوشه 2011]

لذيذه اوي كبايه العصير دي هههههههههه والله انتي عسل

[شاعرة الرومانسيه]

لقاء رائع رودى حوار راقى مع ضيف خلوق

أسئله جميله وإجابات راقيه من فيلسوف بقا

تسلم ايديكى حبيبتى

منور الصفحات يا فيلسوف

[محمود الصاروخ]

الله علي الاستضافه المميزه والحوار الممتع جدا
اسئله جميله جدا واجابات أجمل من شخصيه لها وضعها الخاص هنا
بالتوفيق لكم رودي و محمود

[طبيب الهوى]

حمداً لله علىَ سلامتك يا سارة

عودة قوية ببرنامجك القيم والرائع

أتمنىَ أن تستمر

البروف حودا

يكفي أن أقول أنه أبني الذي لم أُنجِبَهُ

أدعو الله أن يُيَسِرَ له حاله وَيَرزقه مِن حيثُ لا يُحتَسِبْ

وَيَهِبَ قلبَهُ النَقي الهدوء والسَكينة وراحة البال

تحياتي وودي وورودي

أبو عصام

[حـيـــــآة ❤]

ملاحظه ف مكانها لاني فعلا بدخل اكتب ف المدونه واطلع الايام دي
لقاء جميل ولذيذ سارونه
منور يابروف
دمتم بحفظ المولي ورعايته

[ايمان طلعت]

عودة حميدة سارة ببرنامجك الجميل
حلقه قويه مع شخصيه قويه و مميز
اشكرك لذكر اسمي
دام النشاط والابداع لكما
تحياتي

[شاعر الحب الحزين]

ربي يعطيكي العافية سارا

استضافة مع شخص رائع وانسان محترم

بتمناله وبتمنالك التوفيق وللجميع

ربي يوفقكم ويسعدكم

منورة أميرة سارة

[يحيى الفضلي السودان]

ماعرفت ارد واقول جميل
لكنه زان فوق للجمال

والغالية امورة الغصون
عصفورة حابة الارتحال

يا سارة امتعتي الجميل
يا غالية يا راقية السؤال

محمود للعينين كحل
سموه من كحل الدلال

طفتو مابين الحقول
منسابة الماء الزلال

وقراءنا لاجمل حرف
طاف بينا ياغالي الخيال

الذوق رفيع في كل ردود
عسلا من الشفتين هو سال

[SaMa.]

حلوة اووي الحلقة مع محمود واسمة الجديد احلا اسم
ثانكس رودي