إشاعة حب ... بقلم مهيب

[مهيب الركن .]

لقيته جاى يقول :

الكل خلاص هيحبنى
و لقيت الطريقه
بيها الكل هيعشقنى
ويبقالى ألف صديقه
قولت ناوى تعمل ايه
وإزاى هتدارى عيبك
وإزاى الكل هاجرك
وفى لحظه يبقوا فى جيبك
قالى شوفت فيلم قديم
عن حبيب زي حلاتى
مش لاقى حد معاه
قام اخترع حكاية
تجرى البنات وراه
طلع أشاعه غريبه
انه بقى ليه حبيبه
وتبعتله فى رسايل
وتتغزل بالكلام
وتقوله انت اللى فى قلبى
يا معلمنى الغرام
قولتله و ايه هيفيدك
من حب فى الأوهام
قال لازم اثبت لهم
إن كتير بيحبنى
وساعتها الكل يقرب
والف حضن يضمنى
قولتله يا ريت تفوق
وتبطل الأوهام
اللى يحبك لشخصك
مش حب والسلام
من أمتى كان الحب
همس وشوية كلام
صدقنى الحب اللى جاى
عن غش وعن خداع
عمره ما فى يوم بيكمل
فى ثانيه تلقاه ضاع
دور وأكيد هتلاقى
مكان فى دنيا الحب
مع قلب صادق نفسه
يلقى مكان فى قلب


بقلم مهيب

[Lamees]

فعلاً اللي بيحب بيحب للشخص ذاته
ومش عشان فلان وفلان بيحب فلان
اعجبتني اخي
ليها معنى
تحيتي
تقييمي

[شاعرة الرومانسيه]

دا شخصيه مريضه

لا يعلم شيئا عن الحب

ولم يكن له بالفعل قلب

ولم يمت للإنسانيه بعد

لو له قلب يعى

وعقل يعقل

وروح تنبض

لعرف ان الحب

حياه واحتواء

ليس كدب وافتراء

ربنا يشفيه من الى هو فيه

تسلم ايديك اخى مهيب

[الأميرة رودي]

الحب المبني على الكدب والغش مابيدوم
جميل المعنى والحرف أخى
سلمت

[مهيب الركن .]

اقتباس المشاركة الأصلية كتبت بواسطة عماد عفيفى احسنت مهيب لقد تحدث بطريقه غير مباشرة عن شخصيه انا اعرفها شخصيا وانت تعرفها والاعضاء يعرفونها بس خلى الاسم فى الاخر وكما قالت الغاليه شاعرة الرومانسيه دى شخصيه مريضه فعلا تحياتى لك

اهلا أخى الكريم انا اتحدث على وجه العموم

ولا أقصد أحد بعينه

القسم للخواطر وليس للتحدث عن أشخاص

أنا أطرح وجهة نظر فى أشخاص ممكن أن تقابلهم
فى أى مكان وهناك أحد الزملاء فى العمل
ينتهج نفس الطريقه

تسلم اخى الفاضل لمرورك العطر

[توحد ارواح]

اكيد ف نماذج موجوده كدا
ربنا يهدي الجميع
تحيتي

[مهيب الركن .]

مروركم الرائع أسعدنى ولى عودة برد يليق

[مهيب الركن .]

اقتباس المشاركة الأصلية كتبت بواسطة اطياف الماضي فعلاً اللي بيحب بيحب للشخص ذاته ومش عشان فلان وفلان بيحب فلان اعجبتني اخي ليها معنى تحيتي تقييمي

تمام كلامك اختى الكريمه

بس قلة الحيله والنفوس المريضه
هى ما تلجأ لتلك الأساليب الفاشله
تسلمى لمرورك العطر

[نجاة حسام]

خاطره جميله تسلم

واهلا بيك فى المنتدا منور

[مهيب الركن .]

اقتباس المشاركة الأصلية كتبت بواسطة شاعرة الرومانسيه دا شخصيه مريضه لا يعلم شيئا عن الحب ولم يكن له بالفعل قلب ولم يمت للإنسانيه بعد لو له قلب يعى وعقل يعقل وروح تنبض لعرف ان الحب حياه واحتواء ليس كدب وافتراء ربنا يشفيه من الى هو فيه تسلم ايديك اخى مهيب

فشلة فى أقامة علاقه يدفعه لتلك الامور
وللأسف هناك من يعانوا من نقص رهيب وضآله فى الخلقه والخلق
فيلجأوا لتلك الأفعال الشاذه لتعويض بعض النقص الذى يعانوا منه
ولكن للأسف تظل الحقيقه كما هى ولا يتغير الواقع بالأكاذيب
فالقزم الذى يقف بجوار الأرانب لكى يرى نفسه عملاقا
يظل قزم وإن أوهم نفسه بغير ذلك

تحياتى لمرورك الراقى أختى الكريمه